測試睇吓你有幾了解韓國？
你有幾了解韓國？可唔可以成為韓國旅遊達人？即撳入嚟做個小測試啦！
Hello，大家好，我哋係由韓國人每日提供最新韓國旅行資訊嘅Creatrip。
平時只要一放假就鍾意飛嚟韓國嘅你，對韓國係咪又真係好了解？只要花幾分鐘答以下20個問題，就可以知道你係咪一位韓國旅遊達人！
問題（全部都係一分）：
1. 韓文嘅問候語？（有好多個答案，只講其中一個就OK！）
2. 韓國首都係邊度？
3. 首爾最大河流叫咩名？
4. 韓國貨幣單位係？
5. 用白菜發酵同辛辣調味製成嘅韓國代表菜叫咩名？
6. 代表韓國嘅武術叫咩名？
7. 講出韓國兩間代表性企業。
8. 韓文嘅「파이팅」係點解呢？
9. 代表韓國傳統服飾叫咩名？
10. 作為韓國最大島嶼，好多遊客都會去嘅地方係？
11. 首爾之後第二個大城市係？
12. 韓國國旗有邊幾隻色？
13. 韓國大約人口有幾多？
14. 韓國電壓係幾多？
15. 韓國最多人姓咩？
16. 2019年上映嘅韓國電影，邊一部獲得奧斯卡最佳影片獎呢？
17. 韓文日係幾月幾號？
18. 韓國最高嘅高樓大廈係？
19. 南韓最高嘅山係？
20. 舉辦2018年冬季奧運會嘅城市叫咩名？
正確答案：
20個問題係唔係都答哂呢？而家就一齊對答案，睇吓自己啱幾多啦！
1. 안녕하세요（你好）、 안녕（你好 — 同齡或者細過自己先會用 ）、반갑습니다（好高興認識你）、반가워（好高興認識你 — 同齡或者細過自己先會用）、잘 지냈어?（過得幾好嗎？）、 밥 먹었어? 、（食咗飯未啊？）、오랜만이야（好耐冇見）等。（只要講中一個就有分）
2. 首爾（서울）
3. 漢江（한강）
4. Won（想知每日最新匯率係幾多，可以撳我）
5. 泡菜 / 辛奇 （김치）
7. Samsung、LG、SK、現代、KIA等 （想知更多韓國文化請撳我）
8. 「화이팅」= 加油（最近牛津英語詞典都有新增呢個單字）
10. 濟州島（제주도）
11. 釜山（부산） （想知釜山更多消息可以撳我）
12. 韓國國旗「太極旗」 由白色、黑色、紅色，同藍色組成。
13. 大約50,000,000人， 以2021年標準嚟講係有51,821,669人。
15. 姓金（김씨）
16. 上流寄生族（기생충）
17. 10月9號（10월9일）
18. 樂天世界塔555m，總共有123層。（롯데월드 타워 ）
19. 1937米漢拏山。（한라산）
20. 平昌（평창）
分數結果
大家有冇計自己啱咗幾多題呢？一齊睇吓會唔會成為韓國達人啦！
0 - 5分：你知道韓國基礎知識！
如果你拎到0-5分，即係你啱啱先要開始了解韓國呢個地方，韓文有一句諺語係講「시작이 절반이다」，即係開始已經係成功嘅一半，就等於你玩呢個test，雖然一開始會好難，但只要試過就已經係成功嘅人半！之後都好有可能成為旅遊達人㗎！
6 - 10分：你對韓國都有一定程度嘅了解！
如果你分數係喺6-10之間，咁即係你對韓國都有一定程度嘅了解，平時都有留意韓國一啲大少事，以你目前所認知，只要再識多啲，好快可以成為旅遊達人！
11 - 15分： 已經係韓國知識達人！
如果你分數係喺11 - 15分之間，即係你已經係一位韓國知識達人！係唔單止好了解韓國文化，韓國生活方式、傳統、地理瞭如指掌。 為咗可以無時無刻都可以了解韓國新知識，會睇唔同關於韓國嘅相關文章、韓劇、電影等。你係一個對韓國充滿熱情嘅人，有關韓國嘅事你都會想知。
16 - 20分：你完全係韓國人！
如果你拎16-20分，睇嚟你真係好關心韓國每一件大小事，冇嘢係瞞到你，完完全全係一位韓國人！就算喺韓國生活都唔會有問題，要你解釋韓國嘅每一件事，你都可以好完美講解。
唔知大家又鍾唔鍾意玩呢一類嘅小測試呢？下次會再帶嚟更多好玩嘅小測試，希望大家會玩得開心啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
