Hello，大家好，我哋係由韓國人每日提供最新韓國旅行資訊嘅Creatrip。

韓國全羅道又被稱為湖南（호남）地區，有濃厚嘅歷史風情，更加以美食聞名！不過相信大部分游客應該都淨係去過全州，但係其實全羅道仲有好多好玩好行嘅景點！今日小編就為大家整理咗入選韓國觀光公社2023/2024韓國百大景點之中位於全羅道嘅景點，下次想去其他地方玩就可以參考呢篇文章plan行程啦~ 其他地區嘅官方推薦景點已經擺曬喺下面啲link度，有興趣嘅朋友們記住唔好錯過！

首都圈篇    忠清道篇

江原道篇    慶尚道篇

濟州篇

2023/2024 韓國百大景點（全羅道）

1. 高敞雲谷拉姆薩爾濕地（고창 운곡람사르습지）

• 地址：전라북도 고창군 아산면 운곡서원길 362

한국관광공사

「雲谷濕地」喺2011年正式被指定為拉姆薩爾濕地，大家可以喺呢度見到瀕臨絕種同罕見嘅動植物。園區入面有4條路徑，每條大約需要行50分鐘~3個半鐘，比較長嘅路徑仲會去埋附近嘅遺跡同山峰，鍾意散步同享受大自然嘅朋友們可以考慮嚟呢度玩~

2. 全州韓屋村（전북 전주 한옥마을）

• 地址：전라북도 전주시 완산구 기린대로 99

喺「全州韓屋村」唔單止可以體驗韓服、韓餐、韓屋、紙藝等傳統文化，入面仲有慶基殿、梧木臺、全州鄉校等二十個韓國重要文化財產，係最有代表性嘅韓國旅遊勝地之一。大家嚟到仲可以租套韓服周圍影相添~

 「全州韓屋村」詳細介紹

3. 古群山群島（고군산군도）

• 地址：전라북도 군산시 옥도면

한국관광공사

「古群山群島」總共由57個小島組成，當中有10個仍然有人住緊，大家可以喺度進行釣魚觀光體驗、泥灘體驗、高空滑索體驗。

4. 仙遊島（선유도）

• 地址：전라북도 군산시 옥도면 선유남길 34-22

한국관광공사

「仙遊島」可以話係古群山群島入面最出名同最有代表性嘅島，曾經係韓國水軍本部基地同貿易中轉港口。大家如果有機會嚟玩，除咗可以徒步行去附近嘅小島參觀，亦都可以去海灘relax，鍾意活動嘅朋友們更加可以入泥潭挖貝殼，相信會係一個難忘嘅體驗！

5. 泉隱寺相生之路 & 松樹林道（천은사 상생의 길 및 소나무숲길）

• 地址：전남 구례군 광의면 노고단로 209
• 開放時間：建議日出後至日落前去

한국관광공사

「泉隱寺」被稱為智異山3大寺廟，寺廟前面有廣闊嘅湖水，後山就有一大片松樹林。2020年底「泉隱寺」開放咗一條叫做相生之路嘅步行徑，總長3.3公里，沿途可以欣賞到各種韓國傳統建築同自然風光，可以療癒身心靈之餘，更加係一個靜下心來反思自己嘅好機會。

6. 無等山國立公園（무등산국립공원）

*同時為21/22韓國百大觀光景點之一

• 地址：광주광역시 동구 동산길 29
• 開放時間：根據天氣可能會限制出入

「無等山」位於光州同潭陽、和順郡交界，每年秋天同冬天都會吸引到好多觀光客同登山客到訪。「無等山」入面除咗有各種奇岩怪石，亦都有幾間寺廟。當中最出名嘅相信係證心寺同佢嘅分寺藥師庵，大家可以欣賞到被指定為韓國國家寶物嘅佛像同石塔，加上四周圍幽靜嘅環境，真係會令人好relax~

7. 內藏山國立公園（내장산국립공원）

*同時為21/22韓國百大觀光景點之一

• 地址：전라북도 정읍시 내장호반로 328
• 開放時間：根據天氣可能會限制出入
• 費用：成人 ₩3,000、中學生 ₩1,500、小學生₩500

「內藏山」係全羅道最靚山脈之一，四季都有唔同景色，而且入面有大約760種本土植物、天然紀念物同各種野生動物。呢度嘅紅葉景色更加被譽爲朝鮮八景之一，小編強烈推薦大家秋天嘅時候一定要去返次！

8. 順天灣濕地（순천만습지）

*同時為21/22韓國百大觀光景點之一

• 地址：전라남도 순천시 순천만길 513-25
• 開放時間：08:00 ~ 日落（逢星期一關閉）
• 費用：成人 ₩8,000、青少年 ₩6,000、小童 ₩4,000

「順天灣濕地」最出名嘅一定係呢片韓國最大嘅蘆葦田，每枝蘆葦都高過人頭，喺陽光底下會呈現金色，又靚又壯觀！呢度更加係超過140種鳥類嘅過冬同棲息嘅地方，好彩嘅仲會見到稀有品種。想呼吸新鮮空氣，影返幾張人生照，就記住plan埋「順天灣濕地」落行程啦~

9. 閑麗海上國立公園 - 梧桐島（한려해상국립공원 - 오동도）

*同時為21/22韓國百大觀光景點之一

• 地址：전라남도 여수시 오동도로 222

한국관광공사

韓國人提起麗水就會諗起「梧桐島」，講起梧桐島就會聯想到呢度嘅山茶花。梧桐島係閑麗海上國立公園嘅起點，總面積超過125,000平方米，有大約200種樹木同70種野生花草， 淨係山茶花樹都已經有超過3,000棵，可想而知有幾壯觀！小編建議大家可以3月中嚟，咁就可以睇到山茶花開到最大最靚嘅景色啦！

10. 木浦海上纜車（목포 해상케이블카）

*同時為21/22韓國百大觀光景點之一

• 地址：전라남도 목포시 해양대학로 240
• 開放時間：

• 費用：

*18:00後入場優惠：一般車廂平3,000、水晶車廂平4,000。

「木浦海上纜車」全長3,234米，總共有55架纜車，大家可以同時欣賞到木浦市區同海景，推薦唔怕高嘅朋友們可以坐水晶車廂！

 「木浦」一日遊行程推介

11. 馬耳山道立公園（마이산도립공원）

*同時為21/22韓國百大觀光景點之一

• 地址：전라북도 진안군 진안읍 마이산로 130
• 費用：成人 ₩3,000、學生 ₩2,000、小童 ₩1,000

「馬耳山」四季都有唔同嘅外號，可想而知呢度春夏秋冬嘅景色都各有魅力，不過最推薦大家去嘅季節係春天！ 馬耳山道立公園入口有一條櫻花路，每年4月都會舉辦櫻花節，公園入面嘅蓄水池「塔影堤」亦都係另一個賞櫻勝地~

 全州「馬耳山」賞櫻一日遊

12. 國立亞洲文化殿堂（국립아시아문화전당）

*同時為21/22韓國百大觀光景點之一

• 地址：광주광역시 동구 문화전당로 38
• 開放時間：

*逢星期一、1月1日休息。

• 費用：根據設施而異，請參考官網

오마이뉴스

光州被稱為藝術之鄉，而「國立亞洲文化殿堂」由之前開始不斷促進亞洲古今藝術交流，乃至於未來發展。呢度有民主和平交流院、兒童文化院、文化創造院、文化資訊院、藝術劇場、創作中心同圖書館公園等等嘅設施，鍾意藝術嘅朋友們不妨可以去參觀一吓。

13. EXPO博覽會場、EXPO海洋公園（엑스포박람회장, 엑스포해양공원）

*同時為19/20、21/22韓國百大觀光景點之一

• 地址：전라남도 여수시 박람회길 1
• 開放時間：09:00~23:00（最後入場時間 22:00）
• 費用：根據設施而異，請參考官網

한국관광공사 - 여수시청

麗水「EXPO博覽會場」係麗水最有代表性嘅地標，除咗可以喺海邊公園散步，仲可以欣賞到多媒體表演「BIG O Show」，重視亦都有Sky Tower同Aqua Planet等等嘅設施，令所有訪客都可以享受到刺激好玩嘅海洋休閒活動。當然呢度亦都有完善嘅國際會議設施，好多展覽同會議都曾經喺呢度舉辦過。

14. 木浦近代歷史館1、2館（목포근대역사관 1 & 2관）

• 地址：[1館] 전라남도 목포시 영산로29번길 6、[2館] 전라남도 목포시 번화로 18
• 開放時間：09:00~18:00（最後入場時間 17:00、逢星期一及1月1日休息）
• 費用：成人 ₩2,000、青少年 ₩1,000、小學生 ₩500（可以同時參觀1、2館）

한국관광공사

「木浦近代歷史館」1館係全木浦歷史最長久嘅建築物，當時曾經被用做日本領事館，光復之後亦都曾經被用做木浦市廳，喺2014年成為而家嘅木浦近代歷史館1 館。2館就以近代西方建築風格建成，亦都係另一個見證住以前日本統治時期歷史嘅遺蹟。

15. 5·18紀念公園（5·18기념공원）

• 地址：광주광역시 서구 내방로 152

한국관광공사

唔知道大家有冇聽過韓國嘅5·18事件呢？5·18民主運動係當時由韓國人喺光州主動發起嘅抗爭，為嘅係阻止當時總統進行軍事獨裁。而「5·18紀念公園」就係紀念呢段沉痛歷史嘅地方，除咗有各種展覽、博物館、觀景台同雕像，其實呢度四周圍風景都好靚！所以嚟到唔單止可以瞭解韓國歷史，亦都可以呼吸新鮮空氣同散步放鬆。

 「5·18光州民主化運動」詳細介紹

16. 益山王宮里遺蹟（익산 왕궁리유적）

• 地址：전라북도 익산시 왕궁면 궁성로 666
• 開放時間：[展館] 09:00~18:00（逢星期一、1月1日休息）

「益山王宮里遺蹟」係最大型嘅百濟遺址，亦都係唯一一個可以完整睇到當時建築體系同構造嘅地方，更加相傳呢度曾經喺百濟王都！大家可以透過睇展覽同進行體驗活動，加深對韓國歷史嘅瞭解。

17. 國立跆拳道園（국립태권도원）

*同時為19/20韓國百大觀光景點之一

• 地址：전라북도 무주군 설천면 무설로 1482
• 開放時間：

*逢星期一、1月1日、年三十、年初一、中秋前一日及正日休息

• 費用：

「國立跆拳道園」提供約45種同跆拳道相關嘅活動，令到訪人士可以體驗跆拳道同韓國傳統文化嘅魅力。呢度更加係韓國國家代表嘅練習場地！

18. 茂朱螢火蟲樂園（무주 반디랜드）

• 地址：전라북도 무주군 설천면 무설로 1324
• 開放時間：

*逢星期一、1月1日、年初一、中秋正日休息
*其他設施開放時間請參考官網（https://tour.muju.go.kr/bandiland/index.do）

• 費用：

*其他設施費用請參考官網（https://tour.muju.go.kr/bandiland/index.do）

한국관광공사

「茂朱螢火蟲樂園」入面除咗有可以觀賞到稀有品種昆蟲同螢火蟲嘅昆蟲博物館，認識宇宙誕生歷史同太陽系等天文知識嘅天文科學館之外，仲有螢火蟲研究所、青少年野營場等等嘅設施，寓教學於娛樂，令參觀認識可以更關注環境問題，建立環保意識。

19. 竹綠苑（죽녹원）

*同時為21/22韓國百大觀光景點之一

• 地址：전라남도 담양군 담양읍 죽녹원로 119
• 開放時間：

• 費用：成人 ₩3,000、青少年 ₩1,500、小童 ₩1,000

「竹綠苑」係一片位於潭陽嘅竹林，佔地約160,000平方米，大家可以沿住散步徑行，呼吸新鮮空氣，親親大自然。園區入面亦都有展望台、生態展示館、人工瀑布、蓮花池等等，好多韓國人都會喺想暫時放低煩惱，遠離城市嘅時候嚟。

20. 麗水海上纜車（여수 해상케이블카）

• 地址：전라남도 여수시 돌산읍 돌산로 3600-1
• 開放時間：09:30 ~ 21:30（最後售票時間 21:00）
• 費用：

중앙일보

「麗水海上纜車」連接住突山島同紫山，有普通車廂同水晶車廂可以揀，沿途可以睇到麗水城市同海景！另外如果持有海上纜車車飛，仲可以用優惠價買「Fantasy New World美術館」嘅入場券，一舉兩得！

21. 突山島（돌산도）

• 地址：전라남도 여수시 돌산읍

한국관광공사

「突山島」係韓國第7大島嶼，島上有突山公園、 全羅南道水產綜合館、海水浴場等名勝古蹟。而因為近年越嚟越多人嚟呢度觀光，所以餐廳、民宿等等嘅設施都非常齊全。呢度更加有一條環繞住成個突山島嘅海岸道路，兜一圈大概需要1~2個鐘，大家可以搭住車欣賞海景同民居景色！

22. 蟾津江火車村（섬전강기차마을）

*同時為19/20韓國百大觀光景點之一

• 地址：전라남도 곡성군 오곡면 기차마을로 232
• 開放時間：09:00 ~ 20:00
• 費用：

한국관광공사

「蟾津江火車村」位於舊谷城站，由1999年開始逐漸發展成為谷城人氣旅游景點。大家嚟到可以體驗踩鐵路單車，慢慢欣賞蟾津江同大自然嘅景色。呢度另外亦都有亦都有草坪廣場、水車、波斯菊步行徑等等嘅景點，推薦大家春天嘅時候嚟玩返轉！

23. 楊林歷史文化村（양림역사문화마을）

*同時為19/20韓國百大觀光景點之一

• 地址：광주광역시 남구 서서평길 7

想瞭解光州近代歷史同文化，就一定要嚟到楊林洞！呢度係光州最早接受西方文化嘅地方，所以可以同時見到歐洲風建築同傳統韓屋。呢度亦都有以音樂家為名嘅「鄭律成街」、有可愛壁畫同藝術展覽嘅「企鵝村」同其他同近代文化相關嘅博物館，如果大家有機會去光州玩，不妨可以嚟參觀一吓~

 BTS J-hope 「光州」打卡點整理

以上就係韓國觀光公社評選出嘅2023/2024韓國百大景點入面位於全羅道嘅地方，大家有機會嚟韓國旅行嘅話可以考慮去埋呢啲景點！

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購