龍山美食 | 石板鰻
喺首爾都可以食到超新鮮燒鰻魚！
Hello，大家好，我哋係由韓國人每日提供最新韓國旅行資訊嘅Creatrip。
通常講起鰻魚，比起韓國大家都會諗起日本先，不過其實韓國燒鰻魚同日本嘅唔太一樣！今日就等小編帶大家去一間韓國本地野生鰻魚專門店食返餐好嘢啦！
龍山「石板鰻」資訊
- 地址：서울 용산구 한강대로53길 24
- 營業時間：11:30 - 22:00
- 可預約時間：12:00 - 20:00（預約時段以1小時為單位）
- 語言：韓文、簡單英文
龍山「石板鰻」推薦原因
- 選用新鮮野生統營鰻魚，配上有超過40年歷史嘅獨家烹調手法，味道有保證！
- 叫完嘢食之後即刻會有專人幫你燒好，一上枱就可以開餐！
- 提供各種配菜，職員仲會教大家點配搭最惹味！
- 透過Creatrip預約去仲會每人送一件鰻魚壽司！
龍山「石板鰻」獨家優惠
- 透過Creatrip預約後向職員出示預約記錄，每人即送一件鰻魚壽司
龍山「石板鰻」Menu
Menu | 價錢 |
|---|---|
甜辣石板鰻魚 양념돌판장어 | ₩24,000 |
鹽燒石板鰻魚 소금돌판장어 | ₩25,000 |
鮑魚菜包豬頸肉 전복 항정 보쌈 | ₩19,000 |
辣鰻魚湯 장어 매운탕 | 中 ₩17,000 大 ₩24,000 |
鰻魚大醬湯飯 장어된장술밥 | ₩13,000 |
石板鰻辣拌冷麵 돌판장 비빔냉면 | ₩8,000 |
石鍋魚子飯 뚝배기 알밥 | ₩8,000 |
覆盆子Highball 복분자하이볼 | ₩9,000 |
覆盆子Highball(無酒精) 논알콜 복분자하이볼 | ₩10,000 |
※2024年3月價錢
龍山「石板鰻」預約費用
訂位費 | ₩10,000/組 (10000/組) |
※訂位費以一組客人為單位計算
※上述費用為訂位手續費（非訂金），用餐後請全額支付實際消費金額
龍山「石板鰻」退款政策
預約後至到訪3日前取消 | 全額退款 |
到訪2日前或其後取消 | 不設退款 |
龍山「石板鰻」注意事項
- 請最少喺3日前完成預約，你亦可以喺30日前進行預約。
- 收取費用為訂位手續費，用餐後請全額支付實際消費金額。
- 預約時請準確選擇日期及時間。
- 請準時到達，如果遲到超過10分鐘預約將會自動取消。
- 首次點餐時必須要叫2人份或以上嘅石板烤鰻魚。
- 嚴禁攜帶外來食物及飲品。
- 如需更改預約，或有任何疑問，請send email到help@creatrip.com查詢。
龍山「石板鰻」預約流程
STEP 1. | |
STEP 2. | 請詳細輸入所有相關資訊及付款，我哋會喺1-2個工作天內確認預約，如果需要更改日期/時間我哋會另外通知你。 |
STEP 3. | 當日請準時到達，向職員出示預約記錄。 |
STEP 4. | 用餐後請全額支付實際消費金額。 |
龍山「石板鰻」介紹
今日小編嚟到位於龍山三角地站附近嘅鰻魚專門店「石板鰻」！呢度專賣韓國統營鰻魚，終於唔洗再專登走落韓國南部先食到啦！
「石板鰻」餐廳建築由以前嘅住宅改建而成，總共有2層，亦都有獨立房可以坐！不過因為座位唔算多，而且最近好多韓國人都發現到呢間餐廳，所以唔預約嘅話可能要等好耐！
小編當然都有book定位先去啦XD 當日小編同朋友嘅位喺2樓窗邊，職員仲會一早為客人準備好小菜！另外大家如果有帶外套同其他個人物品，都可以打開張櫈放入去，咁就唔怕會索到嘢食味啦~
小編同朋友叫咗甜辣石板鰻魚、鹽燒石板鰻魚、鰻魚大醬湯飯同無酒精覆盆子Highball，提提大家石板鰻魚類嘅Menu需要由2人份開始叫，而且因為係即叫即燒，所以需要等一段時間先會整好。
透過Creatrip預約仲會每人送一塊鰻魚壽司，鰻魚超香炙燒味，同軟熟嘅飯好夾。
鹽燒石板鰻魚
平時喺韓國食燒鰻魚都係用鐵網燒，有時候都唔知道燒熟未，不過龍山「石板鰻」嘅優點係會燒到啱啱好之後再上菜，包保可以食到最juicy香口嘅鰻魚！石板上面仲有雞脾菇、洋葱同細葱，超豐富！
好似頭先所講，「石板鰻」嘅鰻魚係新鮮野生鰻魚，可能因為咁，所以呢度嘅鰻魚唔腥唔膩，齋點鹽食都好好味！
另外呢度仲有好多款配菜可以一齊食，大家可以每樣都試啲，搵出自己最鍾意嘅配搭！
橫城烤沙參
小編仲另外叫多咗份烤沙參，配埋鰻魚一齊食口感會更加豐富！
甜辣石板鰻魚
而呢款甜辣石板鰻魚醬汁好惹味，小編同小編朋友都食到停唔到口！如果怕辣嘅話，建議大家可以加一份芝士中和返~ 另外因為呢度係用石板上，所以食到最後鰻魚都仲係暖㗎！
覆盆子Highball
喺韓國如果想補充精力，老一輩都會叫大家食鰻魚同覆盆子，而「石板鰻」都有賣覆盆子Highball，小編就揀咗無酒精版，酸酸甜甜咁夠曬解膩！
鰻魚大醬湯飯
如果想食得飽肚啲，不妨叫埋呢款鰻魚大醬湯飯，入面非常足料，而且食完會好暖笠笠~
石板鰻辣拌冷麵
平時辣拌冷麵都係麵+醬汁，不過呢度嘅辣拌冷麵仲會俾多碗冷麵湯大家，清新涼爽得嚟醬汁夠香辣惹味，好特別！
辣鰻魚湯
韓國人食海鮮嘅時候一定唔少得叫一煲辣海鮮湯，「石板鰻」嘅辣鰻魚湯入面除咗鰻魚，仲有魚春、豆腐同各種蔬菜，小編仲叫多咗份即食麵，加埋入去食真係超滿足！
如果大家食燒肉食到厭，想換吓新口味，推薦大家嚟龍山「石板鰻」食超新鮮嘅石板烤鰻魚！
龍山「石板鰻」前往方法
三角地站（삼각지역）4號出口出。
直行。
第一個路口轉右。
直行。
咁就去到「石板鰻」啦！
以上係龍山美食「石板鰻」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
