Hello，大家好，我哋係由韓國人每日提供最新韓國旅行資訊嘅Creatrip。
炸雞係大家嚟韓國必食，而韓國人自己都非常鍾意嘅嘢食！韓國有好多連鎖炸雞店，今日小編就想介紹一間網上冇乜人介紹過嘅「KKANBU炸雞」！小編平時都係叫開外賣食，今次同朋友一齊去咗明洞分店食，一齊睇吓同其他連炸雞店有咩分別啦！
「KKANBU炸雞（明洞店）」基本資訊
- 地址：서울 중구 명동8가길 22 명동IB타워 2F
- 營業時間：17:00-24:00（Last Order 23:00）
「KKANBU炸雞（明洞店）」實地探訪
今日小編同朋友喺明洞行行吓街覺得肚餓，所以嚟咗「KKANBU炸雞」明洞店食韓式炸雞！「KKANBU炸雞」明洞店係小編去過最闊落嘅炸雞店，而且裝修現代化，比起炸雞店更加似去咗Pub咁！而且座位都非常多樣化，無論係三五知己定一家大細去聚餐都冇問題！
而「KKANBU炸雞」明洞店最吸引人嘅係呢個酒櫃！燒酒、啤酒、雞尾酒、傳統酒、Whiskey、Tequila、Highball等等應有盡有！
每張枱都有一部平板電腦可以用嚟叫嘢食，有多種語言可以選擇之餘全部都有圖，唔洗擔心睇唔明韓文！
小編同朋友叫咗一份半半炸雞（原味炸雞+調味炸雞），炸薯條、辣炒年糕同芝士球，聞到即刻流曬口水！
半半炸雞（原味炸雞+調味炸雞）
好似小編咁成日十五十六，唔知食邊款炸雞好嘅話，推薦大家食半半炸雞，入面包原味炸雞同調味炸雞，兩款都唔可以錯過！
小編平時最鍾意食原味炸雞，而且一間炸雞店嘅原味炸雞好食嘅話，通常其他Menu都唔會伏！「KKANBU炸雞」嘅原味炸雞外脆內juicy，而且外面層炸粉都唔會太厚，夠香口，點少少鹽就夠；調味炸雞味道甜甜辣辣夠惹味，就算唔食得辣嘅朋友們都會鍾意！
汽水
而家事先下載Creatrip優惠券，點餐嘅時候向店員出示，每枱即可免費獲得1罐汽水，大家記住唔好錯過啦！
燒酒
韓國傳統酒
啤酒
另外好似頭先所講，「KKANBU炸雞」明洞店有勁多款酒，無論係平時經常見到嘅啤酒同燒酒，定係韓國傳統酒都有，仲有Highball可以叫嚟飲！小編就揀咗炸雞嘅靈魂伴侶啤酒飲，食食吓覺得膩嘅時候飲返啖即刻可以繼續食！
芝士球
「KKANBU炸雞」亦都有唔少小食，首先呢款芝士波波入面有超多Cream Cheese，而且外面個層皮夠脆又煙韌，唔怪得韓國人咁鍾意食XD
辣炒年糕
唔講大家可能唔知，其實辣炒年糕同炸雞好夾！「KKANBU炸雞」嘅辣炒年糕特徵係會用比較長嘅年糕，而且中間仲有個窿，索曬醬汁非常入味！大家可以加埋魚糕同葱一齊食，仲可以用炸雞點辣炒年糕醬食！
薯條
薯條就唔洗多講啦，一邊食住薯條，一邊飲住啤酒同朋友吹水，真係好正！
如果大家都想食韓式炸雞，但係其他brand又全部食過曬，推薦大家嚟明洞「KKANBU炸雞」！
「KKANBU炸雞（明洞店）」前往方法
明洞站（명동역）8號出口出。
過斑馬線，然後轉左。
直行。
轉右。
直行。
右邊會見到「KKANBU炸雞」招牌。
搭扶手電梯上2樓就會去到「KKANBU炸雞」（明洞店）！
撳我下載優惠券👇🏻
以上係明洞美食「KKANBU炸雞（明洞店）」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
