logo

韓國買先抵嘅牌子

嚟韓國買先抵!唔買就蝕咗嘅7個牌子,大家又入咗手未呢?

Yeong
a year ago

Hello,大家好,我哋係由韓國人每日提供最新韓國旅行資訊嘅Creatrip


講到Shopping,通知都會想買平、靚、正嘅嘢,但大家又知唔知嚟韓國有咩品牌係最抵買呢?小編舉七個韓國牌子俾大家參考!之後番香港先買嘅話,價格會差好多㗎!



韓國買先抵嘅牌子

1. FILA

韓國買先抵嘅牌子

講到第一個喺韓國買先抵嘅牌子,一定係韓國FILA。


韓國必買 FILA


韓國FILA(Fila Korea Ltd.)其實係亞太總部,同主要嘅品牌公司共同擁有FILA品牌同商標全球使用權,或者就係因為咁,韓國FILA價格先會咁平,幾乎每個星期都會出新品。


韓國 FILA

由基本喺鞋款到最新嘅鞋款,邊一款都係超平,韓國同香港嘅定價差好多,而且嚟韓國買FILA仲可以退稅,何樂而不為呢?


韓國FILA必買 


2. Dickies

韓國Dickies


Dickies其實喺韓國算係平價,而且周圍都有Sale(唔係假貨)。


韓國Outlet Dickies


無論係喺弘大8號出口嘅百貨,定係東大門現代outlet樓上、百貨公司、機場設櫃等等,Dickies嘅服飾都好平,係喺香港唔會搵到嘅價錢。


Dickies 韓國必買 韓國Outlet



如果咁啱嚟韓國玩見到Dickies特價,不妨去尋吓寶,小編行過幾次,雖然款唔係最新,但真係好平。



3. Innisfree

韓國Innisfree


當然嚟韓國就梗係要買韓國牌子嘅美妝,但點解要特別提到innisfree呢?因為韓國嘅innisfree同香港嘅價錢差太遠啦!


Innisfree 韓國必買


因為關稅同進口嘅因素,韓國innisfree同香港店面銷售嘅價格真係差好多,難怪有好多人寧願買韓國innisfree代購,都唔願意喺香港店面買。


Innisfree 韓國必買

喺韓國,innisfree都係平價品牌,加上成日都有折扣同促銷,喺韓國唔行innisfree,就好似差咁啲。



Innisfree 韓國必買 平



4. Etude House

韓國化妝 Etude House

Etude House都係個平價品牌,價錢差唔多平香港一半,所以嚟韓國又點可以唔買Etude House呢?


韓國美妝必買 Etude House

除咗小編介紹嘅呢兩個韓國美妝品牌,其實普遍韓國嘅美妝品牌,喺韓國買都會抵啲,尤其係遇到免稅店或者Sale,真係唔掃貨都唔得!



5. 正官庄

韓國 正官庄

講到韓國人參,又點可以唔提正官庄?呢個牌子大家或多或少都聽過,甚至喺香港都有得買。


 正官庄

不過喺一般嘅鋪頭買正官庄,就算用護照退埋稅,價錢都同香港差唔多。


韓國duty free  正官庄

真係要嚟韓國買正官庄嘅話,最抵嘅做法就係去機場免稅店買。



6. 韓國燒酒

韓國燒酒


韓國食品入口香港之後,價錢都會升唔少,韓國燒酒都係其中一樣。


韓國燒酒 韓國代購


喺韓國便利店一支燒酒大約只係10蚊港幣左右,但入口去香港嘅韓式餐廳、超市之後,一支燒酒嘅售價至少要20-30港幣。


韓國燒酒

不過大家要帶酒返香港,記得留意份量限制,同埋包好啲,小心會整到成喼都係啊!



7. 韓國大褸

韓國大褸

好多人夢寐以求嘅韓版大褸,喺香港代購網買都唔平,又睇唔到實物。


韓國大褸

如果係秋冬飛,咁就一定要買返件啦!


以上就係喺韓國一定要買,而且喺韓國買先抵嘅購物清單,唔知大家每一次嚟,都會買啲咩手信返去呢?歡迎留言話俾我哋知:)




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

熱門文章