Hello，大家好，我哋係由韓國人每日提供最新韓國旅行資訊嘅Creatrip。
化妝雖然可以令人望落靚啲精神啲，但係每日都要提早起身化妝，返到屋企仲要卸妝，其實都幾煩吓... 所以無論係男仔定女仔，好多韓國人都會選擇去做韓式半永久化妝，紋好眉毛、眼線，甚至係嘴唇之後，就唔洗日日都嘥咁多時間！不過話曬係半永久，當然要揀返間有信心保證嘅美容中心啦~
新沙洞「L Créer半永久化妝」介紹
相信無論係大學生定打工仔，都一定遇過朝早趕時間，但又唔可以唔化妝嘅狀況，呢個時候韓式半永久化妝就啱曬啦！江南「L Créer半永久化妝」使用天然Henna紋身方法，效果自然得嚟令人望落更加年輕有活力。而且無論係眉毛、髮際線、眼線定嘴唇都可以進行半永久化妝療程，真係好方便！
鋪頭整體俾人一種乾淨溫暖嘅感覺，因為呢度同時亦都係一間美容諮詢中心，所以會有幾張化妝檯！
眉型其實都好影響一個人俾其他人嘅感覺，如果想透過改變眉型去改變自己嘅形象，或者唔滿意自己本身眉型嘅話，小編推薦大家嚟江南「L Créer半永久化妝」，專業人士會幫你度身訂造一個最啱你嘅眉型，令你睇落更有精神。
而且成個過程大約只需要1個鐘至個半鐘時間，好快就搞掂~
而且無論你以前有冇曾經做過紋眉都可以預約江南「L Créer半永久化妝」嘅服務！如果本身有做過，療程師會幫你遮蓋返之前留低嘅紅印同甩得唔自然嘅部分。順帶一提，呢度嘅半永久化妝同其他地方唔同，隨著時間過去只會慢慢變淡，而唔會甩到一笪笪。如果本身冇做過，療程師會根據你嘅形象同臉型去勾畫返最啱你嘅眉型，相信大家都一定會滿意。
有髮際線困擾嘅朋友們亦都可以嚟填補返條髮際線，修飾返個臉型。
相信有化過妝嘅朋友們都知道畫眼線需要時間同技巧，但係有時候急起上嚟真係好容易畫得唔好。所以如果叫小編揀，小編會覺得呢款半永久眼線最實用！以後化妝都唔需要再自己慢慢畫眼線，就算唔化眼妝對眼都會睇落好精靈，非常方便！
同樣地，就算你以前有紋過眼線都可以預約江南「L Créer半永久化妝」嘅服務！療程師會幫你揀最啱你嘅眼線顏色同形狀，遮蓋返以前嘅痕跡。
有時候出門口之前搽完唇膏，食個飯飲杯嘢就會甩曬，成日都要補，都真係幾麻煩。江南「L Créer半永久化妝」提供嘅紋唇服務除咗可以令你睇落更有血色，唔洗成日補妝之外，仲可以令你嘅嘴唇更豐滿，唇線更明確！
以上係新沙洞「L Créer半永久化妝」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
