廣藏市場美食 | 昌信生拌牛肉（4號店）
廣藏市場必食生牛肉+活章魚，包你食到最道地嘅韓國美食！
Hello，大家好，我哋係由韓國人每日提供最新韓國旅行資訊嘅Creatrip。
廣藏市場係其中一個韓國旅行必去景點，呢個有超過100年歷史嘅傳統市場入面除咗有賣日常生活用品，仲有賣超多款韓國特色美食，當中生牛肉同韓式煎餅最出名！今日小編帶大家嚟到「昌信生拌牛肉」4號店，一齊睇吓有咩好食啦！
廣藏市場「昌信生拌牛肉（4號店）」資訊
- 地址：서울 종로구 종로 206 2,3F
- 營業時間：星期二至日 10:00 - 21:50（逢星期一休息）
- 可預約時間：星期二至五 11:00 - 20:00（週末不設預約）
廣藏市場「昌信生拌牛肉（4號店）」推薦原因
- 「昌信生拌牛肉」位於百年傳統市場 —— 廣藏市場，歷史悠久，包你食到最道地嘅生牛肉！
- 可以同時試到生拌牛肉、生牛肉刺身、活章魚，百分百體驗韓國傳統美食。
- 4號店最出名嘅係又脆又Juicy嘅煎肉餅！
- 超近鐘路5街站，好容易就搵到。
- 透過我哋提前預約嘅話，可以去到即刻有得食！
廣藏市場「昌信生拌牛肉（4號店）」價錢
選項 | 價錢 |
|---|---|
生拌牛肉（200g）  | ₩19,000 |
生拌牛肉 + 生牛肉刺身  | ₩32,000 |
生拌牛肉+活章魚  | ₩32,000 |
煎肉餅（3塊）  | ₩10,000 |
豬肉綠豆煎餅  | ₩5,000 |
廣藏市場「昌信生拌牛肉（4號店）」退款政策
| 預約後至到訪3日前取消 | 全額退款 |
| 到訪2日前或其後取消 | 不設退款 |
廣藏市場「昌信生拌牛肉（4號店）」注意事項
- 請最少喺3日前完成預約。
- 如希望加購其他餐點，請喺現場支付所需金額。
- 預約時請確保已選擇正確日期及時間。
- 如果遲到超過10分鐘，預約將自動被取消，請準時到達。
- 如果想更改預約，或者有任何問題，請send email到help@creatrip.com查詢。
廣藏市場「昌信生拌牛肉（4號店）」預約流程
| STEP 1. | 撳我預約 |
| STEP 2. | 請填寫所有相關資訊。 |
| STEP 3. | 我哋會喺1-2個工作天內確認預約，你可以喺到訪3日前更改或取消預約。 |
| STEP 4. | 體驗當日請準時到達，向職員出示預約記錄。 |
| STEP 5. | Enjoy！ |
廣藏市場「昌信生拌牛肉（4號店）」介紹
今日小編嚟到位於廣藏市場嘅「昌信生拌牛肉」4號店！「昌信生拌牛肉」總共有4間分店，4位老闆都各有風格XD 呢度除咗生牛肉之外，仲有賣綠豆煎餅、煎肉餅等等嘅韓國傳統美食，就算唔食生嘢都一樣可以嚟~
「昌信生拌牛肉」4號店有兩個入口，一個喺廣藏市場入面，一個喺鐘路5街站8號出口附近，好容易搵。去到之後上2樓就會見到餐廳面積好大，不過枱同枱之間都幾近，如果唔鍾意同其他人坐咁埋嘅話可能會覺得有少少逼。
餐廳前後都有餐牌可以參考，不過透過Creatrip預約嘅話，一去到老闆就會幫你set好曬！
餐廳有一邊係放滿酒嘅雪櫃，無論係燒酒、啤酒、韓國米酒定傳統酒都有！而且最特別嘅係有燒酒冰沙~
如果想飲水，大家就要去最右邊嘅雪櫃自己攞。
生拌牛肉（200g）₩19,000
生拌牛肉 + 生牛肉刺身 ₩32,000
生拌牛肉+活章魚 ₩32,000
煎肉餅（3塊）₩10,000
豬肉綠豆煎餅 ₩5,000
小編當日叫咗生牛肉同煎肉餅食！韓式煎肉餅係用免治豬肉加切碎嘅洋葱整成，外面煎得好脆，而入面就好軟好juicy，加埋酸酸甜甜嘅醃洋葱就perfect啦 !
平時生牛肉調味都係甜甜鹹鹹，不過「昌信生拌牛肉」4號店嘅生牛肉落咗辣椒粉，所以會有少少辣！小編個人覺得辣辣地反而無咁漏，加埋清甜嘅梨絲仲可以解辣，所以唔太食辣嘅朋友們都唔需要擔心。
呢度嘅綠豆煎餅同煎肉餅全部都係自家製，落order之後就會即刻煎返熱，唔會話食到凍冰冰嘅煎餅！
廣藏市場「昌信生拌牛肉（4號店）」前往方法
喺鐘路5街站（종로5가역）8號出口出。
向前行大約70米，「昌信生拌牛肉」4號店會喺你嘅左手邊。
上2樓就到啦！
以上係廣藏市場「昌信生拌牛肉（4號店）」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
