濟州必買手信推薦
去濟州有咩係必買？2分鐘賣出1,000個燒酒杯？芝士蛋糕出名到開鋪前已經要排隊等買？
Hello，大家好，我哋係由韓國人每日提供最新韓國旅行資訊嘅Creatrip。
如果之後有計劃去濟州島旅行，今日小編想大家分享去到一定要買嘅手信，由零食到裝飾品應有盡有，相信無論係自用定係送禮都一定會滿足到大家！
濟州美食紀念品
1. 桃李花果（도리화과）
濟州島其實都有好多隱藏嘅小巷，會發現都有唔少茶館，呢間桃李花果就因為可愛嘅造型，加上安靜嘅氣氛，而吸引唔少人嚟呢度打卡，唔同季節去Menu都有啲變化，所以每次去都有新驚喜！
桃李花果（도리화과）
- 地址：제주 제주시 아연로 194
- 營業時間：星期三至六 11:00 - 18:00
- 推薦Menu：時令花果套餐￦20,000
2. Omegi Tteok（오메기떡）
Omegi Tteok係濟州特產，用咗小黃米、艾草同糯米製成年糕，裡面會包住紅豆，如果去過濟州應該都會見過唔少人拎住一袋二袋，一粒大約係￦8,00~￦1,000，喺東門市場嘅Obok Tteokjib（오복떡집）、 Jina Tteokjip （진아떡집）同西歸浦嘅Halmeoni Tteokjib（할머니떡집）、Jeil Tteokjib（제일떡집）都可以買到，而且出名好食！保證大家食過返尋味！
3. 橘香糕點（귤향 과즐）
Gqajeul（과즐）係韓國嘅傳統糕點，其實同我哋平時食開嘅米通都差唔多，不過喺濟州會用咗漢拏橘同橘嘅汁去整，韓國好多糕保鮮期都唔長，不過喺濟州島買嘅呢款可以keep到六個月，送俾朋友做手信都唔錯！
4. To:NE1 馬卡龍（투애니원 마카롱）
韓國嘅馬卡龍比起平時食嘅會大粒好多，同時仲會整唔同嘅形狀，小編會推薦呢一間呢間，係因為有21種口味，好味得來愛嚟影相打卡都好唔錯！
To:NE1 馬卡龍（투애니원 마카롱）
- 地址：제주 제주시 한림읍 협재로 114 B동
- 營業時間：10:00 - 19:00、逢星期三休息
- 推薦Menu：I Love Jeju Set（6粒）￦18,000
5. Umu布甸（우무 푸딩）
Umu係由濟州海女長期收集嘅石花菜煮製而成嘅自製布甸，入口即溶，呢度一共有咪三個口味，小編推薦大家可以先食吉士味先再食抹茶，最後先食朱古力！
Umu布甸（우무 푸딩）
- 地址：제주시 한림로 542-1
- 營業時間：10:00 - 19:00
- 推薦Menu：吉士味（커스터드）、抹茶味（말차）、朱古力味（초코）/ 1個￦6,000
6. Jeju Basalt（제주 바솔트）
濟州島90%以上為玄武岩地形，好多人嚟到都會買佢哋嘅石頭麵包，外脆內軟，嗰種口感真係令人一試難忘，佢拎過唔少獎項好受歡迎，所以如果有興趣嘅朋友，建議早啲去會比較好。
Jeju Basalt（제주 바솔트）
- 地址：제주 제주시 가령골 3길 6
- 營業時間：10:00 - 19:00、逢星期三休息
- 代表Menu：濟州石頭麵包6個（제주돌빵6개）￦12,000、 石頭達克瓦茲5個（돌쿠아즈5개）￦15,000
7. 黑毛豬公仔麵（흑돼지라면 돗멘）
呢款黑毛豬公仔麵係韓國人去到濟州島必買手信之一，湯底使用濟州島產黑毛豬熬煮，麵底係薯仔做嘅非油炸麵，食起嚟清爽唔油膩，味道偏淡，食得開心又健康！有興趣嘅朋友，都可以搵我哋買㗎！
8. 漢拏山模型（한라산 미니어처 ）
去韓國又點可以唔飲番支燒酒呢？漢拏山燒酒係出名韓國咁多支燒酒之中度數最高，有成21度！而家又出埋迷你版（50ml），無論係自用定係送俾朋友做手信都幾唔錯。
如果覺得純燒酒太濃度數太高，都可以試吓其他唔同口味。
9. Hamel cheese cake（하멜 치즈몽）
呢一間蛋糕舖頭喺韓國相當受歡迎，因為太多人買，仲會限定每人只可以買一盒，平時開舖之前已經有唔少人排緊隊，本身鍾意芝士蛋糕嘅你，唔想錯過就要早啲去買啦！
Hamel cheese cake（하멜 치즈몽）
- 地址：제주 제주시 노형 2길 51-3
- 營業時間：11:00 - 18:00
- 推薦Menu：Cheese Cake ￦17,000
10. 濟州傳統酒（제주 전통술）
「혼디」係濟州島嘅方言，有一齊嘅意思，혼디酒係將西歸浦產嘅蜜柑採摘、去皮、發酵蜜柑汁而製成嘅發酵酒，酒精濃度12%，溫和甜味再帶少少柑橘酸味，價格大約係￦8,000。
之前喺sns上面超多人瘋狂post，粉紅色包裝真係特別吸引！價錢係￦14,000，雖然貴咗啲不過味道都唔錯。
提提大家：濟州嘅傳統就係經過發酵，所以底部會有少少沉澱物，飲之前只要搖吓再飲就OK。
11. Osulloc 綠茶醬（오설록 녹차 스프레드）
Osulloc相信大家對佢都唔陌生，雖然首爾都有得買，不過既然去到濟州一定都要買返一罐試吓，綠茶味超濃，搽喺多士上面食，嚟迎接一個Good morning啦！
Osulloc 綠茶醬（오설록 녹차 스프레드）
- 地址：제주 서귀포시 안덕면 신화역사로 15
- 營業時間：09:00 - 18:00
- 推薦Menu：Osulloc 綠茶醬200g（오설록 녹차 스프레드）￦17,000
12. 濟州夾心餅乾（제주 마음샌드）
파리바게트
夾心餅乾入面有花生，只有喺濟州國際機場嘅Paris Baguette獨家發售，包裝精美，拎返公司送俾同事大方得體！
濟州夾心餅乾（제주 마음샌드）
- 地址：제주 제주시 공항로2 제주국제공항 3F
- 營業時間：06:00 - 21:00
- 推薦Menu：濟州夾心餅乾10個（제주마음샌드 10입）￦14,000、 15個（15입) ￦21,000
13. Harshey's（허쉬）
雖然香港都有Hershey’s朱古力，不過要講到有甘橘味都係得濟州島先有，係朱古力控嘅你，會唔會都想買盒試吓呢？
濟州小型紀念品
1. 濟洲燒酒杯（제주 소주잔）
聽講呢個燒酒杯之前2分鐘就已經賣出1,000套！唔少韓國人去到濟州一定會買，係酒鬼嘅你，會唔會都想買返一套收藏呢？
2. Jeju Morang（제주 모랑）
Jeju Morang係一間小型精品店，當中佢哋嘅香薰好受歡迎，打開聞就好似有種置身喺濟州嘅感覺。
Jeju Morang（제주 모랑）
- 地址：제주 제주시 구좌읍 구좌로 48
- 營業時間：11:00 - 18:00
- 推薦：Jeju Morang香薰（제주모랑 디퓨저）￦19,000、Jeju Morang家君噴霧（제주모랑 룸스프레이）￦8,000
3. 濟州Starbucks MD（제주 스타벅스 MD）
雖然世界各地都有Starbucks，不過有啲產品只有濟州限定！其他地方完全買唔到，鍾意儲杯同試新嘢嘅朋友，一定嚟睇吓啦！
4. 濟州番梘&蠟燭&心情燈（제주 비누&향초&무드등）
如果你去濟州一啲紀念品商店，最常見到應該就係番梘、蠟燭同埋心情燈，因為佢哋設計都好靚，令人忍唔住想買返一個。
呢啲精品細細個，唔會用到好多空間，望住佢哋即刻都覺得放鬆晒。
The Islander（더 아일랜더）
- 地址：제주특별자치도 제주시 중앙로7길 31 102호
- 營業時間：11:00 - 20:00
- 推薦：甘橘迷你蠟燭set（감귤박스 미니 캔들 세트）￦8,000원、漢拏橘蠟燭set（한라봉 캔들 세트）￦10,000
5. 濟州行李牌（제주 네임택）
想一眼搵返自己嘅行李？不如就整返一個獨一無二嘅行李牌啦！喺濟州各間精品店都可以買到，總有一個啱你心水！
6. 漢拏橘牙膏（한라봉 치약）
牙膏係每一日都要用到嘅必需品，呢一款牙膏用咗天然成份去做，帶有薄荷檸檬清香，可以除口臭，之前仲拎過獎添！
濟州島最常見仲有濟州熔岩鹽火山牙膏、含有魚腥草、積雪草、牡丹等成份，相當特別！
7. 甘橘帽（귤모자）
如果係冬天去濟州，想保暖可以買呢一款針織金橘帽，戴住周圍打卡相當可愛！
TERRY BERRY'S（테리베리스）
- 地址：제주 제주시 애월읍 애월해안로 274
- 營業時間：11:00 - 17:00
- 推薦：多款針織甘橘商品
8. 濟州Kakao Friends（제주 카카오 프렌즈）
講到韓國代表卡通人物，當然唔少得Kakao Friends啦！呢度都有好多濟州限定嘅商品，臨上機之前都可以喺機場睇吓！
9. 濟州襪（제주 양말）
韓國嘅襪出名平，而且好多遊客嚟到都會買返好幾十對，濟州都有啲特定款式，不妨多買幾對自用或者送俾朋友啦！
之後去濟州唔知買咩手信，只要記住我哋呢篇Blog，話唔定可以幫到大家㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
