[MBTI旅行特輯] E/I型人格特徵&推薦行程
MBTI竟然同旅遊Type有關？E型人格+I型人格一定要撳入嚟睇！
Hello，大家好，我哋係由韓國人每日提供最新韓國旅行資訊嘅Creatrip。
大家應該都知而家MBTI風靡全韓國，好多時識韓國人嘅時候，佢哋都會問到對方MBTI係咩，而最後分析出嚟第一個英文字母唔係「E」就係「I」，到底呢兩個字又代表咩呢？今日就等小編解答大家啦！
到底咩係MBTI？
MBTI係一款由Katherine Cook Briggs同Isabel Briggs Myers開發嘅自我報告調查表，主要圍繞4個方面分析你嘅個人性格。每一個範疇都有兩種類型（總共8個英文字母），最後MBTI得出嚟嘅結果會由4個英文字母組成。
上面呢兩張圖係「E」型人格同「I」型人格嘅主要特徵，大家又覺得準唔準呢？
原來MBTI同旅行Type有關？
E型人格推薦行程
1. 楊平滑翔傘體驗
韓國嘅滑翔傘安全又刺激，最適合膽大外向嘅E型人格，一起去挑戰自我啦！
2. Club 9 Nine水上樂園
炎炎夏日想消暑最啱就係去玩水上活動！加平嘅「Club 9 Nine水上樂園」就有香蕉船、衝浪飛艇、水上充氣彈床等設施，同朋友去真係可以玩足全日！
3. 愛寶樂園
去韓國又點可以唔去主題公園呢？「愛寶樂園」係全韓國最大主題樂園，唔單止有超多款刺激機動遊戲等你玩，同時大家仲可以親眼睇到野生動物，同三五知己一齊去玩特別開心！
4. 樂天世界（首爾/釜山）
「樂天世界」首爾同釜山都有，唔少韓國人都鍾意同朋友或者另一半租校服去影相打卡，想留返一個青春美好浪漫回憶咁就更加一定要去啦！
5. 韓國偶像K-POP舞蹈班
唔少人鍾意韓國都係因為KPOP影響，比起睇影片去跟住跳舞，不如直接去搵歌手嘅專業伴舞導師學啦！而且課程會以小組形式進行，外向嘅你仲可以識到一班志同道合嘅人一齊邊學邊玩！
I型人格推薦行程
1. K-pop Studio錄音體驗
如果覺得去跳舞要同唔識嘅人一齊跳會尷尬，但又想親身體驗KPOP魅力？小編推薦大家可以去Studio錄音，自己可以揀想唱嘅歌，而且仲有專家1對1咁教你！
2. 木戒指工坊
比起去出面走走跳跳、同人social，I型朋友都比較鍾意獨處或者同摯愛一齊享受時光。嚟「Wetwood Studio」同另一半一齊整返隻獨一無二嘅戒指，保證唔會同人撞款，超有意義！
3. 香水工房 Aroma Forest
喺出面買香水都唔平，不如去整返一支屬於自己嘅香水，過程療癒、氣氛都夠舒服，整完之後仲可以透過香氣去回憶今次旅行！
4. 漢江獨木舟體驗
雖然係戶外活動，但坐住獨木舟可以用另一個角度欣賞首爾，就好似自己拍緊電影咁，相當浪漫！
5. Tufting體驗工作坊
呢幾年好流行整Tufting，自己落手落腳整，真係會好有成就感㗎！
希望以上小編整理嘅活動都可以幫到E型同I型嘅朋友plan行程！嚟緊我哋會再逐一分析其他人格，大家記住要mark實啦~
如果有更多想知嘅內容，都可以隨時留言或者dm話俾我哋知：）
Instagram：creatrip.hk
