logo

韓國羽協投訴中國選手

中國羽球女雙組合喺奧運會賽場上疑連環爆粗...韓國羽協已向世界羽聯作出投訴

Yeong
3 years ago

Hello,大家好,我哋係由韓國人每日提供最新韓國旅行資訊嘅Creatrip


喺7月27號,2020東京奧運舉行羽球女子雙打小組賽D組第3場比賽嘅時候,中國選手陳清晨、賈一凡對韓國選手金昭映、孔熙容,因為第一局由韓國勝出,由第二局開始,陳清晨無論拎唔拎到分都好,就不斷講出類似中文發音「我操」、「操」等粗口,引起爭議。


中國選手(美聯社)

雖然當時冇人聽得明,比賽照常繼續,但係睇緊直播,或者識聽中文嘅人都覺得,陳清晨所講嘅係粗口。消息好快傳到韓國同其他國家,網上亦都不斷出現中國選手「無禮行為」等評論,但部分中國網民就認為選手嘅行為係「宣傳美麗嘅中文」(?),同時話韓國選手喺比賽嘅時候都有大叫,中國只係作出反擊。


中國網民大力駁斥外媒報導陳清晨所謂嘅「粗口」爭議,表示選手只係講緊「Watch Out」,而唔係粗口,或者認為呢個只係助語詞,無傷大雅。影片喺微博上轉發次數超過10萬,大部分中國網民嘅留言都係加油助威。


當事人陳清晨選手後嚟亦喺個人微博表示,自己只係對自己喺贏波嘅時候作氣勢鼓勵,冇諗到因為發音唔好而令到大家誤會,之後會調整自己嘅發音。但到目前為止,陳清晨選手仍未明確講解比賽當時發言嘅含意。



同一個場面再度出現喺四天後嘅四強賽事,中國選手陳清晨、賈一凡再度對上韓國選手金昭映同孔熙容,陳清晨選手喺比賽中一直講「操」單詞,韓國網民認為「係想借啲意鬧韓國」。


比賽難免係會有得分或者有失手嘅時候,喺適當時候大聲叫一聲係一種情緒嘅抒發,但如果係帶有攻擊性嘅字眼,咁就真係唔係咁好,更何況呢一個係全世界都注目緊嘅大型國際賽事呢?


中國選手(美聯社)

雖然最後,金昭映同孔熙容選手仍然可以勇奪2020東京奧運女子羽球雙打銅牌,中國選手陳清晨同賈一凡不敵印尼羽球女雙組合,奪得銀牌,但韓國羽球協會喺賽事結束後進行申訴,向受國際奧委會(IOC)承認嘅世界羽球聯盟(BWF)抗議,主張中國女雙組合惡意辱罵。


雖然國際奧運會冇對賽事中出現辱罵行為作出限制,但世界羽聯喺綱領中明確規定,選手無論用何種語言,都禁止以觀眾、評審聽得到嘅程度,喺場上講有污辱性、淫穢嘅詞語。


陳清晨嘅發言透過轉播公開到全世界,如果經判定係粗口嘅話,雖然未致於有除去銀牌嘅結果,但恐怕會面臨世界羽球聯盟內嘅處罰。




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

熱門文章