景福宮Personal Colour&化妝班 | Another 29
做完Personal Colour診斷仲可以上埋化妝班？想變靚無難度！
Hello，大家好，我哋係由韓國人每日提供最新韓國旅行資訊嘅Creatrip。
韓國最近超興做Personal Colour Test（個人色彩診斷），透過搵出同我哋膚色最夾嘅顏色，改變自己衣著、化妝品、髮色等等去令成個人睇落更加亮麗動人！今日要介紹俾大家嘅個人色彩診斷中心仲提供埋化妝班，變靚冇難度！
「Another 29」資訊
- 地址：서울 종로구 필운대로2길 14
- 營業時間：10:00 - 19:00
- 可預約時間：10:00 - 18:00
- 語言：韓文、中文、英文、日文
「Another 29」推薦原因
- 可以做Personal Colour Test嘅同時仲會推薦最啱你嘅化妝品俾你！
- 提供中文、英文、日文翻譯服務，唔需要擔心溝通唔到！
- 專家會根據你臉型、五官同皮膚色調等教你化返個韓式妝！
- 可以同時做Personal Colour Test同上化妝班，一舉兩得！
「Another 29」價錢
Personal Colour診斷 (提供翻譯服務) | 1:1 （60分鐘） | ₩170,000 (170000) |
1:2 （80分鐘） | ₩340,000 (340000) | |
1:3 （100分鐘） | ₩450,000 (450000) | |
1:4 （100分鐘） | ₩560,000 (560000) | |
化妝服務 （非化妝班、 唔會提供翻譯服務） | 日常妝容 （60分鐘） | ₩155,000 (155000) |
偶像妝容 （90分鐘） | ₩190,000 (190000) | |
Personal Colour診斷 + 化妝班 (提供翻譯服務) | 1:1 （120分鐘） | ₩405,000 (405000) |
1:2 （160分鐘） | ₩720,000 (720000) | |
| 化妝班 (提供翻譯服務) | 1:1 （150分鐘） | ₩320,000 (320000) |
「Another 29」退款政策
| 預約後至體驗7日前取消 | 全額退款 |
| 體驗6日前或其後取消 | 不設退款 |
「Another 29」注意事項
- 請最少喺7日前完成預約，你亦可以喺60日前進行預約。
- 體驗內容包括：
Personal Colour診斷 翻譯、個人色彩理論、膚色及色調診斷、化妝品診斷、髮色及髮型推薦、化妝品推薦、Best/Worst顏色版 化妝服務 日常妝容/偶像妝容擇一（唔包括翻譯） Personal Colour診斷 + 化妝班 翻譯、個人色彩理論、膚色及色調診斷、化妝品診斷、髮色及髮型推薦、化妝品推薦、Best/Worst顏色版、日常妝容/偶像妝容擇一 - 遲到超過15分鐘或以上就唔可以進行體驗，亦需要所有人都準時到齊先可以開始。
- 以上所有選項均提供中/英/日文翻譯服務，詳情請參考注意事項。
- 如非參加體驗，隨行人士（家人、朋友等）唔可以一齊入去聽。
- 為得出更準確結果，體驗當日請唔好化妝。
- 建議大家可以帶自己平時用開嘅化妝品，到時候專家會幫你睇適唔適合你。
- 請準備你嘅日常照片以作參考，專家會幫你睇你平時嘅化妝/服裝風格。
- 建議預約化妝服務人士事先準備好參考圖片。
- 如果有監護人同行，請事前得到許可。
- 請準確輸入所有相關資訊。
- 如果想更改預約，或有任何疑問，請send email到help@creatrip.com查詢。
「Another 29」預約流程
| STEP 1. | |
| STEP 2. | 請詳細輸入所有相關資訊， 我哋會喺2個工作天內確認預約， 到時候會再次通知你預約到嘅時段。 |
| STEP 3. | 體驗當日請準時到達，向職員出示預約記錄。 |
| STEP 4. | 開始體驗！ |
「Another 29」介紹
今日小編嚟到景福宮附近嘅一間Personal Colour & 化妝班中心「Another 29」！呢度嘅優點係可以做完Personal Colour Test之後直接上埋化妝班，直接應用返診斷結果，活學活用！跟小編去睇吓啦~
中心入面非常乾淨企理，俾人一種溫暖嘅感覺。
去到就會見到專家已經準備好做test嘅時候要用到嘅問卷同道具。
成個診斷過程主要分為填寫問卷>解釋理論>個人色彩診斷>推薦髮色>推薦化妝品等幾個階段，一開始要填一張問卷，主要係問你對自己嘅色調有咩認知，亦都會睇吓你平時化妝著衫係咩風格（或者想行咩風格）。
填完之後專家就會向大家介紹Personal Colour呢個概念同講解當中嘅理論，之後就會幫大家睇平時用開嘅化妝品。透過呢個過程，專家會幫大家睇到底平時用開嘅彩妝顔色啱唔啱自己，簡單分析大家嘅色調。小編之前都有去過其他地方做Personal Colour Test，通常都係診斷完之後先會睇化妝品，喺呢方面「Another 29」同其他中心非常唔同！
跟住就會幫大家check皮膚顔色tone啦！
check完之後，大家需要稍移玉步去另一個位，正式進行診斷。
透過喺身上擺唔同顔色嘅布料，專家會幫你分辨出到底你屬於warm定cool tone同屬於邊個季節。
跟住仲會睇埋到底大家啱著咩pattern嘅衫，呢個step都令小編覺得好神奇！
下一步就係睇頭髮顔色啦！專家會根據大家嘅Personal Colour同風格推薦幾種髮色俾大家，大家下次染頭髮之前都可以參考吓。
之後專家亦都會推薦幾款啱你嘅化妝品~ 而因為小編今次係去做Personal Colour診斷 + 上化妝班，所以專家就話會喺上化妝班嘅時候再詳細解釋同推薦其他product俾小編。
跟住就到化妝班嘅環節，專家曾經上過專業化妝課程，實力有保證！見到自己五官變得越嚟越精緻同立體，真係覺得好神奇！
Before & After
大家睇唔睇到有幾大分別！因為係化妝班，所以專家都會講解俾大家聽平時化妝有咩需要注意，或者可以突出邊啲位等等，大家以後自己化妝嘅時候都可以活學活用，塑造一個更靚嘅自己！
「Another 29」前往方法
喺景福宮站（경복궁역）2號出口出。
直行。
第三個路口轉左。
直行大約150米。
行到三岔路口轉左。
直行。
見到三岔路口向左邊行。
再行前少少就會見到圖上呢棟大廈，行入去就到「Another 29」啦！
以上係景福宮「Another 29」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
