Hello，大家好，我哋係由韓國人每日提供最新韓國旅行資訊嘅Creatrip。

平時大家嚟韓國旅行，都好少會去忠清道，網上亦都比較少介紹呢個地區嘅景點。今日小編就整理咗入選韓國觀光公社2023/2024韓國百大景點之中位於忠清道嘅景點，希望可以幫到大家！其他地區嘅入選景點可以喺下面嘅link入面搵到，大家記住要mark低，之後plan行程嘅時候可以參考吓~

首都圈篇    江原道篇

全羅道篇    慶尚道篇

濟州篇

2023/2024 韓國百大景點（忠清道）

1. 俗離山主題樂園單軌列車（속리산테마파크모노레일）

• 地址：충청북도 보은군 속리산면 속리산로 600
• 開放時間：

• 費用：成人 ₩7,000、小童 ₩4,000

국제뉴스

「俗離山」被列為韓國8景之一，嚟到呢度彷彿置身於世外桃源咁。而被觀光公社選定為必去景點嘅就係位於「俗離山主題樂園」入面嘅單軌列車，不過因為每個車廂可以容納人數唔多，所以建議大家可以先排隊登記好，然後一邊等一邊參觀附近景點~

2. 報恩法住寺（보은 법주사）

• 地址：충청북도 보은군 속리산면 법주사로 405
• 開放時間：06:00 ~ 18:30（冬季 06:00 ~ 17:30）

한국관광공사

「報恩法住寺」位於俗離山，喺1,500年前建立而成，壬辰倭亂時期曾經被破壞同燒毀，不過經過重建復修之後仍然保留住以前嘅樣貌。呢座寺廟亦都被指定為聯合國世界文化遺產，由超過30座建築組成，入面嘅大雄寶殿更加係全韓國3大佛像殿！

3. 忠州中央塔公園（중앙탑공원）

• 地址：충청북도 충주시 탑정안길

한국관광공사

「忠州塔坪里七層石塔」係韓國第6號國寶，係統一新羅時代當時最大嘅石塔，亦都因為佢位於韓國中心，所以亦都叫做「中央塔」。今次介紹嘅「忠州中央塔公園」就係以呢個石塔為中心嘅市民公園，入面亦都有博物館同音樂噴泉等等嘅設施，啱曬一家大細嚟玩~

4. 修德寺（수덕사）

• 地址：충청남도 예산군 덕산면 수덕사안길 79
• 開放時間：開放至日落前

한국관광공사

「修德寺」位於忠清南道德禮山，係一座對韓國佛教嚟講非常重要嘅寺院，亦都被列為韓國國寶。呢度最出名嘅係大雄殿同三層石塔，特別係大雄殿雖然經歷咗4次修建，不過仍然維持住原貌！

5. 忠州彈琴湖彩虹路（충주 탄금호 무지개길）

• 地址：충청북도 충주시 중앙탑면 중앙탑길 112-28

嚟到「忠州彈琴湖彩虹路」，大家可以同時欣賞彈琴湖嘅景色同音樂，非常浪漫！而且呢度仲曾經被選定為韓國百大夜景，所以推薦大家可以同另一半一齊嚟散步！

6. 國立世宗植物園（국립세종수목원）

• 地址：세종특별자치시 연기면 수목원로 136
• 開放時間：

*逢星期一、1月1日、年初一、中秋節當日休息

• 費用：成人 ₩5,000、青少年 ₩4,000、小童 ₩3,000

한국관광공사

「國立世宗植物園」2020年開幕，佔地大約65公頃，養殖接近3,000種、超過172萬棵植物！大家亦都可以參觀到全韓國最大嘅四季溫室、韓國傳統花園等等嘅設施。

7. 清風湖畔纜車（청풍호반케이블카）

*同時為21/22韓國百大觀光景點之一

• 地址：충청북도 제천시 청풍면 문화재길 166
• 開放時間：每日唔同，詳情請參考官網
• 費用：

「清風湖畔纜車」全長2.3公里，來回清風面勿台里同飛鳳山山頂，只需要10分鐘就可以上到山頂！因為飛鳳山位於清風湖中心，所以大家上到山頂之後可以俯瞰到超靚嘅360度湖景~

8. 滿天下Skywalk（만천하 스카이워크）

*同時為21/22韓國百大觀光景點之一

• 地址：충청북도 단양군 적성면 옷바위길 10
• 開放時間：[夏季] 09:00 ~ 18:00、[冬季] 10:00 ~ 17:00（逢星期一休息）
• 費用：成人 ₩3,000、青少年及小童 ₩2,500

「滿天下Skywalk」位於丹陽，大家可以喺80~90米上空俯瞰南漢江景色，而且因為地板係透明嘅，所以大家同時亦都可以感受到好似喺空中行路咁嘅刺激感！附近仲有高空滑索同高山滑車等等嘅設施，大家plan行程嘅時候就可以編埋同一日玩啦~

 「丹陽」一日遊行程推介

9. 公州武寧王陵及王陵園（공주 무령왕릉과 왕릉원）

*同時為21/22韓國百大觀光景點之一

• 地址：충청남도 공주시 왕릉로 37-2
• 開放時間：09:00~18:00（最後入場時間 17:30），年初一及中秋節正日休息
• 費用：

呢度總共有7個熊津時代百濟嘅王同王族嘅墳墓，雖然除咗武寧王陵，其他墳墓因為被盜墓，所以冇太多出土文物，不過呢個「宋山里古墳群」仍然能夠充分反映當時嘅文化同對外交流嘅樣貌。

 公州世界遺產一日遊

10. 公州公山城（공주 공산성）

*同時為21/22韓國百大觀光景點之一

• 地址：충청남도 공주시 웅진로 280
• 開放時間：09:00 ~ 18:00 （最後售票時間 17:30），年初一及中秋節當日休息
• 費用：成人 ₩1,200、青少年 ₩800、小童 ₩600

한국관광공사

「公山城」係其中一個被指定為聯合國世界遺產嘅韓國歷史景點，城牆總長接近3公里。大家有兩條路徑可以揀嚟行，沿途會途徑靈隱寺、挽河樓、荷花池、臨流閣等地標。而要行勻成個地方大約需時2個半鐘頭，所以鍾意散步，或者想欣賞韓國傳統建築嘅朋友們可以考慮嚟呢度參觀~

11. 官北里遺蹟及扶蘇山城（관북리유적과 부소산성）

*同時為21/22韓國百大觀光景點之一

• 地址：충청남도 부여군 부여읍 부소로 15
• 開放時間：[3~10月] 09:00 - 18:00、[11~2月] 09:00 - 17:00
• 費用：成人 ₩2,000、青少年 ₩1,100、小童 ₩1,000

한국관광공사

扶蘇山係扶餘嘅地標之一，呢度蘊含百濟歷史，有好多相關遺蹟都係位於呢度。而「扶蘇山城」係一個包圍呢座山嘅山城，斷估係由605年一直保留至今，非常有歷史價值。

12. 大田樹木園（한밭수목원）

• 地址：대전광역시 서구 둔산대로 169
• 開放時間：

*東園、熱帶植物園逢星期一，西園逢星期二關閉

• 費用：免費

「大田樹木園」位於大田市中心，係韓國最大嘅市區人工植物園，總面積有成387,000平方米！東園由19個唔同主題嘅園區組成，而熱帶植物園就係以紅樹林為主題，大家嚟到一定會玩得開心！

13. 薯童公園及宮南池（서동공원과 궁남지）

*同時為19/20、21/22韓國百大觀光景點之一

• 地址：충청남도 부여군 부여읍 궁남로 52

한국관광공사

「宮南池」係韓國第一個人工蓮花池，係百濟武王為新羅善花公主而建造嘅池塘。呢度7月會搞薯童蓮花慶典，可以見到超多蓮花！而每年10~11月亦都會搞美術展覽。

14. 丹陽江棧道（단양강 잔도）

*同時為21/22韓國百大觀光景點之一

• 地址：충청북도 단양군 단양읍 삼봉로 31

「丹陽江棧道」全長1.2公里，係一條沿住南漢江岩壁鋪墊而成嘅步行徑。大家可以喺另一個角度欣賞到南漢江嘅靚景，夜晚亮燈之後更加會有另一番魅力！附近有頭先介紹過嘅「滿天下Skywalk」，亦都有「青苔隧道」同「垂楊介史前文物展示館」等景點，大家plan行程都可以plan得方便！

15. 嶋潭三峰（도담삼봉）

• 地址：충청북도 단양군 매포읍 삼봉로 644
• 開放時間：09:00 - 18:00

한국관광공사

「嶋潭三峰」，顧名思義就係豎立喺江中嘅3個山峰，分別係中間嘅將軍峰（丈夫峰）、左邊嘅妾峰(女兒峰)，同右邊嘅妻峰(兒子峰)。附近更加有一個音樂噴泉，夜晚睇會更加靚！

 丹陽「嶋潭三峰」詳細介紹

16. 花地海水浴場（꽃지해수욕장）

*同時為21/22韓國百大觀光景點之一

• 地址：충청남도 태안군 안면읍 승언리

한국관광공사

「花地海水浴場」位於泰安郡，因為沙灘附近有好多海棠花，所以就被命名為「花地」。沙灘總長5公里，仲可以欣賞到公公岩同婆婆岩，日落嘅時候太陽會喺呢兩塊岩石之間慢慢西沉，景色就好似畫一樣咁靚，所以好多人都會選擇黃昏嘅時候嚟！

17. 大川海水浴場（대천해수욕장）

*同時為21/22韓國百大觀光景點之一

• 地址：충청남도 보령시 머드로 123

大家可能冇聽過「保寧」呢個城市，但係應該都會喺韓國節目入面睇過「保寧泥漿節」嘅片段！而「大川海水浴場」就係舉辦呢個盛事嘅場地~ 呢個海水浴場分成市民塔廣場、泥漿廣場同噴水廣場三個area，旺季嘅時候亦都會有好多活動同慶典，不過最受到訪人士歡迎嘅當然係同泥漿有關嘅活動啦！據聞呢度嘅泥漿有美容效果，所以如果夏天有機會嚟韓國玩，又想做啲特別啲嘅嘢，小編推薦大家可以嚟大川海水浴場！

18. 瑞山海美邑城（서산 해미읍성）

• 地址：충청남도 서산시 해미면 남문2로 143
• 開放時間：

• 費用：免費

「瑞山海美邑城」係韓國朝鮮時代最有代表性嘅邑城之一，佔地接近200,000平方米，更加有3座城門，規模非常大。因為朝鮮末期有好多天主教徒喺呢度犧牲，亦都有一個專門囚禁天主教徒嘅監獄，所以得到非常多關注。「海美邑城」之後經過重建復修，而家搖身一變，成為咗一個史蹟公園。

以上就係韓國觀光公社評選出嘅2023/2024韓國百大景點入面位於忠清道嘅地方，希望可以幫到大家plan行程！

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購