蠶室美食 | ISAAC TOAST
開到去香港嘅韓國國民小食ISAAC TOAST！用優惠價嘆返個靚早餐/Tea啦！
Hello，大家好，我哋係由韓國人每日提供最新韓國旅行資訊嘅Creatrip。
韓國有好多街頭小食，而相信香港人最鍾意食嘅其中一樣一定係ISAAC TOAST！ISAAC TOAST係全韓國有超過800間分店，基本上可以話去到邊都有~ 今日小編會帶大家去蠶室新川店，呢間分店位於樂天世界同石村湖，嚟呢度食飽充好電就可以去玩盡佢啦！Download埋下面張Coupon仲可以得到₩1,000優惠，大家千祈唔好錯過！
蠶室「ISAAC TOAST」資訊
- 地址：서울특별시 송파구 올림픽로 130
- 營業時間：平日 08:00 - 22:00、週末 09:00 - 21:00
蠶室「ISAAC TOAST」推薦理由
- ISAAC TOAST全韓國都有分店，非常受忙碌嘅打工仔同學生歡迎。
- ISAAC TOAST好早就開，所以大家可以喺開始一日行程之前嘆返個靚早餐！
- 有好多款口味任君選擇，梗有一款你會鍾意。
- 蠶室新川店職員好親切，而且仲可以用自助點餐機叫嘢食！
蠶室「ISAAC TOAST」價錢
Menu | 價錢 |
Pizza多士三文治 | ₩4,300 |
邪惡芝士煙肉薯餅多士三文治 | ₩4,700 |
煙燻韓式漢堡扒多士三文治 | ₩4,000 |
蜂蜜香蒜火腿芝士多士三文治 | ₩3,400 |
愛文芒果果汁 | ₩3,200 |
士多啤梨果汁 | ₩3,200 |
蠶室「ISAAC TOAST」注意事項
- 叫嘢食嘅時候出示優惠券，即可享₩1,000優惠。
- 此優惠券只適用於ISAAC TOAST蠶室新川店。
- 唔需要事先預約。
- 使用優惠券時需要喺櫃台點餐。
- 如果用coupon嘅時候有任何疑問，可以send email到help@creatrip.com查詢。
蠶室「ISAAC TOAST」介紹
「ISAAC TOAST」1995年創立第一間分店，本來只係一間本地小店，而家發展成全韓國最出名嘅多士三文治，佢認第二都冇人敢認第一。除咗口味夠多，最令人回味無窮嘅係佢哋獨家研發嘅醬汁，淨係得呢度先食到！
今日小編就帶大家嚟到距離蠶室新川站只需要一分鐘路程嘅「ISAAC TOAST蠶室新川店」！呢度附近有好多觀光景點，大家可以食完之後即刻去玩~
「ISAAC TOAST蠶室新川店」雖然唔大，不過都有幾張檯可以坐，亦都有好多人會選擇外賣攞走。行到入去大家會見到一部自助點餐機，大家亦都可以喺隔離櫃檯點餐同攞嘢食。
揀好食咩就可以點餐啦！因為呢度地理位置方便，所以「ISAAC TOAST蠶室新川店」每日都有好多人嚟幫襯，小編上次平日下晝3點去都仲有好多人等緊攞嘢食。因為朝早或者午餐時間有可能要排隊，所以小編建議大家要預鬆少少時間去！
呢幾款就係小編叫嘅多士三文治同飲品，包括有「Pizza多士三文治」、「邪惡芝士煙肉薯餅多士三文治」「愛文芒果果汁」同「士多啤梨果汁」，全部都係老闆推薦嘅Menu，聽講全部都係遊客鍾意食嘅口味！
Pizza多士三文治 ₩4,300
材料：雞蛋、粟米、芝士（Mozzarella/Cheddar）、厚切火腿、醃青瓜
入面有好多Mozzarella芝士，一咬落去就即刻可以拉到絲~ 麵包烘到表面好脆，加埋入面嘅番茄醬，食落真係幾似食緊Pizza！
邪惡芝士煙肉薯餅多士三文治 ₩4,700材料：雞蛋、粟米、Mozzarella芝士、煙肉、薯餅
香濃芝士加上煙肉同炸薯餅，真係勁邪惡，食量細少少嘅朋友應該食一個都可以抵到一餐！
士多啤梨果汁 ₩3,200
用韓國本地士多啤梨製成，酸酸甜甜，覺得多士三文治太膩嘅時候飲返啖，真係好正！
愛文芒果果汁 ₩3,200
佢唔似坊間賣嘅其他芒果汁咁人工，非常清甜，相信大家都會鍾意！
「ISAAC TOAST 蠶室新川店」前往方法
喺2號線蠶室新川站（잠실새내역）3號出口行出嚟。
轉向右後方就會見到「ISAAC TOAST 蠶室新川店」喺你面前！
點先可以享有蠶室「ISAAC TOAST」 優惠？
現場消費Click下面網址下載Creatrip專屬優惠券，出示俾店員睇即可享有獨家優惠。
以上係蠶室「ISAAC TOAST」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
