廣安里自助照相館 | Because Friends
超特別懷舊閣樓攝影棚！釜山原來有咁hip嘅自助影相鋪？
Hello，大家好，我哋係由韓國人每日提供最新韓國旅行資訊嘅Creatrip。
無論係首爾定其他城市，韓國真係有好多concept超特別嘅影相鋪，每間都各有特色！而今日小編要介紹嘅呢間自助照相館「Because Friends」廣安店分別有閣樓同珊瑚色兩款主題，吸引唔少韓仔韓妹去影相！
廣安里「Because Friends」資訊
- 地址：부산 수영구 남천바다로33번길 47 6F
- 營業時間：星期一、三至日 11:00 - 20:00（逢星期二休息）
- 可預約時間：星期一、三至日 11:00 - 19:30
廣安里「Because Friends」推薦原因
- 在場唔會有攝影師，可以自由撳掣影相，影出最似自己嘅個人照！
- 有閣樓同珊瑚色2個主題房，超特別！
- 「Because Friends」獨有色調，影出嚟張張都好似雜誌相咁！
- 呢個價錢仲包埋修圖服務，夠曬實惠！
- 位於廣安里站附近，可以一邊睇海景一邊等！
廣安里「Because Friends」價錢
| 選項 | 價錢 | 包括 |
閣樓拍攝+修圖（2人） | ₩50,000 | 沖晒2張相（5x7） |
珊瑚色主題拍攝+修圖（2人） | ₩50,000 |
※上述金額為2人價錢，如果需要加人數，請喺現場支付額外費用。
※1人拍攝仍需支付2人價錢，嬰兒、寵物亦當1人計。
廣安里「Because Friends」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
廣安里「Because Friends」評論優惠活動
| 填寫Creatrip評論 |   | 免費沖晒一張小型相（隨機1張修圖後照片） |
廣安里「Because Friends」注意事項
- 請最少喺2日前完成預約。
- 體驗大約需要30分鐘（拍攝15分鐘 + 揀相15分鐘）。
- 請務必準時到達。
- 預約時間係開始拍攝嘅時間，請大家提早5-10分鐘到拍攝場地準備。
- 如果想額外加購其他項目，建議當日先確認好實物之後決定，然後喺現場支付所需費用。
- 遲到嘅話拍攝時間將會變少；如果遲到超過10分鐘，預約將自動被取消，屆時將不設退款。
- 如預約16:30或其後時段，你會喺下一日先拎到晒好嘅相。
- 照相館會幫客人將晒好嘅相保管1個月，請喺1個月內領取。
- 修圖後相片會send去你預約嘅時候輸入嘅email。
- 如有任何疑問，或者需要更改預約，請send email到help@creatrip.com查詢。
廣安里「Because Friends」預約流程
| STEP 1. | |
| STEP 2. | 請詳細輸入所有相關資訊。 我哋會喺2個工作天內確認預約，如果你揀嘅日子唔接受預約，我哋會另外聯絡你。 |
| STEP 3. | 請務必準時到達，然後向職員出示預約記錄。 |
| STEP 4. | 開始影相！ |
廣安里「Because Friends」閣樓拍攝參考圖片
廣安里「Because Friends」介紹
今日小編帶大家嚟到位於釜山廣安里嘅自助照相館「Because Friends」！廣安店同弘大分店一樣，都有2款拍攝主題，大家可以根據個人喜好揀！鋪頭整體以白色同木調為主調，俾人一種簡潔嘅感覺。
呢度有一間更衣室，入面有隻巨型熊啤啤，大家可以用嚟做拍攝道具！
大家記住提早5~10分鐘嚟揀道具同執一執樣（揀道具比想像中需要更多時間）！
今日小編會影曬閣樓同珊瑚色主題兩個concept！小編首先去嘅係閣樓房，大家要注意如果影相當日有落雨或者落雪，就需要除鞋行入去，以免整到周圍都污糟曬。
上到閣樓房就會見到左邊有貼一張注意事項，當中特別需要留意嘅係撳完掣之後要等3秒先會正式影到，如果撳得太快部機可能會停。另外影相嘅時候唔可以掂其他機器，相機角度亦都係固定嘅，唔可以擅自郁。
職員會幫大家set好timer，之後就可以正式開始影相啦！
大家每影一張相之後都可以即時check到成果，張相有冇對到焦、表情同動作怪唔怪都可以即刻睇到！
去珊瑚色主題房影相嘅時候都一樣，職員會先同你講解注意事項，然後幫你Set好timer，之後就可以開始！
珊瑚色房會比較有影個人形象照嘅感覺，小編當日著天藍色嘅恤衫去，同背景色都好襯~ 大家可以自由擺pose，如果係同朋友一齊嚟嘅話就可以有更加多發揮空間！
鋪頭入面有電腦，影完之後就可以喺出面揀相~ 大家總共有15分鐘可以揀相，最後會send兩張P好圖嘅相俾大家，如果大家想要返原圖就需要額外俾錢，鋪頭會喺3日內send俾大家。
小編每個主題都可以揀兩張，如果有超過兩張想職員幫你P嘅相，大家都可以額外俾錢整。另外因為鋪頭會send電子檔俾大家，所以記住要寫啱email地址啊！揀完之後將張紙俾職員，然後職員就會同你講大約要過幾耐再嚟拎相（小編當日要等2-3個鐘），大家可以喺廣安里行住等！
等咗2個鐘頭，返去鋪頭之後，職員會先將修圖後版本show俾大家睇，再問大家有冇地方想再修改，然後就會幫大家晒出嚟，大概需要等5-10分鐘。
廣安店仲有一本留言簿，大家可以留低你嘅足跡！仲可以對鏡自拍打卡，影影吓就可以攞到相啦~
珊瑚色主題拍攝+修圖（2人） ₩50,000
珊瑚色主題 - 額外加購原圖 ₩2,000（即場俾錢）
閣樓拍攝+修圖 ₩50,000
另外而家喺Creatrip網站留低你嘅評論，仲可以免費沖晒一張小型相，大家千祈唔好錯過啦！
廣安里「Because Friends」前往方法
喺金蓮山站（금련산역）3號出口出。
向出口反方向行。
見到轉角位之後轉右。
直行。
見到十字路口之後過馬路，然後向左行。
直行。
第二個路口轉右。
直行。
第一個路口轉左。
行大約20米之後會見到呢棟建築左邊喺你左邊。
上到6樓就到「Because Friends」啦！
以上係廣安里自助照相館「Because Friends」嘅介紹，有任何問題請先詳閱呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
