仁川美食 | QUIZAS餐廳
喺仁川松島QUIZAS餐廳，啖住西餐、食雞啤，欣賞夕陽同夜景超浪漫！
Hello，大家好，我哋係由韓國人每日提供最新韓國旅行資訊嘅Creatrip。
今日想同大家介紹仁川一間可以邊望到海景，一邊食到美食嘅QUIZAS餐廳，呢度每日朝早都會去入貨準備新鮮食材，如果係黃昏嘅時候去，望住呢度嘅景色飲番杯酒，真係一大享受！
仁川美食「QUIZAS餐廳」資訊
- 地址：인천 연수구 컨벤시아대로391번길 20 2F
- 營業時間：11:00 - 22:00（平日Break Time 15:00 - 16:30）
仁川美食「QUIZAS餐廳」推薦理由
- QUIZAS餐廳距離仁川機場只係30分鐘車程，呢度出名各式意粉、牛扒、沙律等西餐，同時仲有提供韓國國民美食炸雞同啤酒。
- 餐廳係離西海岸最近嘅地方，坐喺度欣賞夕陽西落美景，超治癒！
- 呢度提供當日進貨新鮮食材，客人食得健康又放心，夕陽嘅時候客人會比較多，建議可以預先訂位。
仁川美食「QUIZAS餐廳」優惠
- 下載優惠券，埋單嘅時候即享95折優惠。
- 唔需要預約。
- 如果用coupon嘅時候，有任何疑問都可以send email到help@creatrip.com。
- 週末唔接受訂位。
仁川美食「QUIZAS餐廳」注意事項
- 如果唔食得辛辣食物，可請工作人員調整辣度。
- 蟹肉牡蠣義大利麵再加價₩7,000，可換成通心義大利麵。
- 若吃純素食的顧客，可先告知並調整沙拉中的食材。
仁川美食「QUIZAS餐廳」菜單
西冷牛扒 채끝 스테이크 | ₩36,900 |
蟹肉蠔意粉 게살 오이스터 파스타 | ₩18,900 |
原味炸雞 후라이드치킨 | ₩17,900 |
柯布沙律 콤샐러드 | ₩18,900 |
QUIZAS彩色啤酒 키사스 맥주 샘플러 | ₩18,000 |
*如果唔食得辣嘅朋友，可以請職員調整辣度。
*蟹肉蠔意粉加₩7,000，可以換成麵包蟹肉蠔意粉。
*如果係素食者，可以提前同職員講，沙律會轉其他食材。
仁川美食「QUIZAS餐廳」介紹
QUIZAS位於仁川松島松燦公園Caisson 24裡面，呢度係一個複合式藝文空間，一樓係CAISSON 24咖啡廳，二樓係嚟緊要介紹嘅餐廳，裡面空間超大。
裡面有好多特色擺設，唔少客人嚟食飯嘅同時都會欣賞埋裝修，加上會播當時流行嘅歌，令人好似去咗歐美某個酒吧咁。
呢度有一個超大落地玻璃窗，大家食飯嘅同時仲可以望到遼闊大海，想影靚相嘅朋友，建議可以事先預約QUIZAS餐廳靠近窗嘅位，因為如果係日落時間去，可以影到夕陽西下美景（週末冇得預約）。
呢度可以直接用tab落單，有哂相同價錢，提供各種西餐，例如牛扒，意粉、燉飯、Pizza，如果有需要調整辣度，或有咩唔食都可以同職員講。
食材係每日朝早新鮮運到，客人可以食得健康又放心，加上呢度咁有氣氛，真係令人印象特別深刻。
柯布沙律（콤샐러드）₩18,900
柯布沙拉係種以戈貢佐拉芝士、粟米、雞蛋、墨西哥胡椒同洋蔥等9種配料製成嘅沙律，如果當中有嘢唔食，可以落單嘅時候同職員講。
麵包蟹肉蠔意粉（빠네 게살 오이스터 파스타）₩25,900
蟹肉蠔意粉係由蝦、蟹肉等海鮮，配微辣忌廉組合而成，味道唔會太辣，但如果唔食得太辣嘅朋友，可以喺落單嘅時候用tab揀唔揀，或者同職員講聲。
原味炸雞（후라이드치킨）₩17,900
雞啤應該係好多人嚟韓國都會食嘅嘢，呢度嘅雞皮薄多汁好酥脆，可以點其他醬一齊食，超好味！
QUIZAS彩色啤酒（키사스 맥주 샘플러）₩18,000
QUIZAS彩色啤酒係將四種啤酒放喺木托盤上面，由左至右分別係酵母小麥啤酒、苦澀而濃郁嘅印度淡色艾爾啤酒、口感純淨冇苦澀味嘅巴伐利亞，以及口感溫略甜深色拉格啤酒。
小編去嘅時候咁啱日轉夜，景色超靚！加上呢度嘅美食，真係令人覺得超舒服！
花園節&仁川歌會
喺QUIZAS餐廳所在嘅建築「Caisson 24」，除咗有美食同美景，不時仲會有戶外舉行音樂會或慶典，滿足所有客人視覺、味覺同聽覺。
位於松島嘅Caisson 24複合空間，好適合讓大家由晏畫留到夜晚，可以感受夕陽美好同夜景。
仁川「QUIZAS餐廳」前往方法
喺知識情報團地站（지식정보단지역）4號出口出嚟。
過4號出口前面嘅馬路，見到A Twosome Place繼續直行。
行大約30米會見到一個巴士站。
搭6-1號巴士（約13至15分鐘一班車）。
喺仁川大學工程學院站（인천대학교공과대학）落車（車程約5分鐘）。
落車之後跟住巴士方向繼續直行。
行大約6至7分鐘後，過馬路轉右。
繼續行大約3分鐘。
松樹後面就係CAISSON 24， 2樓就係QUIZAS餐廳。
點先可以享有仁川「QUIZAS餐廳」95折優惠？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係仁川美食「QUIZAS餐廳」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
