Hello，大家好，我哋係由韓國人每日提供最新韓國旅行資訊嘅Creatrip。
之後嚟韓國會去新沙洞嘅朋友，小編今日想同大家介紹一間CP值都幾高嘅酒店俾大家，如果有興趣就要繼續睇落去啦！
新沙洞「首爾前廳酒店」介紹
- 韓文名：호텔안테룸서울
- 地址：서울 강남구 도산대로 153
- 小Tips：新沙站8號出口行大約8分鐘
新沙洞唔單止多韓國人鍾意去，就連外國人嚟旅行都會去，附近有好多特色Cafe同餐廳，加上呢間酒店離地鐵站唔算遠，要去都好方便。
到酒店之後要先落B1辦理入住手續，因為1樓係餐廳。
落到去之後會發現呢度有好多藝術品，好似去咗一個畫展咁。
同時呢度仲有一啲酒店產品，例如番梘同衣服除臭噴霧等。
辦理好手續之後，就會收到房匙同一張單張，係講大約幾點要check out，酒店Cafe同餐廳營業時間同一啲注意事項等。呢度冇早餐，亦冇提供牙刷，如果有需要，牙刷只係需要￦1,000。
走廊睇落都算乾淨。
呢度每間房價錢都會唔一樣，大約係￦100,000～￦880,000，小編當時係平日入住雙人房，做緊特價優惠，一晚只係需要￦90,000。雖然望落間房唔算好大，但設備齊全，氣氛都好溫馨。
房入面除咗有雪櫃，仲有水壺、風筒、茶包同拖鞋等，一啲需要用到嘅用品呢度都有提供。
如果大家有大貴重物品，都可以將佢哋擺入床底嘅保險箱，床頭就係叉電位，張床瞓落好舒服。
房望出去就係首爾市景。
廁所方面馬桶同浴室係隔開，毛巾亦都有準備好。
比較特別嘅係洗面盤係喺出面。
上到頂樓會發現呢度有間叫做 TELLERS 9.5嘅Cafe，唔少韓國人都鍾意嚟呢度。
呢度有一個角落係擺滿書，喺度靜靜地坐低睇吓書休息一陣。（提提大家：唔可以邊睇書邊飲咖啡）
如果覺得室內唔係自己風格，可以坐室外，喺高層欣賞首爾市景。
雖然係一間Cafe，但只要一到夜晚就有賣Cocktail，完全就係另一個feel！如果係住客仲可以享有9折優惠！
朝早同夜晚兩個feel，唔同景色都好好影！
首爾夜景真係好靚！
如果坐室外怕凍，呢度有提供毛毯，好貼心。
anteroom seoul
B1有美術展示空間，有好多令人驚艷嘅獨特作品，去之前可以睇吓官網展覽幾點開始開。
整體嚟講，小編覺得呢度設備都算齊全，無論係同朋友、屋企人定係另一半嚟到都好適合。
新沙洞「首爾前廳酒店」前往方法
由新沙站8號出口出嚟。
出嚟之後直行。
之後過馬路。
再行前少少就會見到Uniqlo同警局。
之後一直行會見到左邊就係首爾前廳酒店。
如果大家都搵緊一間CP值高嘅酒店，不妨可以考慮吓呢間。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
