《二十五，二十一》拍攝地
南柱赫、金泰梨主演《二十五，二十一》大結局！劇中22個經典場景拍攝地整理
Hello，大家好，我哋係由韓國人話你知每日最新資訊嘅Creatrip。
《二十五，二十一》由第一集播出到而家，一直都成為熱話，南柱赫同金泰梨嘅演技，唔少人都話佢哋揀啱劇本，創造咗人生角色。當中小編整理好劇中22個經典場景拍攝地，大家可以先save底，等到解封再嚟打卡！
《二十五，二十一》拍攝地
1. 錦山閣樓院（금산다락원）
- 地址：충남 금산군 금산읍 금산로 1559
《二十五，二十一》第1集，金敏彩參加芭蕾舞比賽後嚟棄權，呢個地方係位於忠南錦山郡嘅「錦山閣樓院」，呢度作為大型展演廳，主要負責當地藝文展覽同比賽場地。
2. 光化門（광화문）
- 地址：서울 종로구 세종로 1-68
講到首爾抗議主要地點，一定係光化門廣場，無論係而家定以前，一直都係咁，當時大家又有冇留意到世宗大王以及李舜臣嘅銅像呢？
3. 羅希度屋企（전주 한옥마을）
- 地址：전북 전주시 완산구 오목대길 5-19
羅希度屋企實際拍攝景點係喺全州韓屋村，呢棟建築原本係Guest House，不過而家已經冇再做落去，之後打算去全州韓屋村打卡嘅朋友，又會唔會想去搵呢間屋呢？
4. 租書店（소리방앗간）
- 地址：전북 전주시 완산구 서학3길 63
白易辰返工嘅租書店距離全州韓屋村好近，原本係一間「聲音磨坊（소리방앗간）」文創小店，如果大家鍾意懷舊感，之後都可以順便去打埋卡！
5. 雜貨店（아연슈퍼）
- 地址：전북 전주시 완산구 남고산성1길 13
《二十五，二十一》中成日會出現嘅雜貨店，本身都係喺全州韓屋村附近，但好可惜嘅係呢間只係劇組為咁拍攝而搭出嚟嘅景，唔係真正嘅鋪頭，目前已經拆咗，只淨返鋪頭外型以及戶外嘅長板櫈。
6. 高宥琳家的大象小食店（효자분식）
- 地址：서울 종로구 필운대로 108-2
如果啱啱介紹嘅景點覺得有啲遠，咁高宥琳屋企開嘅大象小食店就近好多，實際位置係喺景福宮附近，原名係「孝子小食」，想簡單食串魚糕同年糕，之後都可以去試吓。
7. 太梁高中（논산여자 상업고등학교）
- 地址：충남 논산시 시민로 197
《二十五，二十一》校園景點之一「太梁高中」，實際上係喺「論山女子商業高等學校」拍攝。雖然入去影相打可能會有啲難，但喺學校門口打打個卡係冇問題，去嘅時候記得唔好太嘈，打擾到上緊堂嘅學生啊！
8. 轉水龍頭校園場景（전주제일고등학교）
- 地址：전북 전주시 완산구 관선5길 15
希度同易辰轉開水龍頭打打鬧鬧，約好兩人要一齊幸福嘅場景，係喺全州市嘅「全州第一高等學校」拍攝，呢度距離希度屋企好近。
9. 二人三足場景（인천개항길）
- 地址：인천 중국 중앙동2가 23
希度對鞋爛咗，正當以為易辰要孭佢返屋企，點知變成二人三足，相當搞笑。 當時佢哋係喺中國城附近嘅「仁川開港街」，富有濃厚開化時期氣氛，之後去仁川，會唔會順便去埋打卡呢？
10. 巴士站牌（팔달산）
- 地址：경기 수원시 팔달구 팔달로3가 103-21
劇入面成日會出現嘅巴士站牌，實際上位於京畿道水原市八達山山腰處，呢度可以眺望水原市區風景，之前韓劇《那年，我們的夏天》都有去取景，大家又有冇印象呢？
11. 同教練聚餐嘅餐廳（마포진짜원조최대포 본점）
- 地址：서울 마포구 마포대로 112-4
《二十五，二十一》第5集，希度成功獲選成為國家代表，之後同教練去食飯，當時佢哋去嘅係孔德站隔離嘅「麻浦真的元祖最大砲」，主要係食燒肉。
12. 紅色燈塔（신남항 등대）
- 地址：강원 삼척시 원덕읍 갈남리 303-30
原本小編以為呢個可能係韓劇《海岸村恰恰恰》，之前出現過嘅中紅色燈塔，但再睇清楚啲先知，原來係江原道三陟市嘅「新南港燈塔」。
13. 易辰同媽媽散步嘅海邊（하조대 해수욕장）
- 地址：강원 양양군 현북면 하광정리 378-11
易辰同媽媽喺海邊散步，當時佢哋係喺江原道襄陽郡嘅「河趙臺海水浴場」，藍天白雲配上廣闊海邊，絕對係夏天熱門必去景點之一。
14. 希度拎返自己把劍嘅車站（건천역）
- 地址：경북 경주시 건천읍 천포리 304-1
《二十五，二十一》第6集，希度要比賽之前，發現上一場對決嘅日本選手拎錯自己把劍，之後好急急腳追返對方。劇中嘅永川站，實際拍攝地係慶州嘅廢站「乾川站」。因為目前冇再營運，改以文化空間留存。
15. 希度迷路嘅小巷（애경슈퍼）
- 地址：경북 경주시 새골길 13
因為被懷疑金牌資格，希度嬲到離開會場，一個人散心，但因為手機留低咗喺藥局，甚至仲蕩失路。當時仲影到一間「愛敬超市」，距離慶州市區只係30分鐘左右車程。
16. 網友相見（마로니에공원）
- 地址：서울 종로구 대학로 104
希度同宥琳兩個現實生活中大家都睇唔順眼對方，但喺網上面就超friend，佢哋約好要見面嘅景點，就係大家熟悉嘅惠化大學路「馬羅尼矣公園」。
17. 易辰表白橋（춘천대교）
- 地址：강원도 춘천시 근화동 539-5
當易辰向希度表白，咁令人心動嘅場景就係「春川大橋」，由春川站行出嚟之後，一路延伸至下中島（하중도），揸車去又得行去又得。
18. 畢業旅行海邊（삼포해수욕장）
- 地址：강원 고성군 죽왕면 삼포리 1-12
為咗滿足從未參加過畢業旅行嘅希度同宥琳，易辰帶咗佢哋去他浦項玩，度過美好回憶。五人坐喺海邊凝望大海，成件事好青春！
19. 喺海邊食燒肉（가이택 펜션）
- 地址：강원 강릉시 사천면 해안로 722
呢個拍攝場景係江陵「Guytack民宿」，小木屋風格，只係諗吓都覺得好青春同浪漫。
20. 希度同易辰喺海邊打鬧（망상 제2오토캠핑장）
- 地址：강원 동해시 망상동 393-20
只係一轉畢業旅行，劇組就去咗唔同海邊拍攝，真係相當用心！呢。
21. 隧道（한벽터널）
- 地址：전북 전주시 완산구 기린대로 2
呢個拍攝景點係位於全州韓屋村「寒碧隧道」，實際上呢條隧道係冇燈，為咗更有氣氛，啲燈係劇組自己加上去。
22. 易辰請食飯嘅餐廳（퍼핀 레스토랑）
- 地址：경기 평택시 신장로82번길 60
白易辰成為正式記者，請希度食飯號高級餐廳，係位於平澤市嘅「Puffin Restaurant」，精緻復古感，呢度主要提供義式料理，價錢比戲中更平易近人。
以上係小編整理好嘅《二十五，二十一》拍攝地，希望可以幫到大家啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
