2024韓國最新人氣餐廳/Cafe推介
唔想成日都係去明洞？等小編話你知最近韓國最興最潮餐廳/Cafe/商店！
Hello，大家好，我哋係由韓國人每日提供最新韓國旅行資訊嘅Creatrip。
嚟韓國玩當然要去食好西同打卡啦！不過嚟嚟去去都係去嗰幾間餐廳同Cafe，已經去到厭曬？今日小編幫大家整理咗最近韓國人同韓星們經常會去嘅餐廳同Cafe！想去返個貼地嘅旅行？大家plan行程嘅時候不妨加埋呢幾個spot落去~
不過大家可能會話，呢啲地方成日都要排長龍，旅行邊有咁多時間啊？唔洗擔心！我哋今次全新推出咗獨家嘅「Creatrip特快通行證&優惠券」，只要向店員出示憑證就可以快速入場，仲另外會有其他優惠！數量有限、售完即止，快啲把握呢次機會啦！
Creatrip特快通行證&優惠券
「Creatrip特快通行證&優惠券」詳細優惠
3rd Edition - 首爾版
| 店鋪 | 主要優惠 | 額外加碼優惠 |
| Cafe Highwaist | 優先入座 | 送1杯飲品 + 明信片 |
| Cafe Pepper | 送1杯飲品 | |
| Ginger Bear | ||
| Cafe Layered | ||
| 松雞屋 | 9折優惠 | |
| 芳荑豚家 | ||
| 夢村炒辣雞 | ||
| [NEW!] Knocker Upper | 送2杯粉紅氣泡酒 | |
| 溫6.5 | 送1份餐點 | - |
| Golden Piece | 9折優惠 | - |
※部份店鋪需消費滿指定金額方可享有額外優惠
3rd Edition - 釜山&濟州版
| 店鋪 | 主要優惠 | 額外加碼優惠 |
| Cafe Layered | 快速入座 | 送1杯飲品 |
| 熟成到 | 送1份餐點 |
※部份店鋪需消費滿指定金額方可享有額外優惠
「Creatrip特快通行證&優惠券」價錢
首爾版 | ₩5,000 （HKD 29.29） |
| 釜山&濟州版 | ₩3,000 （HKD 17.58） |
※限量發售、售完即止
「Creatrip特快通行證&優惠券」注意事項
- 請最少喺1日前完成預約，預約亦會即時成立。
- 限量發售至2024年6月25日，使用期限為2024年6月30日前。
- 僅限外國人使用。
- 預約嘅時候請選擇使用日期，由當日起計7日內可以自由使用。
- 每套特快通行證&優惠券最多只限4人使用。
- 使用期限內喺指定店鋪出示憑證，即可享上述優惠。
- 買一套就可以喺所有指定店鋪用，不過注意每間分店只可以用一次。
- 原則上可優先入場（除溫6.5），不過需要視乎當時鋪頭入面有冇枱，如果客滿就需要稍作等候。
- 如果同行人士中有未成年人士，將無法享用酒精飲品優惠。
「Creatrip特快通行證&優惠券」小Tips
- Save低呢篇blog，慢慢睇有冇地方想去
- 因為去兩間鋪頭就已經可以回本，所以如果有超過2間鋪頭想去就建議即刻入手！
韓國最新人氣餐廳推介
松雞屋（송계옥）
- 適用分店：弘大店、聖水店、蠶室店
- 優惠：優先入座 + 消費滿₩50,000即享9折優惠
講起最近突然爆紅嘅韓國餐廳，一定唔少得炭火燒雞專門店「松雞屋」！最受歡迎嘅「松雞屋什錦拼盤」，入面除咗有雞柳同鹽燒雞脾肉之外，仲有雞心、雞腎、雞軟骨同雞頸4款特別部位。叫一個拼盤就可以食到6個部位嘅肉，CP值夠曬高！
相信有睇開韓劇嘅朋友們應該都知道佢係邊個！以《Sweet Home》、《無法抗拒的他》、《氣象廳的人們》等劇集吸引超多Fans嘅宋江亦都係「松雞屋」狎鷗亭分店嘅熟客，大家記住要飲埋佢推薦嘅伯爵茶High Ball！
熟成到（숙성도）
- 活動適用分店：老衡總店、涯月店、中文店、咸德店
- 優惠：優先入座 + 消費滿₩50,000即送1款餐點（價值₩10,000以下）
如果你問小編去濟州島一定要去邊度食黑豬肉，小編可以拍曬心口推薦「熟成到」！佢喺韓國超出名，喺濟州就已經有4間分店，每間都要排好耐先食到。
「熟成到」嘅厚切黑豬肉啖啖肉、夠曬Juicy，配埋小菜同濟州特色醬料，連BTS柾國都大讚啊！憑「Creatrip特快通行證」入場仲可以免費食一款₩10,000餐點，超抵食~
Knocker Upper（노커어퍼）
- 地址：서울 용산구 한강대로46길 15-6
- 優惠：優先入座 + 消費滿₩30,000即送2杯粉紅氣泡酒
「Knocker Upper」係一間位於龍山站附近嘅Standing Bar，上年喺《Heart Signal 4》出現過之後開始變得街知巷聞！呢度裝修勁有外國感覺，而且有時候仲會有DJ或者Jazz表演，氣氛好好，而且聽講WINNER MINO係呢度嘅常客！
Instagram @knockerupper_seoul
「Knocker Upper」最大嘅特色係有好多韓式Fusion下酒菜，而且價錢亦都比附近酒吧平+實惠！如果大家坐1樓叫一支氣泡酒，仲可以叫埋酒杯塔，一次過大飽眼福同口福！
芳荑豚家（방이돈가）
- 地址：서울 송파구 오금로15길 4
- 優惠：優先入座 + 消費滿₩40,000即享9折優惠
「芳荑豚家」係蠶室最受歡迎嘅燒肉鋪之一，連TWICE MOMO、SANA同定延都去過3次咁多！呢度嘅五花肉超厚身又juicy，燒到金黃色之後食真係啖啖肉！大家記住一定要食埋呢度嘅芝士炒飯啊！而且只要有「Creatrip特快通行證&優惠券」，叫滿₩40,000就可以享有獨家9折優惠！
夢村炒辣雞（몽촌닭갈비）
- 地址：서울 송파구 석촌호수로 298
- 優惠：優先入座 + 消費滿₩40,000即享9折優惠
「夢村炒辣雞」位於首爾必去景點之一嘅石村湖水附近，係一間新開張冇耐嘅炒辣雞專門店！入面裝修勁復古，連餐牌都整到好似以前嘅報紙咁，好有特色！呢度嘅招牌Menu係「韓方炒辣雞」同「懷舊冷烏冬」，一熱一凍配住食，真係一流！
溫6.5（온6.5）
- 地址：서울 종로구 북촌로1길 28
- 優惠：消費滿₩60,000（酒類飲品費用並不計算在內）即送1款價值₩20,000以下餐點
- 備註：只接受預約（撳我瞭解詳情）
位於安國站嘅「溫6.5」係一間最近超hit嘅特色Dining Bar！6.5度係發酵泡菜嘅最佳溫度，呢間餐廳秉持住為各位客人提供最好食嘅泡菜料理嘅信念，所以就改咗呢個名。不過要注意，話明係Dining Bar，就一定唔少得要飲酒，所以呢度只會接待已經成年嘅客人！
呢度幾乎所有餐點都會運用泡菜做主要食材，例如有超特別嘅炸泡菜、芝士蘿蔔泡菜同白菜捲等等！之前GD同Nike合作搞咗個Event，當時嘅Dinner就係喺呢度食㗎啦！當日太陽、BTS RM同Jimin、LE SSERAFIM Kazuha同許允眞，仲有孫娜恩都有出席，聽講全部人都食到非常滿足！
韓國最新人氣Cafe推介
Cafe Layered（카페 레이어드）
- 活動適用分店：延南店、安國店、The Hyundai Seoul店、釜山新世界Centum City店、濟州店
- 優惠：優先入座 + 消費滿₩20,000即送1杯飲品（價值₩10,000以下）
有關注韓國潮流嘅大家都一定聽過「Cafe Layered」呢個名！因為實在太受歡迎，所以開到首爾其他地區、釜山，甚至係濟州都有分店！「Cafe Layered」最出名嘅一定係佢哋嘅Scone同甜品，影得又食得~
叫杯嘢飲，再叫個甜品嘆，就可以度過一個幸福嘅Tea Time啦！而且鋪頭裝修超啱影相打卡，仲有週邊商品賣，連IVE嘅Rei都俾佢吸引到！
2. Cafe Highwaist益善店（카페하이웨스트 익선점）
- 地址：서울 종로구 돈화문로11다길 18
- 營業時間：星期一至五 09:00 - 22:00、星期六及日 11:00 - 22:00
- 優惠：優先入座 + 消費滿₩20,000即送1杯飲品（價值₩10,000以下）、消費滿₩30,000會再另外加碼送1張Highwaist明信片
「Cafe Highwaist」係益善洞最受歡迎嘅Cafe之一，呢度嘅甜品同蛋糕都好出名，主打懷舊復古風格，超有70、80年代英國feel！每逢假期同weekend都超多人排隊，不過只要有我哋嘅特快通行證就唔洗擔心要等好耐~
Jisoo、Yuri、宋慧喬 Instagram
超多韓星都有喺「Cafe Highwaist」訂過蛋糕，同偶像食同款蛋糕話咁易！除咗可以去現場食，大家亦都可以透過我哋預訂蛋糕，過返個特別嘅紀念日！
3. Ginger Bear（진저베어）
- 地址：서울 송파구 백제고분로41길 43-7
- 營業時間：12:00 - 21:00
- 優惠：優先入座 + 消費滿₩20,000即送1杯飲品（價值₩10,000以下）
「Ginger Bear」位於蠶室松里團路，BTS SUGA、WINNER MINO、AOA 雪炫、演員宋江、李帝勳同崔顯旭等超多韓國明星都係呢度嘅熟客！歐式風格嘅裝修，再加上有露天位，令成間餐廳每一個角落都超啱影相打卡~
呢度有好多款鹹批同甜品批，無論係嚟食飯定食甜品都好啱！小編私心推薦大家食經典薯蓉Set，裏面包括一件經典牛肉批、煙肉薯蓉同gravy醬，食嘅時候將醬汁倒喺批同薯蓉上面會更加好食~ 牛肉批夠濃味，薯蓉亦都好軟滑，令人會忍唔住一啖接一啖。
4. Cafe Pepper（카페페퍼）
- 地址：서울 송파구 백제고분로45길 12
- 營業時間：11:00 - 21:00
- 優惠：優先入座 + 消費滿₩20,000即送1杯飲品（價值₩10,000以下）
「Cafe Pepper」係一間專賣Gluten-free（零麩質）甜品嘅Cafe，吸引唔少韓國人去幫襯，甚至連ITZY 彩領、少女時代 Yuri、THE BOYZ 賢在、演員李帝勳同李陣郁都係呢度嘅熟客！
呢度由傳統蛋糕到以韓式口味為靈感嘅蛋糕都有，亦都有用當造生果整嘅期間限定水果蛋糕，仲有蘋果批、Scone、蛋糕、曲奇等等，全部都睇落都好吸引！小編都想快啲再去食多次！
5. Golden Piece（골든피스）
- 地址：서울 용산구 한남대로27길 25
- 營業時間：12:00 - 18:00
- 優惠：憑券消費即享9折優惠
最近韓國掀起藥果熱潮，開始越做越多款，由一款韓式傳統甜品化身成超潮嘅小食同手信！早排G-DRAGON同NIKE聯名嘅Pop-up Store開幕嘅時候，就係咗準備「Golden Piece」嘅藥果做小禮物送俾人，連BTS、LE SSERAFIM都食過！
同一般藥果相比，「Golden Piece」嘅藥果更加多花款，而且用嘅食材都夠曬健康，啱曬買返去做手信！
雖然遊客區的確係好好行，但係如果想緊貼韓國潮流，不妨跟住韓國明星們嘅腳步，去上面介紹嘅呢啲餐廳、Cafe同鋪頭，嚟返轉真正嘅韓國之旅！如果大家有興趣，記住去之前要買定「Creatrip快速通行證&優惠券」，咁就可以輕鬆暢遊韓國啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
