樂天超市必買商品
最重要嘅行程「行超市」快啲收藏呢篇啦！韓國樂天超市Lotte Mart必買50項商品推薦
Hello，大家好，我哋係由韓國人話你知每日最新韓國資訊嘅Creatrip。
＃韓國必買＃樂天超市
＃2019＃必買＃推薦
＃必買商品＃美食
行韓國超市可以話一定要嘅行程之一！但係超市入面嘅商品成千上萬，有啲咩係一定要買返去㗎呢？
唔洗擔心，今日小編一口氣整理咗韓國樂天超市必買嘅50樣產品！
唔知要買啲咩？參考呢一篇就啱啦！
✨馬上Follow我哋IG
instagram.com/creatrip.hk
韓國樂天超市必買推薦
1. 鯛魚麵包
呢款「鯛魚麵包」其實係蛋糕口感，不過入面比較特別，包咗年糕，所以口感比較濕潤、稠密。
2. Market O
我諗大家對呢款Brownie一啲都唔會陌生，Market O嘅朱古力Brownie口感綿密，味道濃郁，所以有好多人都好鍾意食。
而且仲有抹茶、橙嘅味道，係咪都好想買嚟試下呢？
3. 海鮮拉麵
呢款「海鮮拉麵」標榜住真係可以食到海鮮味，五包裝先只賣₩3,400，算係韓國拉麵入面平較抵嘅一款。
小編都幾推大家買嚟試下。
? 韓國即食麵推薦款
4. 海鮮麵
呢一款唔係一般嘅紅湯海鮮麵！呢一款白湯海鮮麵，係小編嘅韓國朋友推薦畀我，話係一定要買嘅韓國拉麵。
食落果然好好味，冇介紹錯！
5. 真 海鮮麵
真拉麵係韓國人好鍾意買嘅拉麵（甚至同辛拉麵不相伯仲），而且仲非常好味。
佢仲有一款辣海鮮麵版本（如上圖），鍾意食辣味嘅朋友可以試下！
6. 芝麻拉麵
呢款芝麻拉麵值得推薦之處，就係入面加咗麻油。
煮好咗真係勁香麻油味，完全令人無法抵抗，一買再買。
如果加埋雞蛋或者其他材料，更加好食。
? 韓國解酒泡麵推薦
7. bibigo餃子
bibigo餃子係韓國非常出名嘅冷凍食品品牌。
雖然目前肉製品係唔可以帶入其他國家，但如果想係韓國簡單咁煮個消夜，可以嚟試下呢一款必買商品。
8. 起司條
芝士條係韓國便利店、韓國超市必買嘅商品。
不過提提大家，因為係肉類製品，所以唔可以拎番香港，要喺度食晒佢啊！
用微波爐叮下會更好食，好多人嚟韓國都一定會買。
9. 八度拌麵
八度拌麵係小編好鍾意嘅韓國即食麵！
煮好之後記得用冰水冰鎮，加埋菜、雞蛋一齊食，酸酸甜甜又帶有微辣嘅口感，係夏天必食嘅韓國即食麵之一。
10. 蟹肉棒
呢款蟹肉棒好受韓國人歡迎，不過因為入面其實只有7%嘅龍蝦含量，其他都係一般肉類，所以建議大家喺韓國食就好啦。
小編嘅韓國朋友如果食即食麵，想要食得高級啲，就會加呢款蟹肉棒入去食。lol
11. OREO O's
呢款OREO O's商品，都係小編覺得喺樂天超市必買嘅產品。
既可以當餅乾食，又可以加牛奶食，做早餐。
12. 香油紫菜
呢款加咗蘇子油嘅紫菜，係韓國人非常鍾意、而且好出名嘅牌子。
嚟樂天超市想買海苔、紫菜嘅話，好推薦大家買呢款！
13. 炒泡菜
想將韓國嘅味道帶返屋企，又唔知可以點做？
嚟樂天超市必買嘅介有呢款炒泡菜，密封包裝、份量又多，可以畀你帶留屋企慢慢食。
14. 拌飯海帶
韓國人食炒飯一定會加紫菜，而且係切碎咗嘅紫菜。
呢款同樣係bibigo出品嘅紫菜，味道唔錯，配白飯都好好食㗎～推薦畀大家！
15. 朱古力批（芒果香蕉味）
芒果加上香蕉，應該係冇咩人會諗過會一齊食嘅口味。
不過好多人食完都覺得幾好食，大家不妨去買嚟試下啦！
16. 名家糯米糕批（芒果味）
呢款樂天超市必買商品，係用韓國傳統嘅年糕做成，食落煙煙韌韌。
仲出咗韓國人好鍾意嘅芒果味添。
17. 栗子
呢款換咗新包裝嘅栗子，係最近韓國人好鍾意嘅超市新產品。當零食食好似冇咁有罪惡感，口感好紮實。
? 韓國堅果推薦款
18. 韓式辣醬
除咗買炒泡菜番去之外，嚟樂天超市買辣醬、麻油、調味品嘅人都唔少，而且呢種醬料成日會有特價，下次嚟睇下啦。
19.蜂蜜牛油杏仁
如果想買呢類小零食，小編推薦嚟韓國樂天一定要買呢啲堅果杏仁類！
最出名嘅就係呢款「蜂蜜牛油」系列啦。
? 韓國堅果推薦款
20. 鮑魚粥
小編喺食呢款鮑魚粥之前，真係冇諗過可以咁好食！
如果喺韓國唔知食咩好，或者想帶小小嘢返酒店食，小編好推薦喺樂天買呢款粥。
21. Swing薯片
帶有辣味嘅Swing薯片，都好受韓國人歡迎，而且係香港冇嘅牌子。
? 韓國薯片推薦
22. 醬料薯片
如果覺得食薯片太單調，咁一定要試下呢款「醬料薯片」，
主打每塊薯片都有醬汁係上面，食落味道均勻又好食。
23. 農心著片（牛肉湯、芝士粟米）
農心薯片除咗推出牛肉湯即食麵味，另一款都是人氣超高！
焗芝士粟米嘅味道，淨係諗都知又幾好食啦！快啲嚟試下呢啲咁特別嘅味啦。
24. 農心薯片（原味）
既然有上述嘅特別口味，咁就更加唔可以錯過原味！
係嚟韓國超市必買嘅薯片，試過一次就一定會番轉頭再買。
? 韓國薯片推薦
25. 奶油芝士薯片
講起薯片，點可以唔提呢款奶油芝士薯片呢？
呢一款都係人氣非常高嘅樂天超市必買商品嚟㗎 。
26. 喔！薯仔
呢款比較硬身嘅薯條餅乾，主打兩種口味，好適合冇咩做個陣，一邊睇電視、一邊食。
小編最鍾意右上角嘅調味炸雞味，甜甜辣辣咁。
27. 烤洋蔥圈
洋蔥圈唔係炸㗎！
呢款樂天超市必買商品，係將洋蔥烘焗而做成，充滿洋蔥嘅香氣，喺韓國嘅人氣都好高㗎。
28. 益力多軟糖
相信呢個就唔洗小編多講啦！
每次去到樂天超市，都會睇到好多人都一次過買好多（好似唔洗錢咁），瘋狂掃貨帶番去。
29. OSATSU
用蕃薯做成嘅餅乾（唔係薯片），每一片都比較厚實，而且甜味都相對嚟講比較重，小編個人都幾鍾意呢個味道。
30. SeomSeom玉米片
粟米片餅乾係另一款樂天超市嘅人氣商品。如果唔知道要食邊款口味，小編推薦大家食辣味，味道會豐富一啲。
31. 烏龜餅乾
呢款相信唔洗小編多講，大家都一定有聽過呢款烏龜餅乾，甚至食過嘅一定知佢有幾好食。
已經食過原味嘅朋友，今次一定要試下樂天超市賣嘅其他口味。
32. JollyPang
呢款JollyPang係咩？
其實係有啲似cereal整成嘅一粒粒嘅餅乾咁，可以當零食食，又可以加牛奶做早餐，係韓國曾經好HIT嘅產品。
33. Binch朱古力餅乾
呢一款係小編好鍾意嘅樂天超市餅乾！
只有其中一面有朱古力，所以食落就冇咁甜，一啖接一啖，好容易就會食晒成盒。
? 韓國餅乾新食法
34. 法式批
呢款樂天超市推薦商品，特別嘅地方係中間夾住嘅士多啤梨醬係真㗎！
食落有啲似千層批，而中間嘅士多啤梨醬就令到佢嘅口感更豐富、更有層次。
35. Creamy Chew
츄嘅發音就係CHU，淨係睇名就有種甜蜜嘅感覺！
呢款朱古力嘅餡係軟心嘅，加埋煙韌嘅年糕，真係好好食！
36. 生忌廉批
韓國人以鍾意食甜嘢而出名，呢幾款朱古力批都係經典中嘅經典！
食嫌咗「情朱古力批」嘅話，不妨試下小編呢次推薦嘅其他牌子。
? 韓國餅乾代購服務
37. 朱古力餅乾
介乎係朱古力同餅乾之間，口感非常奇妙，又好食嘅餅乾仔。
原本唔抱任何期待，但食咗之後就即刻愛上，推薦嚟樂天超市要買呢款朱古力。
38. HERSHEY's朱古力批
? 韓國朱古力新品
相信大家都知道HERSHEY's呢個朱古力牌子！
喺韓國呢個係又平又出名嘅朱古力牌子，千奇唔好錯過啦。
39. FRENCH CAFE
除咗Maxim之外，呢款即沖咖啡包主打Double Shot，飲落冇咁甜，反而有更多咖啡嘅香氣。
? 孔劉杯緣子新上市
40. 新的（變成鳥）軟糖
點解會推薦呢款產品呢？
因為呢款軟糖嘅包裝真係好得意，將所有動物都做成雀仔嘅身，好符合佢個名새로운（韓文文字遊戲）軟糖。
41. Chic Chococ 朱古力餅乾
呢款樂天超市必買嘅餅乾，有30%嘅朱古力含量。
如果係鍾意食甜嘅朋友，一定會好鍾意呢款味道，而且佢同Subway嘅曲奇有啲似。
42. 媽媽手批
雖然個名叫做批，但其實係千層酥餅乾，口感好脆，小編都好鍾意呢款餅乾。
不過大家唔好畀佢包裝上面印嘅朱古力呃到，佢只係可以加埋朱古力一齊食，入面只係有原味。
? 小編推薦韓國餅乾
43. HERSHEY's 朱古力Cereal
呢款都係HERSHEY's出品嘅零食，入面包咗雲呢拿cream，令到成個味道更加有層次，加埋牛奶仲可以當早餐食！
44. Sun蒜味餅乾
韓國人其實唔係咁好大蒜，但呢款蒜蓉法包味嘅餅乾，銷量都唔錯。
相對其他產品嚟講好似比較冷門，但食起嚟嘅味道非常豐富，適合鍾意大蒜味嘅朋友。
45. 香蕉牛奶系列
大家鍾唔鍾意呢款牛奶呢？
呢款一定係嚟韓國必飲嘅牛奶。如果覺得喺便利店買太貴，推薦大家嚟樂天超市買，會比較抵。
46. 秀美薯片（Honey Mastard）
秀美薯片嘅蜂蜜口味，吃落冇咁鹹，比較客易入口。
不過話佢係薯片，小編覺得佢嘅口感更加似係餅乾。
? 韓國薯片推薦
47. 秀美薯片（原味）
如果鍾意秀美嘅其他口味，就一定唔好錯過人氣非常高嘅原味，係經典中嘅經典嚟。
48. 蠶蛹罐頭
蠶蛹罐頭反應好兩極，敢食嘅人就會食，唔敢食嘅人連望都唔想望。
如果想買啲特別嘅紀念品，就去樂天超市搵下蠶蛹嘅身影啦！
49. 麻油
好多人嚟韓國仲會買呢度嘅油！
唔知點解，韓國嘅麻油比其他麻油味道更香、更濃，好多人都會特登嚟樂天超市買麻油番去。
50. 糖餅料理包
韓國嘅糖餅真係好好食，喺街邊買一個，一路行一路食，係好多人嘅回憶，番到香港就食唔到。
不過唔洗擔心，只要喺樂天超市買調理包番去，就可以係屋企DIY，好簡單就可以整到。
? 南浦洞懶人包
以上係小編最新介紹嘅樂天超市必買品推薦，一共50項商品，有冇邊啲係大家心目中都覺得係必買㗎呢？
✨馬上Follow我哋IG
instagram.com/creatrip.hk
| 其他延伸閱讀 | |
 韓食品入台禁令 |  超市將取消包裝 |
 首爾站交通整理 |  大創SNS熱議 |
 韓國必買的商品 |  梨大購物探訪記 |
