Hello，大家好，我哋係由韓國人每日提供最新韓國旅行資訊嘅Creatrip。
以前去影樓影相好多時都要對住攝影師，因為好多時都唔知要擺咩Pose而覺得尷尬，不過而家唔需要再怕啦！因為韓國而家好流行自助影相舖，喺影之前專業攝影師影會幫大家調校好相機位置，大家只要拎住個遙控器一撳就可以影到靚相！今日要同大家介紹呢一間位於安國站嘅「Cheese Smile Studio」，如果有興趣嘅朋友之後就唔好錯過啦！
景福宮「Cheese Smile Studio」基本資訊
- 地址：서울 종로구 계동 북촌로4길 27 3F
- 營業時間：星期一、三至日 10:00-19:00
景福宮「Cheese Smile Studio」實地探訪
小編今日嚟到景福宮「Cheese Smile Studio」，呢度Naver評分高，而且最重要係自助拍攝！
Cheese Smile Studio有提供各式各樣飾品，而且都係免費，如果大家有睇啱都可以拎嚟試吓戴。
另外呢個亦都有提供裙仔、西裝、皮鞋等，大家都可以揀自己鍾意嘅衫去換，不過提提大家最好提早15分鐘去換！
大家可以放心，影之前專業攝影師已經會幫大家調校好相機角度，大家只要輕輕鬆鬆拎住遙控器影相就可以，影嘅時候一啲都唔尷尬，而且仲可以影到好自然嘅一面添。
拍攝時間雖然只得30分鐘，不過其實都幾夠，影完嘅相大家仲可以即刻透過螢幕去確認，而且喺螢幕上方仲可以睇剩返幾多時間。
雖然呢度嘅衫全部都好靚，但最多只可以借兩套。
大家可以自由發揮，而且因為唔會有其他人望住，所以影得好放鬆。
影完相之後有15分鐘可以揀2張相俾職員幫你執相，執完之後仲會做一個前後對比，如果再有想執嘅地方，都可以再同職員講。
大家最後可以得到2張相，每人仲可以得到一個白色相框！
無論係自己一個人，同朋友、另一半、屋企人影，大家都可以喺Cheese Smile Studio影出最自然嘅一面！
景福宮「Cheese Smile Studio」前往方法
安國站（안국역）3號出口出。
直行，第一個路口轉左。
直行。
路口轉左。
「Cheese Smile Studio」位於上圖Starbucks隔離，上3樓就去到啦！
撳我預約👇🏻
以上係景福宮「Cheese Smile Studio」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
