釜山照相館 | Building Owen Morgen
用海景影個人形象照你又試過未？嚟白淺灘文化村一定要去影！
Hello，大家好，我哋係由韓國人每日提供最新韓國旅行資訊嘅Creatrip。
韓國真係有好多concept超特別嘅影相鋪，而今日要介紹嘅呢間「Building Owen Morgen」位於釜山白淺灘文化村，用海景做背景影相，你又試過未？
釜山「Building Owen Morgen」資訊
- 地址：부산 영도구 절영로 226
- 營業時間：11:00 - 17:00
- 可預約時間：11:00 - 16:00
- 語言：韓文、英文
釜山「Building Owen Morgen」推薦原因
- 以釜山影島蔚藍大海做背景影相，留低幸福一刻！
- 呢度除咗係影相鋪，同時仲係一間Cafe，等緊嘅時候或者影完相可以喺呢度一邊嘆返杯咖啡，享受悠閒時光！
- 價錢比其他影相鋪實惠，而且仲包埋修圖服務，CP值夠高！
- 沖晒出嚟嘅相可以直接寄去你住嘅地方，同時仲送紙相框！
- 攝影師好親切同friendly，亦都會教大家點擺pose最靚，氣氛夠好！
釜山「Building Owen Morgen」價錢
選項 | 價錢 | 包括 |
|---|---|---|
海景拍攝
| ₩15,000 | 修1張圖 提供所有原圖 + 最終修圖電子版 |
一般背景拍攝（黑白）
| ₩15,000 | |
個人形象照
| ₩35,000 | |
懷舊卡帶形象照
| ₩70,000 | 修3張圖 + 沖晒（4x6吋 - 配紙相框） 招牌懷舊卡帶 提供最終修圖電子版 |
※如果想另外再揀相修圖，或者需要晒相，請喺現場支付額外費用。
※沖晒出嚟嘅相通常第二日就可以攞，如果需要郵寄（海外地址都可以寄），請喺現場支付郵費。
釜山「Building Owen Morgen」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
釜山「Building Owen Morgen」注意事項
- 請最少喺2日前完成預約。
- 同時段最多只接受6人預約。
- 體驗大約需要30分鐘（拍攝15分鐘 + 揀相15分鐘）。
- 請務必準時到達。
- 未有提供妝髮服務。
- 可以用簡單英文溝通。
- 為令最終效果更自然，建議以比較簡單整潔嘅髮型進行拍攝。
- 原圖會透過email send俾你，一段時間後就會被刪除，所以收到之後請儘快下載。
- 如果遲到超過10分鐘，預約將自動被取消，屆時將不設退款。
- 如有任何疑問，或者需要更改預約，請send email到help@creatrip.com查詢。
釜山「Building Owen Morgen」預約流程
| STEP 1. | |
| STEP 2. | 請詳細輸入所有相關資訊。 我哋會喺2個工作天內確認預約，然後通知你最終預約時間。 |
| STEP 3. | 請務必準時到達，然後向職員出示預約記錄。 |
| STEP 4. | 開始影相！ |
釜山「Building Owen Morgen」參考圖
海景拍攝
一般背景拍攝（黑白）
個人形象照/懷舊卡帶形象照
釜山「Building Owen Morgen」介紹
今日小編帶大家嚟到位於釜山影島白淺灘文化村嘅超特別影相鋪「Building Owen Morgen」，喺南浦站搭15分鐘巴士就可以去到！影島區睇到嘅海景比起海雲台、廣安里嘅海景，更有另一番魅力！
呢度就係「海景拍攝」嘅影相位啦！後面有一塊落地玻璃可以睇到海景，而四周圍就放滿各種藤編傢俬，俾人一種溫暖嘅感覺~ 小編好期待影出嚟會係咩效果啊！
1樓雖然唔大，不過裝飾得好靚~ 老闆亦有為大家準備酒精搓手液，化妝台上面亦都有梳、紙巾等等，大家影相前可以喺度整理吓儀容。
影相嘅時候攝影師會好親切同主動咁教大家擺pose同表情，不愧係經驗豐富嘅攝影師，跟住佢講嘅方法做效果真係會自然同靚好多！
用唔同風格影咗20分鐘左右就可以去揀相啦！小編去嗰日因為落雨，所以唔係好影得出後面個海，但係靚嘅相又唔止1張，所以決定額外P多一張相！
鋪頭會用email send相俾大家，P圖過程中亦都可以透過email俾feedback攝影師，所以大家記住要寫啱email地址啊！如果想晒相，大家亦都可以額外俾錢晒，如果仲想直接寄去你住嘅地方，都可以再俾埋郵費寄。
影完相之後小編仲去咗2樓參觀，呢度出除咗係攝影棚，仲係一間Cafe，大家可以叫杯嘢飲喺度休息吓。
2樓有2間房，全部都係行懷舊風，窗外面仲有影島海景睇，坐喺度真係好療癒！
隔離就係影黑白形象照嘅地方。
幾日之後，小編就收到「Building Owen Morgen」寄嚟嘅實體相啦！
佢哋包裝得好仔細，啲相完全冇變巢。
小編總共收到兩張相，因為有紙相框，所以可以放喺屋企裝飾~小編整體嚟講都幾滿意呢個體驗，下次大家有機會去白淺灘文化村玩，不妨都去呢度留低個美好回憶啦！
釜山「Building Owen Morgen」前往方法
以上係釜山照相館「Building Owen Morgen」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
