[MBTI旅行特輯] T/F型人格特徵&推薦行程
理性「T型人格」同感性「F型人格」嚟韓國到底有咩啱玩呢？
Hello，大家好，我哋係由韓國人每日提供最新韓國旅行資訊嘅Creatrip。
MBTI嘅第三個英文字母分別係T同F，好多人都將佢哋分為「理性T」、「感性F」。而因為有時T講嘢太直，好多時都俾人話冇共感能力，導致最近韓國好流行講「你T嚟㗎？（너 T야?）」XD 今日小編就想為T型同F型嘅朋友推薦一啲適合行程，希望可以幫到大家plan下一轉韓國之旅！
到底咩係MBTI？
MBTI係一款由Katherine Cook Briggs同Isabel Briggs Myers開發嘅自我報告調查表，主要圍繞4個方面分析你嘅個人性格。每一個範疇都有兩種類型（總共8個英文字母），最後MBTI得出嚟嘅結果會由4個英文字母組成。
上面呢兩張圖係「T」型人格同「F」型人格嘅主要特徵，大家又覺得準唔準呢？
原來MBTI同旅行Type有關？
T型人格推薦行程
1. 韓國旅遊保險
去旅行雖然開心，但始終人生路不熟，去一個陌生環境當然安全最緊要。因為T型人格通常都會先理性分析狀況，所以為咗未雨綢繆，買定份保險就可以安心啲啦。
2. 機場換錢
可能好多人都鍾意搭凌晨機飛韓國玩，希望爭取到每一分每一秒，儘快開始韓國之旅！理性啲咁諗，如果可以喺機場做曬所有準備，仲可以用比較抵嘅匯率換到錢，咁當然就最fit啦！
3. AREX
由機場出市區雖然有好多方法，但如果講到最快應該就係AREX，因為佢係由機場直接去到首爾站，最快43分鐘就到！加上佢可以提前預約，唔似巴士/地鐵太多人搭就冇位坐。對於講求效率嘅T型人格朋友仔嚟講，揀搭AREX就萬無一失啦！
4. SIM卡&WiFi蛋
而家都市人好多時都係機不離手，T型人格會先喺網上度過邊款Sim卡/WiFi蛋最抵先再預約。而我哋亦都有提供幾款可以俾大家揀，撳下面條link比較完之後，只要填少少資料就可以輕鬆買到！
5. Creatrip交通卡
稍後開放預約，敬請期待！
去韓國冇交通卡真係會少咗好多優惠，理性嘅朋友當然要慳到盡啦！嚟緊我哋Creatrip會同韓國超紅卡通人物「BELLYGOM」聯名出交通卡，因為係限量發售，所以大家記住要mark實我哋嘅最新消息啦！
F型人格推薦行程
1. I.O.U
I.O.U喺韓國係一間人氣求婚名店，呢度任何一個位都可以望到漢江同63大樓。如果你嘅另一半係感性嘅F型朋友仔，嚟呢度一齊過返個浪漫紀念日，或者求婚，佢哋都一定會鍾意！
2. 漢江遊艇體驗
平時去漢江可能都係踩吓單車或者去野餐，但其實大家仲可以租遊艇用另一個角度欣賞首爾，可以望到咁靚嘅夜景，絕對係一個難忘體驗！
3. Waikiki Market
坐完遊艇會唔會都想喺漢江附近試吓BBQ呢？呢度氣氛相當浪漫，之前GOT7都有去過拍MV㗎！
4. 叫外賣
平時睇韓劇成日都見到主角叫外賣，自己都想試吓？只要喺我哋網站輕鬆撳幾個掣就可以落單，送到去酒店之後仲可以邊食住外賣邊煲韓劇！
5. N首爾塔
如果問大家韓國有咩景點夠浪漫，相信好多人第一時間都係會諗到N首爾塔！唔少韓劇、電影都有嚟過取景，知名度相當高，加上朝早/夜晚去氣氛超唔同，嚟呢度絕對可以留低一個美好回憶。
希望以上小編整理嘅活動都可以幫到T型同F型嘅朋友plan行程！嚟緊我哋會再逐一分析其他人格，大家記住要mark實啦~
如果有更多想知嘅內容，都可以隨時留言或者dm話俾我哋知：）
Instagram：creatrip.hk
