Hello，大家好，我哋係由韓國人每日提供最新韓國旅行資訊嘅Creatrip。

想食到最傳統又高質嘅美食，去傳統當地市場就一定冇錯！今日小編想帶大家去一轉仁川附近嘅「新浦國際市場」，保證大家嚟到絕對唔會後悔！

仁川「新浦國際市場」介紹

인천 신포국제시장

• 地址：인천 중구 신포동 6-6

位於地鐵新浦站（신포역）嘅「新浦國際市場」係韓國超出名市場之一，即使唔係住喺仁川嘅韓國人，都一定有聽過佢嘅大名！

「新浦國際市場」由日據時代就開始有攤位聚集，目前市場內有140多個攤位進駐，當中最出名嘅美食除咗有炸雞粒之外，仲有綠茶糖餅、山東餃子、魚糕等小食，只要大家諗到嘅，呢度幾乎都有，跟住落嚟小編都會同大家逐一介紹。

「新浦國際市場」嘅後面一條街，全部都係賣運動品牌、年輕人服飾，大家喺市場食完之後，想消化下，都可以嚟呢度Shopping！

新浦國際市場美食推薦

1. 元祖新浦辣雞丁（원조 신포닭강정）

• 地址：인천 중구 우현로49번길 3
• 營業時間：10:30 - 21:30（外賣10:30 - 21:00）、逢星期一休息

如果問到「新浦國際市場」一定要食咩？一定係非「元祖新浦辣雞丁」莫屬！佢已經開咗兩間鋪，但依然都係大排長龍！不過大家又唔需要擔心會等好耐，因為大家都食得快等一陣就好快有位！

辣雞丁中份（닭강정 중）₩14,000

呢度嘅Menu好簡單，只係得原味同辣味，原味就係冇醃過，如果揀辣嘅話就會喺雞粒上面淋上酸酸甜甜嘅醬汁，再灑上少少花生粒，炸雞冇因為淋咗汁邊軟，反而仲係好酥脆，果然36年嚟都係屹立不倒！另外佢哋仲會提供白蘿蔔同沙律俾大家去解膩，之後如果去新蒲國際市場一定要試吓！

2. 流星小食（유성분식）

• 地址：인천 중구 우현로49번길 6
• 營業時間：09:00 - 21:30

喺「元祖新浦辣雞丁」附近仲有一間人氣餐廳叫做「流星小食」，佢哋主要賣嘅係血腸、炸物、餃子、辣炒年糕等。

血腸、辣炒年糕、炸物套餐（셋트메뉴）₩6,000

雖然冇平時食嘅年糕咁煙靭，不過每一啖都好紮實，而且一個set仲可以食到三款傳統小食，算係幾抵！

3. 山東餃子（산동만두）

• 地址：인천 중구 우현로49번길 33
• 營業時間：08:30 - 22:00펼쳐보기

因為國際市場嘅關係，呢度亦都有好多外來美食，就好似呢一間「山東餃子」賣咗40年嘅中式餐店，佢哋有賣中國式麵包、餃子，以及最出名嘅空心包（공갈빵），甚至因為太有人氣，老闆仲限制一人只可以買兩個。

空心包（공갈빵）₩2,000

呢個就係佢哋最有人氣嘅空心包！同名一樣，裡面係空心，不過喺外層就一層糖霜，又脆又甜，好適合當小食嚟食。老闆娘仲有講到如果同雪糕一齊食會更加好味！不過因為一次出爐有限，出爐之後要等放涼7分鐘，所以小編大約等咗30分鐘左右。

4. 新浦友利餃子（신포우리만두）

• 地址：인천 중구 제물량로166번길 29
• 營業時間：10:00 - 21:00

「新浦友利餃子」雖然喺全韓國都有分店，但總店位係喺新浦市場入面，即使唔係Lunch time去都依然超多客人喺入面，或者係外賣拎走。

綜合餃子（모듬만두）₩6,000

佢哋最出名嘅就係「綜合餃子」同筋麵 （쫄면），綜合餃子裡面有豬肉、泡菜、蝦各兩款，皮薄餡多，超香！如果鍾意食韓國傳統餃子嘅朋友，一定唔可以錯過！

5. 酒釀蒸糕（술빵）

新浦國際市場真係超多美食，呢個好似蛋糕咁嘅酒釀蒸糕，因為健康又好食，唔少韓國人都會專程嚟買。

6. 綠茶糖餅（녹차호떡）