logo

韓星男友look

參考韓星各個男友look,幫自己男友大變身啦!

Jihyun Lee
a year ago

Hello,大家好,我哋係由韓國人每日提供最新韓國旅行資訊嘅Creatrip


大家應該都聽過「男友look」呢個term? 「男友look」係指想自己男朋友(或者未來嘅男朋友)嘅衣著風格。今日同小編一齊睇吓有邊幾位韓星嘅打扮好有「男友look」感覺啦!

 


Dandy風:NCT 在玹

韓星男友look


最適合Dandy look嘅韓星係NCT在玹。Dandy look指係有格調、偏幹練、簡潔嘅風格。 因為有種經典端莊嘅感覺,所以女仔都會覺得唔錯。


NCT在玹 穿搭 打扮 男友look


在玹嘅Dandy風主要係著修身嘅直筒棉質長褲或休閒褲。 上身主要冇花紋,偏沉穩顏色嘅衫,比如搭配恤衫或休閒西裝。 冬天仲可以搭配大褸! 呢種打扮好適合溫柔形象嘅在玹。 如果男朋友喺紀念日咁著嘅話應該好加分!



休閒風:ASTRO 文彬

ASTRO 文彬 休閒風


超啱休閒風嘅男idol就係ASTRO 文彬。 休閒風同Dandy風啱啱相反,唔多講究格調,平時輕輕鬆鬆咁著嘅風格。


ASTRO 文彬 穿搭 打扮


同台上超華麗嘅服裝唔同,文彬平時鍾意呢種休閒裝。 簡單嘅短Tee、連帽或冇帽嘅衛衣,再搭牛仔褲、棉質褲就搞掂!文彬出名身材比例好,唔知係咪因為咁,簡簡單單咁著已經好好睇。 呢個風格係男友日常look之中最好!



街頭風:Stray Kids 鉉辰

Stray Kids 鉉辰 街頭風


下一個想介紹嘅男友look就係Stray Kids鉉辰嘅街頭裝。 街頭裝係以Hip-hop、滑板等街頭文化為基礎嘅風格,突顯自由、個性,喺韓國街頭裝可以話係同Hip-hop畫上等號。


Stray Kids 鉉辰 穿搭


街頭裝嘅特點係,over-size嘅上衣搭配闊腿褲、慢跑褲。 另外,飾物都好重要,例如帽。 鉉辰就經常搭漁夫帽、冷帽,俾人一種隨性又有魅力嘅感覺。 如果去弘大呢啲熱門拍拖勝地,男朋友咁著嘅話應該會好型。



Amekaji風:TREASURE ASAHI 

Amekaj風 TREASURE ASAHI


Amekaji風係美國休閒日常風嘅工作服(workwear),加上日本復古時尚而成嘅風格。 呢種風格而家喺韓國超流行,最能消化呢個style嘅韓星就係TREASURE嘅ASAHI。


TREASURE ASAHI打扮


Amekaj風講求輕便,所以版型都偏寬鬆。 另外因為受日本復古風嘅影響,顏色都唔太Sharp,通常都係米色、深藍色、卡其色系列。 不過搭配上嚟都唔容易,所以襯得好好睇嘅可以話係時尚達人! 如果男朋友有一日可以完美消化呢個style嘅話,應該會型到對眼離唔開佢!



簡約風:BTS JiminJimin 簡約風


「簡約風」顧名思義就係追求極度簡約嘅時尚。版型、設計上一啲都唔誇張,最能消化呢種簡約風嘅韓星之一就係BTS嘅Jimin。


bts jimin 穿搭


睇吓Jimin嘅打扮,上、下身都係著啱自己身型嘅版型,唔會over-size,亦唔會過於貼身。 顏色方面主要搭配白色、黑色、深藍色。 Simple is the best !



運動風:EXO 伯賢

EXO 伯賢 穿搭


運動風係將顯得自然健康嘅休閒運動裝,好似日常穿著咁打扮。 EXO嘅伯賢喺幾年前開始,私底下就會著呢種風格嘅衫!


EXO伯賢運動


伯賢平時成日都著運動裝,好有幹練感,上下襯成一套,再加埋一對有型嘅運動鞋,又有陽光感,又可愛,好啱伯賢嘅形象! 同男朋友去漢江拍拖嘅時候,男朋友打扮成呢種運動風嘅話應該會好吸引。


韓國 男友look 穿搭 韓國時尚 韓國服飾


以上就係韓星示範嘅各種男友look,各有特色,型又得,可愛又得! 大家最想男朋友著邊個look? 歡迎留言分享!




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

熱門文章