logo

恩平韓屋村Cafe「一人一杯」介紹

可以同時睇到恩平韓屋村同北漢山全景!韓屋村Cafe「一人一杯」你又去過未?

HiSunday
a year ago

Hello,大家好,我哋係由韓國人每日提供最新韓國旅行資訊嘅Creatrip


相信大部份朋友嚟韓國玩都會宮殿或者韓屋村參觀韓屋,小編個人都超鍾意韓屋俾人嗰種平靜嘅感覺。所以今日小編就諗住介紹一間最近好hit嘅韓屋Cafe俾大家,除咗可以俯瞰韓屋村之外,仲可以睇到北漢山山景!一齊跟小編去返轉啦!



恩平韓屋村Cafe「一人一杯」資訊

  • 地址:서울 은평구 연서로 534
  • 營業時間:
1、2、3、6樓
10:00 - 21:00 (Last order 20:30)
4、5樓
11:00 - 20:00 (Last order 19:00)

*逢星期一休息(如果星期一係公眾假期,將會照常營業)

  • 價錢:₩5,500起



恩平韓屋村Cafe「一人一杯」介紹

韓國旅行 恩平韓屋村


恩平韓屋村位於首爾恩平區,因為距離首爾市中心比較遠,而且附近就係北漢山,所以呢度俾人感覺零舍古老同幽靜,嚟到就好似入咗韓國古裝劇入面咁~(聽講好多遊客都覺得呢度靚過北村韓屋村..!)

如果大家有機會嚟恩平韓屋村玩,咁就一定要去埋今日小編要介紹嘅Cafe——「一人一杯」啦!


韓國旅行 韓國韓屋Cafe推薦


Cafe「一人一杯」連埋天台總共有6層,入面有超多位,而且每一層都裝修得好靚。


恩平韓屋村Cafe 一人一杯


去之前大家當然要先知道每一層有啲咩啦!

  • B1/F:傢俬陳列室
  • 1/F ~ 2/F:Cafe「一人一杯」(喺counter叫完嘢飲之後職員會直接攞去你個位度)
  • 3/F:傢俬售賣處、Cafe「一人一杯」(坐3樓嘅話要喺1樓叫完嘢飲之後自己攞上去)[No Kids Zone]
  • 4/F ~ 5/F:餐廳 + Cafe「一人一杯」(飲品、甜品或者嘢食需要一set咁叫,可以直接喺嗰層落單)[No Kids Zone]
  • 天台:天空花園(要喺1樓叫完嘢飲之後自己攞上去,如果係喺4/5樓叫set,職員會幫你攞上去)[No Kids Zone]


 韓國「NO XX ZONE」現象


韓屋村Cafe 一人一杯 裝修


1樓有點餐區,另外都有幾個位可以坐,不過為咗睇景,大部分人都唔會坐呢層。叫嘢飲嘅時候職員會問你坐邊層,如果你係坐1樓或者2樓,飲品會用玻璃杯上;如果你係坐3樓或以上,飲品會用膠杯上。


恩平韓屋村Cafe 一人一杯 Menu

恩平韓屋村Cafe 一人一杯 Menu


呢度嘅嘢食同嘢飲唔算太貴,大部分都係₩5,500~₩8,000左右。呢度嘅甜品睇落都超吸引~


韓國旅行 韓國Cafe推薦


嚟到Cafe 2樓,大家可以睇到裝修非常簡約,整體都係以木調為主,同外面韓屋村嘅景色都相當和諧。小編當日大概中午時候到,都已經坐滿唔少人。


韓國旅行 首爾Cafe 首爾咖啡廳

恩平韓屋村 北漢山 Cafe


如果要坐2樓,小編推薦大家坐窗邊位,可以一邊飲嘢,一邊欣賞韓屋村同遠處北漢山嘅景色,超寫意~


韓國旅行 恩平韓屋村 北漢山 Cafe 咖啡廳


而且仲可以影到靚相添!


恩平韓屋村Cafe 一人一杯 推薦

khung cửa sổ với núi đằng sau ở hàn quốc恩平韓屋村Cafe 一人一杯 環境 裝修


嚟到Cafe 3樓,淨係睇呢度大家可能會覺得冇咩特別,但係再行入少少...


韓國傳統Cafe 韓國特色Cafe


就會見到「一人一杯」最受歡迎嘅影相位!呢層裝修比起下面兩層更加有韓屋嘅感覺,睇IG都會見到有超多韓國人喺呢層打卡影相~


韓國傳統咖啡廳 韓國特色咖啡廳

韓屋村Cafe 韓屋村咖啡廳


小編同朋友好好彩咁可以坐到窗邊位,藍天白雲加上古老嘅韓屋村同壯觀嘅北漢山,真係點影都咁好睇!


韓國打卡Cafe 韓國打卡咖啡廳 韓國旅行


嚟到Cafe就當然要試埋呢度嘅嘢飲啦!小編同朋友分別叫咗百香果梳打(Passion Fruit Ade)同五味子茶(Omija Tea)。


恩平韓屋村Cafe 一人一杯 Menu百香果梳打(Passion Fruit Ade)₩7,000


呢杯飲品顔色好靚,上面仲擺咗一朵紫色花做點綴~味道酸酸甜甜,啱曬喺恩平韓屋村玩咗一日之後需要解渴嘅朋友們!


恩平韓屋村Cafe 一人一杯 Menu五味子茶(Omija Tea)₩7,000

五味子茶係韓國傳統飲品之一,酸酸甜甜,後面亦都會有少少回甘,而且仲對健康好好,可以淨化體內毒素同消除疲勞!唔想去親Cafe都淨係飲咖啡嘅話可以叫呢款嚟飲~


韓國旅行 推薦Cafe


4樓嘅裝修更加有韓國傳統氣息,大部分嘅位都需要坐地下,大家可以直接喺呢層叫嘢食或者飲品+甜品set。


首爾旅行 推薦Cafe


呢層亦都有呢種類似包廂咁嘅4人座位,中間會用簾隔開,私隱度高!


恩平韓屋村Cafe 一人一杯 介紹

恩平韓屋村Cafe 一人一杯 詳細介紹


而呢度就係全個4樓最受歡迎嘅位啦!可以喺高處俯瞰韓屋村同睇到北漢山全景,真係超正超relax~


恩平韓屋村 一人一杯 韓國人Cafe

韓國人打卡熱點 韓屋咖啡廳


每層裝修都會有少少唔同,不過都一樣咁靚咁有feel!


韓國特色咖啡廳 韓國特色Cafe


5樓仲有戶外座位同一間獨立韓屋仔,入面大概有3張檯,都幾搶手吓。


恩平韓屋村Cafe 一人一杯 打卡位


呢個位夠曬光猛,而且景色都靚,可以話係全間Cafe最啱打卡影相嘅地方之一!


恩平韓屋村Cafe 一人一杯 天台


最後去到天台,呢度雖然風景真係好靚,但係位唔太多,而且如果冬天嚟應該會好凍,所以建議大家可以淨係上嚟影幾張相就落返去坐~

總括而言,「一人一杯」飲品價錢唔貴,景色又夠靚,氣氛都好好,係小編會想帶朋友再嚟多次嘅地方!嘆完咖啡之後仲可以去附近恩平韓屋村行吓,欣賞韓國傳統建築同氣氛~


韓國旅行 韓國特色Cafe 韓國Starbucks

韓國旅行 Seoul Bike 單車


喺恩平韓屋村大家仲可以租單車,附近仲有今年新開嘅「Starbucks THE北漢山」,踩單車嘅話10分鐘就到!


 韓國「Seoul Bike」使用指南


恩平韓屋村Cafe「一人一杯」前往方法

恩平韓屋村Cafe一人一杯前往方法


喺Hana高中·三千寺·津寬寺入口站(하나고.삼천사.진관사입구)落車,然後向車尾方向行。


恩平韓屋村Cafe一人一杯前往方法

恩平韓屋村Cafe一人一杯前往方法


喺第一個轉彎位就會見到「一人一杯」!




以上係恩平韓屋村Cafe「一人一杯」嘅介紹,有任何問題請先詳讀呢篇文章。

如果睇完之後有任何問題,或者我哋語意、標示唔清嘅話,麻煩請send email告知,以方便我哋改進 。


如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面 

 韓國代購

Mail:help@creatrip.com

熱門文章

熱門文章