麻浦美食 | 月火食堂
超特別蜂蠟熟成五花肉!入選韓國美食指南Blue Ribbon嘅燒肉有幾巴閉?
Hello,大家好,我哋係由韓國人每日提供最新韓國旅行資訊嘅Creatrip。
韓國燒肉相信大家都食唔少,覺得食嚟食去都係一式一樣?今日就等小編帶大家去一間位於麻浦嘅餐廳食超特別蜂蠟燒肉!
麻浦「月火食堂」資訊
- 地址:서울 마포구 도화길 29 1-2F
- 營業時間:星期一至五 16:00-22:30、星期六及日 11:30-22:30
- 可預約時間:星期一至五 16:00-18:00、星期六 12:00-16:00、星期日 12:00-21:00
- 語言:韓文、中文、英文、日文
麻浦「月火食堂」推薦原因
- 入選韓國美食指南Blue Ribbon,連韓國人都會專程嚟排隊食!
- 呢度嘅豬肉榮獲韓國畜產品質評鑒大會第一名,而且所有小菜都係自家製,品質有保證!
- 只會用當造食材,所以每個月小菜都唔一樣,包保客人可以有最佳體驗!
- 餐廳有兩層,環境闊落,一大班人嚟都可以食得開心!
- 透過Creatrip預約仲會送芝士條,煎嚟食超香口!
麻浦「月火食堂」獨家優惠
- 透過Creatrip預約後向職員出示預約記錄,每枱即送一份芝士條(價值₩10,000)
麻浦「月火食堂」預約費用
訂位費 | ₩10,000/組 (10000/組) |
※訂位費以一組客人為單位計算
※上述費用為訂位手續費(非訂金),用餐後請全額支付實際消費金額
麻浦「月火食堂」退款政策
預約後至到訪3日前取消 | 全額退款 |
到訪2日前或其後取消 | 不設退款 |
麻浦「月火食堂」Menu
Menu | 價錢 |
韓國本地杜洛克豬帶皮五花肉(150g) 국내산 듀록 오겹살(150g) | ₩20,000 |
X-File 五花肉(150g) 먹거리X파일 착한 삼겹살(150g) | ₩18,000 |
韓國本地杜洛克豬梅花肉(150g) 국내산 듀록 목살(150g) | ₩18,000 |
熟成護心肉(130g) 숙성특허 갈매기살(130g) | ₩18,000 |
蜂蠟熟成五花肉(500g) [需提早預約] 밀랍 숙성 삼겹살(500g) | ₩100,000 |
黑松露牛胸肉刺身(70g) 트러플 손차돌 육회(70g) | ₩18,000 |
1++韓牛排骨肉(150g) 1++ 한우 갈비살(150g) | ₩38,000 |
黑豬肉泡菜湯 흑돼지 김치찌개 | ₩8,000 |
白飯 7일 도정밥 | ₩2,000 |
※2024年3月價錢
麻浦「月火食堂」注意事項
- 請最少喺3日前完成預約,你亦可以喺30日前進行預約。
- 收取費用為訂位手續費(每組客人₩10,000),用餐後請全額支付實際消費金額。
- 預約時請準確選擇日期及時間。
- 蜂蠟熟成五花肉需要事先預約,如有需要預約時請註明,一旦預約亦無法即場取消。
- 請準時到達,如果遲到超過15分鐘預約將會自動取消。
- 請按人頭數點餐,就算1個人去最少都要叫2人份嘅肉類。
- 嚴禁攜帶外來食物及飲品。
- 如需更改預約,或有任何疑問,請send email到help@creatrip.com查詢。
麻浦「月火食堂」預約流程
STEP 1. | |
STEP 2. | 請詳細輸入所有相關資訊及付款,我哋會喺1-2個工作天內確認預約,如果需要更改日期/時間我哋會另外通知你。 |
STEP 3. | 當日請準時到達,向職員出示預約記錄。 |
STEP 4. | 用餐後請全額支付實際消費金額。 |
麻浦「月火食堂」介紹
今日小編同朋友嚟到位於孔德站附近嘅「月火食堂」麻浦分店,呢度喺韓國勁出名,而且聽講仲有超特別熟成肉,小編一直都好想嚟!
呢度嘅豬肉榮獲韓國畜產品質評鑒大會第一名,餐廳本身更加入選韓國美食指南Blue Ribbon,連韓國人都會專程嚟排隊食,品質有保證!
「月火食堂」麻浦分店有兩層,1樓除咗有用餐區之外,仲有一個低溫熟成室,今日小編要食嘅肉就喺入面啦!
上到2樓可以睇到有唔少演員、IDOL同韓國運動選手嘅簽名,連明星都係呢度嘅熟客!
兩層環境都好闊落,就算係一大班朋友嚟聚餐都冇問題!
喺2樓仲有另一個熟成室,呢度分別有喺紅燈下熟成7日嘅五花肉同今日嘅主角之一 —— 蜂蠟熟成五花肉!「月火食堂」嘅蜂蠟熟成五花肉需要熟成14日,出面嗰層係天然蜂蠟,真係超特別!
參觀完之後返到位就見到職員已經set好枱,基本小菜有芽菜、泡菜、蕨菜同生菜等等,比較特別嘅係「月火食堂」連麻油都係自己新鮮低溫壓制而成,配埋喜馬拉雅山玫瑰鹽同黑胡椒&迷迭香調味鹽,真係好期待到底有幾好食!
蜂蠟熟成五花肉睇落好似勁大塊牛油咁,但其實係一塊經過兩輪熟成嘅五花肉!不過大家要注意,因為蜂蠟熟成五花肉製作工序繁複,所以需要事先order先會幫你準備,唔可以即場叫!
職員會即場喺你面前拆開出面層蜂蠟,呢層蜂蠟可以喺熟成嘅時候鎖住五花肉嘅肉汁同水分,食落更加juicy!
解體完之後職員會再刨少少蜂蠟上塊肉上面,然後就可以攞去燒啦!
「月火食堂」其中一個優點係職員全程都會幫大家燒,大家只要等食就得!(見唔見到嚿肉有幾厚...!
另外「月火食堂」每個月都會推出各款當造食材配菜,而小編今次去嘅時候係水芹菜,用五花肉嘅油燒嚟食又係另一番風味!
職員會將五花肉剪成容易入口嘅size,因為係熟成肉,所以大家可以見到肉嘅顏色比起普通肉更加偏深紅色。
食之前大家可以好似小編咁將鹽同麻油撈勻整成醬汁,跟住就可以準備開餐啦!
五花肉完全唔會有豬腥味,而且口感彈牙,同平時食開嘅普通燒肉的確唔一樣。推薦大家點埋頭先整嘅油鹽醬,味道會更加香!
小編同朋友仲另外加叫咗辣拌水芹菜魷魚,酸酸甜甜咁,配埋烤肉食會冇咁漏!
食燒肉當然唔可以少咗煲湯!小編有另外再叫咗呢款黑豬肉泡菜湯,非常足料而且味道夠濃郁,搞到小編勁想叫碗白飯XD
再好似韓國人咁用生菜同紫蘇葉包住食,無論係味道定口感都會更上一層樓。
「月火食堂」另一款人氣menu係黑松露牛胸肉刺身!大家平時見開嘅生牛肉都係一條條配梨絲食,不過呢度用嘅係手切新鮮牛胸肉,配埋黑松露同麻油,雖然係第一次食,不過小編覺得口感同味道都好有魅力,推薦鍾意食生牛肉嘅朋友們可以試!
而家透過Creatrip預約仲會送價值₩10,000嘅芝士條,煎嚟食超香口!
如果食厭咗普通燒肉,小編推薦大家嚟麻浦「月火食堂」試超新奇嘅蜂蠟熟成五花肉,呢度仲有其他高質豬肉同牛肉menu,大家可以一次過食到唔同口味!
麻浦「月火食堂」前往方法
麻浦站(마포역)3號出口出。
直行。
過馬路,繼續直行。
第一個路口轉右。
直行。
行到見到住宅區入口之後轉左。
咁就去到「月火食堂」啦!
以上係麻浦美食「月火食堂」嘅介紹,有任何問題請先詳讀呢篇文章。
如果睇完之後有任何問題,或者我哋語意、標示唔清嘅話,麻煩請send email告知,以方便我哋改進 。
如果有更多想知嘅內容,都可以隨時留言或者dm話俾我哋知:)
Instagram:creatrip.hk
Mail:help@creatrip.com