春川咖啡廳｜Carpe
想遠雜市區欣賞湖景，喺春川搵一間Cafe休息吓，小編推薦大家去「Carpe」！
Hello，大家好，我哋係由韓國人每日提供最新韓國旅行資訊嘅Creatrip。
今日想同大家介紹一間Cafe，佢係位於春川衣岩湖前面，叫做「Carpe」，佢有一大片草地，同有好多張唔同顏色嘅豆袋梳化俾大家坐，同時仲配合埋呢度音響，大家可以舒舒服服咁休息。
春川「Carpe」資訊
- 地址：강원도 춘천시 서면 박사로 740
- 營業時間：10:00 - 21:30
春川「Carpe」推薦理由
- Carpe係一間望湖景嘅Cafe，可以邊嘆咖啡，邊睇湖景。
- 呢度有一大片草地，同埋有唔同顏色嘅豆袋梳化 ，配合呢度嘅高質音響，喺度休息就最好不過。
- 呢度3層樓高，每一層都唔同主題，大把位等住大家揀去坐。
- 呢度可以一次過泊80架車，如果係揸車去都可以放心。
春川「Carpe」優惠
- 埋單嘅時候向職員出示優惠券，即可享飲品九折優惠。
- 唔需要預約。
- 如果用coupon嘅時候，有任何疑問都可以send email到help@creatrip.com。
春川「Carpe」注意事項
- 戶外豆袋梳化唔可以隨意郁。
- 原則上每人要叫一杯飲品。
- 禁止攜帶外來食品，同時唔可以帶動物。
春川「Carpe」前往方法
地址：강원도 춘천시 서면 박사로 740
小Tips：因為喺 西面博士村上面，交通會有啲唔方便，建議大家可以搭的士去會比較好。
1. 由春川辣炒雞排街（춘천 닭갈비 골목）出發：：的士價錢大約係₩10,000， 坐15分鐘左右。
2. 由春川站1號出口（춘천역 1번 출구）出發：的士價錢大約係₩10,500， 坐15分鐘左右。
春川「Carpe」介紹
大家只要認住呢個紅色蝴蝶結，佢就係CAFE CARPE，好多人都會企喺前面影返幅相。
呢度總共分咗3層，一樓係音樂廳、二樓係櫃檯同Cafe，三樓係露台。
呢度原則上每人都要叫一杯飲品，只要落完單之後先可以去入去花園。
呢度嘅燈配埋長檯真係好靚，如果小編屋企第時都可以咁裝修就好啦！
Cafe內部唔同角落都見到好多電單車，睇嚟老闆應該都幾鍾意，二樓整體俾人一種好高級嘅感覺。
呢度係一樓嘅音樂廳，間唔中都會有個人公演喺呢度舉行，原本係一個秘密空間，唔會對外開放，不過老闆都好好人俾小編影一影相。
由音樂廳行到去草地會見到呢個咁靚嘅風景， 似唔似係一個黑暗洞穴望出去呢？
只要過咗呢對門就係草地， 而呢對門亦象徵住曾經係博物館嘅標誌。
呢度大家會見到每一張豆袋梳化都會有一塊黑布冚住，因為好多人坐，為咗衛生一定需要。
呢個草地真係超大，有700平方米，比大家想像中大好多。
遠望仲可以望到而家起緊嘅LEGO LAND，聽講出年就會開幕，同時係全亞洲最大！
可以喺湖水前面影相，係唔係諗落都好正呢？
三樓就係露台，不過可能因為小朋友上到去會危險，所以有寫到「No Kids Zone」。
如果話二樓係高級嘅感覺，咁三樓就係一種可愛同俾人舒服嘅感覺。
三樓唔算多人，所以相對可以安安靜靜咁有自己嘅空間。
大家見唔見到樹上仲掛咗幾隻假嘅草蜢呢？ 如果小編唔講大家又會唔會嚇親呢？
而家就等小編逐一為大家介紹呢度飲品同甜品啦！
手製西柚梳打（수제 자몽에이드）₩8,500
呢度嘅西柚醬係Cafe自製，每一啖都會食到果肉，如果已經飲厭咖啡嘅朋友，可以試吓飲佢，好清爽！
凍維也納咖啡（아이스 아인슈페너） ₩8,500
呢杯維也納咖啡最特別嘅就係佢上面會有寫字，如果大家要求咖啡師畫公仔，佢都會盡量畫到最似俾大家，不過當日小編只係要咗佢最基本，上面只係寫咗「Carpe」字，佢比起其他咖啡上面嘅Cream更加厚，所以飲到最後都可以一直飲到。
樹莓撻（라즈베리타르트） ₩6,500
最後一個就係樹莓撻，撻外皮一啲都唔硬，而且樹莓食落酸酸甜甜，超好味！上面仲撒咗糖粉，影相打卡一流！
另外佢哋仲有南瓜撻、彩虹蛋糕、牛角包窩夫等都係超有人氣，如果大家之後去，都可以去試吓！
之後大家去春川，除咗可以睇到湖景之外，呢度每一層都有唔同魅力，係一個好有吸引力嘅地方。
春川「Carpe」菜單
| 飲品（以下係熱飲，凍飲要加₩500） | 價格 |
| 美式咖啡（아메리카노） | ₩6,000 |
| 鮮奶咖啡（카페라떼） | ₩6,500 |
| 維也納咖啡 （아인슈페너） | ₩8,000 |
| 綠茶鮮奶（녹차라떼） | ₩7,000 |
| 手製西柚梳打（수제 자몽에이드）（只得凍飲） | ₩8,500 |
| 士多啤梨乳酪沙冰（스트로베리 요거트 스무디）（只得凍飲） | ₩8,000 |
| 甜品 | 價格 |
| Red Velvet蛋糕（레드벨벳 케이크） | ₩6,500 |
| 樹莓撻（라즈베리타르트） | ₩6,500 |
| 彩虹蛋糕（레인보우 케이크） | ₩7,500 |
| 牛角包窩夫（카르페 와플） | ₩12,000 |
※ 去到現場會更多款式，可以參考上圖嘅Menu 。
點先可以享有春川Carpe優惠呢？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係春川咖啡廳：Carpe嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
