logo
CloseIcon

景福宮「大瓦房」醬油蟹介紹

首爾首屈一指醬油蟹餐廳「大瓦房」!搬遷+加價之後質素仲一唔一樣?

Yeong
17 days ago

Hello,大家好,我哋係由韓國人每日提供最新韓國旅行資訊嘅Creatrip


講起首爾最出名嘅醬油蟹餐廳,一定唔少得位於景福宮北村嘅「大瓦房」。不過呢間鋪頭最近搬咗,價錢亦都貴咗唔少,今日就等小編帶大家去睇吓到底味道有冇變,仲值唔值得嚟啦!

 2024首爾必食醬油蟹餐廳總整理


大瓦房(큰기와집)

  • 地址:서울 종로구 북촌로 22 
  • 營業時間:星期二至日 11:30 - 21:00(Break Time 15:00 - 17:00、Last Order 20:00)
  • 小Tips:地鐵3號線安國站(안국역)2號出口直行

大瓦房 前往方法

景福宮 大瓦房


「大瓦房」距離安國站2號出口非常近,外觀同招牌非常搶眼,離遠就會見到。

不過大家要注意,因為「大瓦房」有Break Time,所以通常晚市開始之前就會有人喺門口排隊,通常排到入口位都仲可以第一批入到去,但如果已經排到上行人路,咁就有可能要等多一段時間先入到去坐啦。


安國站 大瓦房 醬油蟹

韓國旅行 醬油蟹


小編當時係平日晚市時段去嘅,好早就已經排曬長龍。


大瓦房 韓國醬油蟹推薦


等位嘅時候可以參考門口前面嘅menu,睇吓想食咩。


韓國旅行 景福宮餐廳推薦 大瓦房

韓國美食 醬油蟹 餐廳推薦


鋪頭空間唔大,加埋入面啲房,總共應該淨係可以容納到10組客人。而且呢度樓底比較低,同搬遷之前嘅韓屋風格好唔同。


大瓦房 醬油蟹 辣味醬蟹

간장게장
醬油蟹
₩53,000
양념게장
辣味醬蟹
₩38,000
게장비빔밥
醬油蟹拌飯
₩36,000
인삼갈비찜
人參燉排骨
₩33,000
소금게장
鹽醬蟹
₩80,000


餐牌全部都係中英日韓對照,完全唔需要擔心睇唔明!除了招牌嘅醬油蟹,仲有辣味醬蟹同鹽醬蟹可以揀,如果同行朋友唔鍾意食生嘢,都仲有人參燉排骨等等嘅menu可以叫。


呢度嘅嘢食都真係唔平,不過都一場嚟到,小編最後決定叫最出名嘅醬油蟹試吓。


韓國旅行 美食推薦 醬油蟹

韓國醬油蟹 餐廳 大瓦房


叫完嘢食之後,店員好快手咁送上一壺熱茶、餐具同超多小菜。店員好熟手咁將啲小菜擺成一個圈,留返中間個位擺醬油蟹。大家記住唔好亂郁啲碗碟,如果唔係老闆娘就會行埋嚟㗎啦  


景福宮 醬油蟹

大瓦房 推薦


過咗一陣之後,小編叫嘅「醬油蟹」同「人參燉排骨」就嚟咗啦!呢度仲會送一個大醬湯,辣辣地非常開胃。


大瓦房 人參燉排骨

人參燉排骨(인삼갈비찜)₩33,000

喺「大瓦房」食飯,每個人都要叫一份嘢食,而因為同小編一齊去嘅朋友唔太鍾意食醬油蟹,所以就另外叫咗個人參燉排骨,一上枱就聞到勁香!


大瓦房 menu

景福宮 大瓦房 餐牌


排骨肉燉到骨肉分離,睇落好似好正咁,但味道其實並冇想像中咁好食。味道同普通燉排骨差唔多,都係鹹鹹甜甜,只係多咗少少人參嘅香味,而啲肉亦都冇睇落咁軟熟,有幾嚿仲有啲難咬添... 小編朋友話有少少後悔,早知叫其他嘢食。


大瓦房 醬油蟹

醬油蟹(간장게장)₩53,000

不過「大瓦房」嘅招牌係醬油蟹,一齊嚟睇吓好唔好食啦!

一份醬油蟹只有一隻,不過有勁多金黃色嘅蟹膏,加埋用藥材釀製嘅醬油,聞落都幾香。


韓國旅行 美食推介


小編首先用筷子將蟹膏推出嚟,放喺紫菜上面,再加一啖飯...味道真係驚為天人,可以話係小編人生中食過最好食嘅醬油蟹!

小編喺韓國都算食過唔少醬油蟹,好多食落都好似,通常都會用好濃嘅醬汁去隱藏腥味。但呢度嘅醬油唔太鹹,可以食到蟹肉同蟹膏本身嘅鮮甜味,亦都完全唔腥。


韓國旅行 特色美食 餐廳推薦 大瓦房


連小編嘅朋友都話覺得呢度嘅醬油蟹冇澀味,比起佢以前食過嘅好食好多。


韓國推介醬油蟹餐廳

韓國旅行 首爾 大瓦房


呢度嘅醬油蟹蟹肉都非常飽滿,食落好似啫喱咁,而且非常鮮甜。如果覺得唔夠味,大家可以配埋醬油一齊食,味道會更加豐富。


韓國旅行 首爾醬油蟹


大家都知道食醬油蟹一定唔少得將啲飯擺落蟹蓋撈蟹膏食!上面圈住嗰啲位有好多收收埋埋嘅蟹膏,大家記住一定要用匙羹或者筷子撩出嚟,一啖都唔好曬。撩曬出嚟之後,將白飯放落去撈勻,一啖食落肚,可以話係人生一大享受。


大瓦房

韓國醬油蟹 大瓦房


喺韓國,醬油蟹又被稱為「白飯小偷」,喺「大瓦房」食完之後小編終於明白點解啦!小編都差啲忍唔住叫多幾隻蟹同幾碗白飯食,真係非常唔錯!

整體嚟講,雖然呢度價錢偏貴,但係醬油蟹味道比小編想像中好食好多!不過小編建議大家唔好叫唔係蟹類嘅menu,所以如果大家冇海鮮敏感,又對醬油蟹有興趣嘅話,就一定要嚟「大瓦房」啦!



Book唔到大瓦房仲有邊幾間選擇?






如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

熱門文章