哈囉，大家好，我地係由韓國人話你知每日最新韓國資訊既Creatrip。

＃韓國釜山＃釜山旅遊
＃釜山自由行＃釜山懶人包 
＃釜山美食＃釜山景點＃推薦

釜山為韓國第二大城市，近幾年黎都受到好多觀光客喜愛。最近搭上韓劇熱潮、航班增加影響，去韓國旅行並選擇釜山既人亦越黎越多。廢話唔多講，小編直接將整個釜山精華寫成一篇懶人包，比想要去釜山自由行既你地參考下啦！

　　　
古都慶州一日遊｜釜山出發
週一、週三、週六成團出發

閱讀文章前，可以先參考
釜山必買紀念品	釜山韓服九折
釜山西面懶人包	釜山證件照預約
釜山超市總整理

韓國釜山旅遊｜自由行攻略：1. 釜山交通

往釜山班機

為左因應大批前黎韓國釜山旅行既人潮，飛往釜山金海機場既班機亦非常多，除左國外航線之外，就連韓國國內飛往釜山既班次都非常之多，小編大概整理左以下航空公司，比想要黎釜山旅行既你地參考下。

1. 國際線飛往釜山：大韓航空（桃園－釜山、香港－釜山）、韓亞航空（桃園－釜山）、中華航空（桃園－釜山）、國泰港龍航空（香港－釜山）、釜山航空（桃園－釜山、高雄－釜山、香港－釜山）、濟州航空（桃園－釜山）、台灣虎航（桃園－釜山）、香港快運航空（香港－釜山）
2. 濟州島飛往釜山：大韓航空、韓亞航空、釜山航空、真航空、濟州航空、易斯達航空  
3. 首爾金浦機場飛往釜山：大韓航空、韓亞航空、釜山航空、濟州航空、易斯達航空 
4. 韓國其他城市飛往釜山：韓國快運航空（江原道襄陽機場）
   
   

延伸閱讀：台韓直飛航空公司整理

往釜山火車

對韓國人黎講，搭國內線去釜山唔一定比較貴，但對外國遊客黎講，火車絕對係最快又相對有優惠既搭乘方式。
火車分為以下四種：無窮花號、新村號、KTX與SRT，主要行駛範圍為首爾（水西）－大田－東大邱－釜山。

延伸閱讀：KTX線上代訂票 

1. 無窮花：₩28,600，首爾出發約5.5小時
2. 新村號：₩42,600，首爾出發約4.5小時
3. KTX：₩59,800，首爾出發約2.5小時至3小時
4. SRT：₩51,900，水西（수서）出發約2.5小時

如果係想去首爾、釜山、大邱，唔同地點來回旅行既話，外國旅客可以用專屬既Korail Pass黎訂購，計落去會抵好多，而且可以網上劃位，唔需要到現場排隊劃位、換票，或者印出黎，只要手機入面存有證明就得啦。

1. 三日連續券：指定日期三日內，無限次搭乘各級次列車－₩138,000
2. 五日連續券：指定日期五日內，無限次搭乘各級次列車－₩210,000
3. 兩日任選券KORAIL PASS FX（2 day use）：十天內選兩日，可無限次搭乘各級次列車－₩121,000
4. 四日任選券KORAIL PASS FX（4 day use）：十天內選四日，可無限次搭乘各級次列車－₩193,000

2018年7月17日起，KTX取消13歲至25歲，或持有國際學生證既外國人優惠，改為上述票價發售。

往釜山巴士

如果揀巴士既朋友，巴士絕對係最平既一種方法，但唔好既係要搭好耐先會到。因為韓國各城市都可以抵達釜山轉運站，如果都係想堅持搭巴士去既朋友，建議大家搭乘較高級既Premium巴士，票價約₩37,700上下不等，但無韓國信用卡既朋友，需要到現場買票，但有可能買唔到或者係票價會較貴一DD。

延伸閱讀：韓國長途巴士代訂票

1. 沙上站（사상역）：釜山西部市外巴士轉運站
2. 老圃站（노포역）：釜山綜合巴士轉運站、釜山高速巴士轉運站

尼兩個都係比較多人使用既轉運站，沙上站為釜山地鐵二號線，離西面站較近，而老圃站為釜山地鐵一號線盡頭，距離其他熱門景點黎講會相對較遠。

延伸閱讀：Premium高速巴士搭乘記

韓國釜山旅遊｜自由行攻略：2. 釜山住宿

以下尼D釜山住宿推薦地，都係小編親自去住過同體驗過架！我去個陣現場有識講中文既職員。另外，唔止尼三間住宿，依家韓國好多住宿既地方，都會編派至少識講英文既工作人員係現場，所以大家可以大大方方咁透過AsiaYo、Airbnb、Booking等網站比下價。

AsiaYo優惠碼：CTAY

釜山南浦洞住宿（宿舍多床型）：Hostel The Local

• 電話：051-817-9977
• 地點：位於南浦洞商圈，近國際市場

房型有4人宿舍房、6人宿舍房、8人宿舍房，分女係分開既，如果話想揀間平D、想識多D人，同時想要間乾淨D既住宿環境，Hostel The Local絕對係你既好選擇。青年旅館好既一樣野係會有提供早餐，大家可以係食早餐既大廳到優閒地享用早餐，或者同黎自世界各地既遊客傾下計，分享自己既故事。

地址：부산광역시 중구 중구로44번길 19-1

釜山南浦洞住宿（宿舍多床型）：Morning Dew Guesthouse 

• 電話：010-3473-8680
• 地點：近釜山站

尼間釜山住宿房主要分成兩人房同三人房，都有獨立洗手間，重點係每間房都一定會有大玻璃窗，可以吹下風同時望下出面風景，價錢黎講都算係幾親民。

Morning Dew Guesthouse係由一對夫妻所經營既～ 女主人係韓國人，而男主人係新加坡人，所以中文溝通絕對無問題！尼到亦有早餐供應，間唔中尼間鋪既攝影師會出現喔！如果唔介意D相會用黎作為廣告，大家可以大方咁擺個Pose比攝影師影下。

地址：부산 동구 초량중로21번길 5-2

釜山海雲台住宿（獨立套房）：Good Day Mate Guesthouse

• 電話：051-746-1232
• 地點：近海雲台

Good Day Mate Guesthouse位於海雲台站3號出口行大約2分鐘既距離，係一間好乾而且好新既民宿，唔單止地點方便，連房入面既設備都齊全。

除左標準配備既雙人房（有分成一張雙人床、兩張雙人床）、三人房、家庭房之外，亦有為左獨行旅行既客人設有單人房（需直接係官網預訂）。

朝早亦可以係一樓bar檯享用早餐，為左令客人留低美好回憶，老闆仲會係退房既時候幫大家影一張即影即有，雖然只係一份小禮物，但已經可以令人有一個難忘回憶。

地址：부산 해운대구 구남로21번길 9-22

韓國釜山旅遊｜自由行攻略：3. 釜山甘川洞文化村

釜山必去景點：甘川洞文化村係釜山人氣最高既景點，無黎過尼到既都唔可以話去過釜山。不過要提提各位，尼到仍然係住宅區，到步既朋友請注意音量，同時唔好亂開人地屋企既門或者影人屋企。

釜山景點：甘川洞文化村交通方式

• 釜山地鐵1號線土城站（토성역）六號出口，出到黎之後轉右，係醫院前既車站牌搭서구1-1、서구2、서구2-2既既士，唔知邊到落車唔緊要！跟住人潮落車就得啦。

釜山包車服務：暢遊甘川洞、海東龍宮寺、太宗台、松島步道

包車預訂優惠碼 Creatrip / 95折

甘川洞文化村景點：1. 小王子拍照區

＠想更多釜山景點：甘川洞文化村小王子拍照區的資訊，請點我。

甘川洞文化村景點：2. 合為一體拍照區

＠更多釜山景點：甘川洞文化村合為一體拍照區的資訊，請點我。

甘川洞文化村景點：3. 海景拍照區

尼到因為位於高處可以同時望到釜山必去景點：甘川洞文化村，以及甘川港既地方。

＠更多釜山景點：甘川洞文化村海景拍照區的資訊，請點我。

甘川洞文化村景點：4. 天空之脊展望台

尼到係可以一眼望哂釜山必去景點：甘川文化村、釜山港、甘川港以及龍頭寺展望台。而且尼到設置既郵筒係可以幫大家寄明信片架！（但一年後先會幫大家寄出）。不過寫好既信唔係投到郵筒，而係要拎到服務台買郵票，才可以寄出。

＠更多釜山景點：甘川洞文化村天空之脊展望台的資訊，請點我。

釜山韓服：1. 哲秀與英熙

釜山景點：甘川洞文化村既韓服出租店「哲秀與英熙」，係同我地合作既釜山韓服店。地點係甘川洞文化村導引中心對面既二樓，超近～ 唔洗擔心借完韓服之後要行好耐先會到其他景點。

順帶一提，綁髮、包包、小背心都係免費租借。如果說想係店面既攝影棚到影相，一張相只要4,000韓元，好抵！

哲秀與英熙｜線上預約享九折

地址：부산광역시 사하구 옥천로 127 2F

釜山韓服：2. 韓服的家

韓服的家同樣係位於甘川洞文化村，除左租借韓服，本身尼到亦係一間咖啡廳。租完韓服可以係個到休息一下（有租韓服可享有部分折扣）。出示Creatrip會員證明，韓服亦可以享有九折優惠，頭飾亦係免費租出。

韓服的家｜延伸閱讀

地址：부산광역시 사하구 옥천로 115

釜山甘川洞文化村紀念品：1. 移動的照片商店

請夏同鄭彩妍親自製作既手翻書

唔知買咩紀念品好？咁就係甘川洞文化村做一本屬於自己既手翻書回憶啦。只需要係好短時間入面，而且用超平既價格就可以做出一本獨一無二既手翻書，等你同朋友、情人、家人既記憶，永遠留係甘川洞文化村啦。

移動的照片商店｜預約享折扣

地址：부산광역시 사하구 감내2로 170-1

釜山甘川洞文化村紀念品：2. SOUVENIR SHOP（아기자기 체험장）

尼間SOUVENIR SHOP除左賣一D好可愛既小物之外，仲可以無尼到製作出屬於你自己既「甘川洞文化村」彩繪小屋。如果店入面見到有鍾意既彩繪小屋，可以直接購買，如果想要更有紀念意義，可以係尼到彩繪體驗，相當適合大小朋友一齊黎阿！

地址：부산광역시 사하구 감내2로 182

＠更多釜山景點：甘川洞文化村紀念品店－SOUVENIR SHOP的資訊，請點我。

釜山甘川洞文化村咖啡廳：1. 甘內咖啡（감내카페）

位於天空之脊展望台附近既「甘內咖啡」，係由一間空房改造而成既咖啡廳，尼到可以享用咖啡、果汁、傳統茶類、餅乾等。尼到既收入會用係居民福利事務以及當地保護事務。如果天氣好既話，大家可以係室外吹下風飲返杯咖啡，完全係另一享受。

地址：부산 사하구 감내2로 177

＠更多釜山景點：釜山甘川洞文化村咖啡廳－甘內咖啡的資訊，請點我。

釜山甘川洞文化村咖啡廳：2. VODA VOM（보다봄）

VODA VOM位於甘川洞文化村比較偏上坡既地方，係釜山知名景點：小王子肖像附近。店入面有一個可以望見美麗景色既座位，位於窗台隔離，可以一眼望哂壁畫村風景既地方。除此之外，咖啡廳有分兩層：樓上係室外可以望哂整個村落，樓下亦有寬敞既空間，可以同朋友坐低休息下、傾下計。

地址：부산광역시 사하구 감내2로 138

＠更多釜山景點：甘川洞文化村咖啡廳－VODA VOM的資訊，請點我。

釜山甘川洞文化村美食：3. 甘內美食店（감내맛집）

以超平既價格就可以揀四種小菜，做出一碗滿滿、份量充足既韓式拌飯。通常行甘川洞文化村最少都需要兩個鐘，行之前唔食D野點得架～ 怕附近無咩平又好食又唔知食咩既朋友，不如就揀尼間啦（可以認감내비빔밥尼個招牌）。

地址：부산광역시 사하구 감천동 2-367

＠更多釜山景點：甘川洞文化村美食－甘內美食的資訊，請點我。

韓國釜山旅遊｜自由行攻略：4. 釜山海雲台

釜山必去景點：海雲台（해운대）一帶，同樣係釜山旅行必去既行程之一，但除左最廣為人知既海雲台海水浴場之外，整個海雲台區其實仲有好多景點等大家去發掘。

海雲台區範圍好大，以地鐵黎講，範圍包括東海線既栽松站（재송역）至松亭站（송정역），以及釜山地鐵2號線：Centum City站（센텀시티역）至萇山站（장산역）。

釜山海雲台景點：1. 海雲台渡輪 Tiffany 21（티파니21）

係海雲台附近既Tiffanny 21，係好多韓國人去釜山既時候會選擇去尼到睇夜景。價錢方面：成人從27,500韓元至99,000韓元不等，唔想同人逼睇夜景？咁就搭渡輪出海啦！ 

地址：부산 해운대구 마린시티1로 168

釜山海雲台景點：2. The Bay 101（더 베이 101） 

對於鐘意夜景或者都市景觀既人黎講，去釜山旅行必去景點仲有The Bay 101！絕對可以令你難以忘懷。一棟棟大樓矗立係黑夜之中，燈光閃爍，充滿住現代化既異國情調，令人難以相信尼個夜景竟然可以係釜山到睇到。黎到海雲台附近，就去釜山必去景點：The Bay 101同朋友點杯啤酒，坐係到吹下風傾下計啦。

地址：부산광역시 해운대구 우동 747-7

＠更多釜山海雲台景點：The Bay 101的資訊，請點我。 

釜山海雲台景點：3. 廣安大橋展望台（광안대 교 전망대）

從迎月路往釜山必去景點：海雲台既路上，會經過尼個展望台，係個好特別既角度，可以同時望到海雲台以及廣安大橋夜景。如果天氣好既話，建議大家係尼到睇日落，岩岩好朝向西方（廣安大橋方向）望落去就係滿天晚霞。

＠更多釜山海雲台景點：廣安大橋展望台的資訊，請點我。

釜山海雲台景點：4. 賞月路與迎月路（문탠로드、달맞이길）

釜山必去景點：賞月路（近中洞站）同個名一樣，係一條可以迎住月光，充滿松林小徑上可以夜間散步既道路。不過尼到要行一段路，繞過整個海岸，先可以抵達迎月路，相對黎講比較辛苦（賞月路有上下坡），而且夜既既時候燈光比較不足，建議有同行者一齊行會較為安全。

或者係另一邊（近萇山站）行過去，就係迎月路，尼段路程相對黎講比較輕鬆，但非櫻花季既話人會較少，沿路風景可能都無咁吸引。

＠更多釜山必去海雲台景點：賞月路、迎月路資訊。

釜山海雲台景點：5. 海雲台海水浴場（해운대해수욕장 ）

釜山必去景點：海雲台海水浴場係一年四季都適合前往既方，最多人既時候係夏天，韓國人同遊客都會特別多，目的係海水浴場避暑、日曬、玩水。作為全韓國最知名既釜山景點之一，海雲台美麗既沙灘、天空以及海水簡直係當之無愧。

地址：부산광역시 해운대구 달맞이길62번길 47

＠更多釜山海雲台景點：海雲台海水浴場的資訊，請點我。

釜山海雲台景點：6.  海雲台市場（해운대시장）

黃昏去海雲台傳統市場，可以用十分之平既價格食到年糕、紫菜包飯、豬肉湯飯、海鮮煎餅等各種食物，如果唔鍾意尼D，想食海產既話，同一條街同隔離條街，都有好多烤鰻魚、海鮮既鋪頭。

地址：부산광역시 해운대구 구남로41번길 22-1

＠更多釜山海雲台景點：海雲台市場的資訊，請點我。

釜山海雲台景點：7. 海雲台電影街（해운대 영화의 거리 ）

作為享譽全球釜山電影節舉辦地，以及韓國第二大城尼個名～～釜山自然係藝文活動上亦有一定既成績。尼到除左突破千萬觀影紀錄既韓國電影，以及知名韓劇演員、導演既手模等介紹。尼到亦可以用另一個角度黎睇廣安大橋，係一個好適合散步既沿海街道。

地點：부산광역시 해운대구 우동 1447

＠更多釜山海雲台景點：海雲台電影街的資訊，請點我。

#釜山海雲台景點：8. SEA LIFE釜山水族館（SEA LIFE부산아쿠아리움）

釜山必去景點：Sea Life釜山水族館其實就係海雲台海水浴場，只要往海水浴場方向行就會見到。尼到唔單止可以近距離睇到鯊魚同烏龜，仲可以睇到好多小型海洋生物，水族館入面270度展出既80公尺海景長廊更係尼到既亮點。

票價資訊

• 13歲（含）以上：29,000韓元
• 3歲至12歲：23,000韓元

地址：부산광역시 해운대구 해운대해변로 266

＠更多釜山海雲台景點：Sea Life釜山水族館的資訊，請點我。

釜山海雲台景點：9. 冬柏島（동백섬）

想脫離人潮擁擠既海雲台，就可以係最側邊既朝鮮大飯店（面向大海既最右邊）個到，行去冬柏島循環步道，繞過整個海岸。除左可以見到海岸美景，欣賞沿路風光之外，走到最後可以去APEC HOUSE隔離既觀景台，望住截然不同既海雲台大海。

地點：海雲台海水浴場最右邊既行人道，可以繞行一圈，抵達The Bay 101附近（見圖）。

＠更多釜山海雲台景點：冬柏島的資訊，請點我。

釜山海雲台美食：10. 海雲台元祖奶奶湯飯（해운대 원조할매국밥）

釜山必吃美食：海雲台元祖奶奶湯飯係一間以五十年以上既傳統老店而自豪，從1962年就開始賣牛肉湯飯。由於係用大鐵鍋24小時不停咁煮，所以一點完餐老闆好快就會將湯送到你面前。湯有小小辣，加入豐盛既牛肉同大豆芽，同堆家常小菜。食厭左釜山既豬肉湯飯，不如試下元祖奶奶的牛肉湯飯啦。

地址：부산 해운대구 구남로21번길 27

＠更多釜山海雲台美食：海雲台元祖老奶奶湯飯的資訊，請點我。

釜山海雲台美食：11. 密陽血腸豬肉湯飯（밀양순대돼지국밥）

位於地鐵萇山站既釜山必吃美食：密陽血腸豬肉湯飯，係長期人氣好旺，連釜山人都會特登去食既海雲台美食。既然有血腸，咁就一定要試下啦，但如果唔敢食既朋友，店入面亦有豬肉湯飯（8,000韓元）、薯仔排骨等料理可以點。湯飯入面會加入麵線，濃郁既湯係佢地既賣點。

地點：부산 해운대구 구남로 28

＠更多釜山海雲台美食：密陽血腸豬肉湯飯的資訊，請點我。

釜山海雲台美食：12. 黃色桶雞 海雲台佑洞店（노랑통닭 해운대우동점）

講到釜山發跡既炸雞店，最知名莫過於釜山必吃美食：「黃色桶雞」啦。外酥內軟又鮮嫩既黃色桶雞，亦因為主打「低鈉」既健康概念，更受到韓國人歡迎，係海雲台散完步之後，去附近既黃色桶雞海雲台店，一邊食住炸雞，飲杯啤酒，享受下人生啦。

地址：부산 해운대구 구남로24번길 5

＠更多釜山海雲台美食：黃色桶雞海雲台佑洞店的資訊，請點我。

釜山海雲台美食：13. 味讚王鹽烤肉（맛찬들 왕소금구이）

好多間無限refill烤肉店，都係用冷凍豬肉，但尼間釜山必食美食用既係可以直接好快煎熟既新鮮豬肉。雖然比較常去既烤肉店係附近伍班長烤肉店，但小編覺得，比起伍班長，更推薦大家去去尼間鹽烤豬肉店。

地址：부산 해운대구 해운대로608번길 46

＠更多釜山海雲台美食：味讚王鹽烤肉海雲台店的資訊，請點我。

海雲台延伸閱讀：海雲台青沙浦

韓國釜山旅遊｜自由行攻略：5. 釜山站

釜山必去景點：釜山站（부산역）位於釜山地鐵一號線，鄰近西面、凡一、南浦洞等釜山旅遊必去景點。不過好多人對尼到都抱住一種有D熟悉又有點陌生既感覺，畢竟大部分黎尼到，唔係搭地鐵經過就係準備離開釜山，去搭KTX。

小編整理左好多釜山站附近既美食，比大家參考一下。

釜山站美食：1. 平山玉（평산옥）

釜山必吃美食：平山玉位於釜山站附近，係一間擁有百年傳統而自豪既白切豬肉（수육）餐廳，同蘿蔔絲、拌韭菜一齊呈上既白切豬肉（9,000韓元／一人份）係尼到既代表菜單，再以大醬為基底既醬料一齊食，係享受白切豬肉美味既秘訣之一。

豬肉湯亦都好受歡迎。一人份只需3000韓元，對於白切豬肉、排骨等料理，總係需要好多人一齊share食先食到既菜單，平山玉係釜山獨自旅行既餐廳首選。

地址：부산광역시 동구 초량중로 26

＠更多釜山站美食：平山玉的資訊，請點我。

釜山站美食：2. 草梁麥麵（초량밀면）

十項釜山必食代表美食，麥麵一定會係其中一項。尼種冷麵係用蕎麥所做成，十分香，軟而不硬。而且好平，所以經常都好多人係到食，如果咁岩要搭車離開釜山，或者岩岩抵達釜山，就黎尼間草梁麥麵品試下啦。

地址：부산광역시 동구 중앙대로 225

＠更多釜山站美食：草梁麥麵的資訊，請點我。

釜山站美食：3. 本錢豬肉湯飯（본전 돼지국밥）

就係釜山KTX站前面既一仔巷入面，距離車站非常近，小編上次去釜山，亦係趕係上車前半個小時，趕係釜山食最後一餐。

三十年以上既釜山必吃美食老店果然無乜野可以挑剔，泡菜、醃韭菜同豬肉湯飯，尼D野撈埋一齊食，完全係無得輸！如果小菜唔夠食，都可以繼續加。小編最鍾意尼到既醃韭菜！

地址：부산 동구 중앙대로214번길 3-8

＠更多釜山站美食：本錢豬肉湯飯的資訊，請點我。

釜山站景點：4. 柳至環郵筒（유치환 우체통）

釜山必去景點：柳致環郵筒其實距離釜山站上一站既草梁站（초량역）比較近，係建築物既屋頂上有個紅色郵筒，係釜山站附近重點地標之一。如果夜晚去，可以見到美麗既釜山港夜景同釜山大橋。對於韓國人黎講，文學家柳致環係教科書裡面出現過同時係一位家喻戶曉既人物。

地址：부산 동구 망양로580번길 2

＠更多釜山站景點：柳致環的郵筒的資訊，請點我。

釜山站景點：5. 168階梯（168계단）

從遠處望，樓梯簡直係一條垂直既坡道上，不禁令人打個冷震。168級樓梯，大約六層樓咁高，唔理係往上爬，定係望落去，都會令人好緊張。但對於長期居住係尼到既釜山人黎講，簡直係輕而易舉既事。抵達上面之後，亦可以坐單軌列車落黎。

夏天運作時間為早上7點至晚上9點，冬天只到晚上8點

地點：부산 동구 초량동 994-873

＠更多釜山站景點：168階梯的資訊，請點我。

釜山站景點：6. 金敏夫展望台（김민부 전망대）

金敏夫係韓國有名既詩人之一。沿著故事充電所對面既小路行落起，或者係168級樓梯中間轉個彎行進去亦得。尼到同柳致環郵筒所見既風景同角度唔太一樣，距離其他建築物，亦會教為貼近，好似只要伸隻手就出去就可以摸到咁。

地址：부산광역시 동구 영초윗길26번길 14 김민부 전망대

＠更多釜山站景點：金敏夫展望台的資訊，請點我。

釜山站延伸閱讀：釜山站美食

韓國釜山旅遊｜自由行攻略：6. 機張

機張距離釜山市中心有段距離。除左巴士之外，搭東海線亦係其中一個選擇。但更吸引人既一點係這個地方同首爾或釜山相比，更帶有一點南方城市特有既溫暖同質樸。

海東龍宮寺｜包車服務

輸入優惠碼creatrip立享所有行程九折

釜山機張景點：1. 海東龍宮寺（해동용궁사）

釜山必去景點：海東龍宮寺最特別既係，唔同其他寺廟咁，好多寺廟都係建於深山入面，但尼到係臨海而立，可以清楚聽到海浪拍擊既聲音。由於距離釜山市區有一大段距離，尼到十分清閒、較少觀光客喧嘩既地方。對於想要體驗唔同韓國文化、美景既人，尼到係釜山旅行必去既景點之一。

地址：부산광역시 기장군 기장읍 용궁길 86 해동용궁사

＠更多釜山機張景點：海東龍宮寺的資訊，請點我。

釜山機張景點：2. 竹城聖堂（죽성성당）

釜山必去景點：如果問機張有邊到好去？ 好多韓國人一定會答竹城聖堂！尼到十分之出名，同時係2009年韓劇《dream》既室外拍攝地。竹城聖堂被選為釜山睇日出最靚既地方，又因建築特色、風情，經常被作為影婚紗拍攝地。

地址：부산광역시 기장군 기장읍 죽성리 134-7

＠更多釜山機張景點：竹城聖堂的資訊，請點我。

釜山機張咖啡廳：3. WAVE ON（웨이브온）

釜山機張最有名既咖啡店：Wave On，係一個空間十分廣寬既咖啡廳。如果天氣好既話，不妨係尼到飲返杯咖啡，坐在出面享受機張既大海。另外，尼到好似度假勝地咁，係釜山近期新興既夜景名所。

地址：부산광역시 기장군 장안읍 해맞이로 286 웨이브온커피

＠想知道釜山機張咖啡廳：WAVE ON的資訊，請點我。

釜山機張咖啡廳：4. GREETVI 日光（그릿비 일광）

同樣係釜山機張靠海既咖啡廳：Greetvi日光，係韓國SNS中十分之有人氣既咖啡廳，除左景觀靚之外，更以每日新鮮出爐既麵包聞名（小編推薦Tiramisu）。比起WAVE ON，尼到似乎更靠近海，係戶外席總係可以影到好多厄Like相。

地址：부산 기장군 일광면 일광로 354

＠更多釜山機張咖啡廳：GREETVI日光的資訊，請點我。

釜山機張咖啡廳：5. 咖啡Bay 266（카페베이 266）

係釜山必去咖啡廳當中：Bay 266可以一眼望哂美麗既大海弧形水平線，無任何野遮住視野，令尼間咖啡廳成為人氣好高既打卡點之一。另外店入面既空間十分廣寬，有好幾層樓，對於想係唔同視野睇風景既朋友段講，是最適合不過既地方啦。

地址：부산광역시 기장군 일광면 동백리 266-13

＠更多釜山機張咖啡廳：咖啡Bay 266的資訊，請點我。

釜山機張美食：6. 阿修羅（아수라）

係機張郡十分之出名既釜山必吃美食：阿修羅，以牛肉卷非常有名既美食。入面包住韭菜同紫蘇葉，所以唔可以煎太耐，只要聞到香味就可以試下爽脆的既口感，配上醬汁，簡直無無得頂！

地址：부산 기장군 기장읍 반송로 1628

＠更多釜山機張美食：阿修羅的資訊，請點我。

釜山機張美食：7. 雪蟹之家／巨蟹房屋（대게하우스）

釜山旅行黎到機張既話，就一定要黎食新鮮既海鮮料理。店鋪出面有裝滿皇后蟹、紅蟹既水箱，揀好想食既海鮮種類同數量之後，老闆就即刻放入蒸鍋裡面開始蒸煮，最後熱辣辣咁上菜，真係令人流哂口水。

• 本店：부산 기장군 기장읍 차성동로67번길 8
• 二號店：부산 기장군 기장읍 읍내로104번길 5

＠更多釜山機張美食：雪蟹之家／巨蟹房屋的資訊，請點我。

機張延伸閱讀：東海線景點總整理

韓國釜山旅遊｜自由行攻略：南浦洞（札嘎其）

釜山必去景點：南浦洞既範圍主要係釜山地鐵1號線南浦站（남포역）同札嘎其站（자갈치역），尼到係好多遊客必去既觀光景點之一，所以交通方便、美食繁多，唔少大型商家、小型特色商店都係尼到開業。

釜山南浦洞景點：1. 札嘎其市場（자갈치시장）

充滿海味既釜山必去景點：札嘎其市場一樓係水產市場，二樓係賣生魚片。係七樓就有可以望遠既暸望台。如果想食烤魚、鰻魚等釜山特色料理既話，外面既商家都會係到邀客。想要係釜山市區食新鮮既水產，札嘎其市場就一定揀到你想要既！

地址：부산광역시 중구 남포동 자갈치해안로 52

＠更多釜山南浦洞景點：札嘎其市場的資訊，請點我。

韓國料理教室體驗｜線上預訂

帶你行富平市場、札嘎其市場
再去甘川洞文化村學韓國料理
超有趣韓國文化體驗，快來吧

釜山南浦洞景點：2. 富平罐頭市場（부평깡통시장） 

釜山必去景點：富平市場到左夜晚，就可以見到好多小販出黎擺檔，就算係假日都會勁多人。

面對國際市場內既知名景點「花粉之家（꽃분이네）」左手邊直走，就可以直接抵達富平罐頭市場。富平罐頭市場既朝早同夜晚，有住唔同既風貌，最主要介紹既係尼到夜市（大約從晚上7點開始，到凌晨12點）。

地址：부산광역시 중구 부평동 부평1길 39

＠更多釜山南浦洞景點：富平罐頭市場的資訊，請點我。

釜山南浦洞景點：3. 國際市場（국제시장） 

釜山景點：國際市場入咩咩有咩，乜野都可以係到搵到，雖然賣既野唔一定可以拎返屋企（例如電器）。不過食飽飯，黎國際市場行下、睇下都係好正既體驗，可以體會到一般韓國人生活樣貌既感覺。

地址：부산광역시 중구 광복동 국제시장2길 25

＠更多釜山南浦洞景點：國際市場的資訊，請點我。

釜山南浦洞景點：4. 富平豬腳街（부평족발골목）

由BIFF街道到富平罐頭市場既路上，就會經過釜山必去景點：富平豬腳街。

自1959年開始，尼到開左一家名為「首爾豬腳」既鋪頭之後，80年代後就接二連三咁附近有更多豬腳店，就形成左大家今日所見到既釜山必去景點：「富平豬腳街」。涼菜豬腳係當地人好鍾意當下酒菜既選項之一。

地址：부산광역시 중구 광복로 5-1

＠更多釜山南浦洞景點：富平豬腳街的資訊，請點我。

釜山南浦洞景點：5. BIFF釜山國際電影街（부산국제영화거리） 

釜山電影節（BIFF / Busan International Film Festival）曾經被時代雜誌用「亞州代表性電影節」既頭銜黎介紹。至今已舉辦二十年左右，確實係享譽全球既亞洲電影節之一。

每年秋天，都會有無數影迷前往海雲台區既電影殿堂參加釜山電影節，而南浦洞既電影街，亦係活動之一。但更多時候尼到其實都聚集左好多小販，全部都係平既韓國小食，一定試下釜山既糖餅。

地址：부산광역시 중구 남포동 구덕로 58-1

＠更多釜山南浦洞景點：BIFF釜山國際電影街的資訊，請點我。

釜山南浦洞景點：6. 影島大橋（영도대교） 

從南浦站六號出口出黎，往釜山必去景點：影島大橋的方向行，每日晏就兩點就會準時開橋。

影島大橋係同韓戰有關既記憶：對韓戰當時既韓國人黎講，係一段悲傷、沉痛既過往。佢地永遠無辦法忘記尼段歷史，如同尼道橋對佢地既意義：係等待？定係好似依家所見橋面上所彩繪既九隻海鷗，升起既時候彷彿展翅高飛，滿載希望，在橋升起或者降落之後，希望可以再次見面、重逢。

如果係影島大橋前搵唔到好位影相，可以去隔離既樂天觀景台，個到都係好適合睇開橋儀式既地方。

＠想知道更多釜山必去南浦洞（南浦、札嘎其）景點：影島大橋的資訊，請點我。

釜山南浦洞景點：7. 龍頭山公園、釜山塔（용두산 공원 부산타워）

釜山必去景點：龍頭山係日治時期係一個日本神社既聖地，係韓國解放之後，神社被政府拆除，尼到亦變成當時避難民既聚集地。後來規劃成公園，象徵龍頭山既龍塔以及釜山塔相繼地進駐尼到。要上黎龍頭山公園既話，係南浦洞大街既貢茶隔離搭手扶梯上去就可以啦。

地址：부산광역시 중구 광복동 용두산길 37-55（手扶梯搭乘處見下圖）

＠更多釜山南浦洞景點：龍頭山公園、釜山塔的資訊，請點我。

南浦洞延伸閱讀：南浦洞一日行程

韓國釜山旅遊｜自由行攻略：西面

釜山西面總整理｜點我閱讀

釜山必去景點：西面亦係釜山觀光客大部分會去既景點，好大、十分適合年輕人既商圈。尼到餐廳選擇多，每種都十分吸引人。而且地鐵交通方便，位於釜山地鐵1號線、2號線既交會，幾乎係所有釜山人假日市區行街既首選。

釜山證件照 ₩20,000｜免費預約

另外，Creatrip亦同超有名「我們洞內照相館」釜山西面店合作，依家可以透過我地免費預約，黎釜山旅行亦可以影出超靚既證件相。

以上係小編整理出2019年最完整既釜山懶人包攻略，比仲未去過釜山旅行，或者係已經黎過，但想睇下其他景點既大家一D參考，各位朋友，我地下次再見啦。