logo

韓國人兒時玩意

以前科技未有咁發達,韓國人童年鍾意玩咩呢?《魷魚遊戲》中嘅打紙板、打彈珠係點玩?

Jihyun Lee
3 years ago

Hello,大家好,我哋係由韓國人每日提供最新韓國旅行資訊嘅Creatrip


每個人都有一段屬於自己嘅童年,當時科技仲未算係好發達,大家都係玩玩具多,不過大家又知唔知以前韓國小朋友都鍾意玩咩遊戲呢?就等小編而家話俾你哋知啦!



韓國人兒時玩意

1. 打紙板(딱지치기)

Netflix《魷魚遊戲》Netflix《魷魚遊戲》


最近Netflix播緊嘅《魷魚遊戲》中第一個出現嘅遊戲就係要打紙板。


韓國人兒時玩意유튜브 채널 대한민국종이접기 선생님

打紙板係朝鮮王朝流傳落嚟嘅傳統韓國遊戲,相信大家如果平時有睇開綜藝《Running Man》應該都唔陌生,佢哋成日都會玩呢隻game去對戰,紙板主要係通過兩張五顏六色彩紙不斷對折,所以睇落會有啲厚。


童年回億논산시청

佢嘅玩法係要將一張紙板放喺地下,之後用力掟自己嘅紙板,務求令將對方嘅紙板反轉,只要反轉或者超出地板上嘅線,都可以拎到對方嘅紙板,邊個越多邊個就係大贏家。


韓國人兒時記憶 童玩

Netflix《魷魚遊戲》


韓國 香港 童年回億베이비뉴스

喺2000年初,呢種打紙板真係相當受歡迎,當時唔少小朋友會俾心機製作成當時流行動漫同遊戲中嘅人物,相當之靚,因為佢哋怕整得唔好,就冇其他朋友會一齊玩。



2. 轉陀螺(팽이 놀이)

童年回億연합뉴스

以前科技未算太發達,所以未有電子嘅爆旋陀螺,韓國小朋友以前玩嘅陀螺係用木製整成一個尖頭小玩具,好多時都會喺冬天玩冰上陀螺,當陀螺一直轉,就要不斷用一支繩去敲佢,等佢keep住可以轉,轉得最耐就係嬴。


兒時來源:대학내일


後嚟出現咗一個叫做纏線陀螺(줄팽이)嘅玩具,陀螺上綁住一條繩,然後將陀螺揼出去,靠繩帶動陀螺旋轉動力維持轉動。呢種陀螺尖端嵌入鋒利鐵芯,所以唔單只冬天,一年四季都可以玩到。


爆旋陀螺


2000年初韓日合作動畫《爆旋陀螺》,就係以陀螺競賽為故事背景,相信唔少90後都有印象,當時應該唔少男仔都人手一個。


BTS 爆旋陀螺


「三、二、一,開始!」 一邊跟住動畫口號嗌,一邊用力拉陀螺,只要陀螺轉得比對手耐,或者將對方陀螺撞出戰鬥盤就為之贏。


至今仍然都有唔少人都仲玩,就好似BTS喺《奔跑吧防彈》第96集入面,就有一齊玩「爆旋陀螺 」嘅畫場面。



3. 拋石仔遊戲(공기놀이)

拋石仔遊戲


拋石仔游戲係一個好耐好耐好耐之前嘅遊戲,要拎出五粒石仔之後反手捉實,其實同我哋細個以前玩嘅擲豆袋差唔多。


擲豆袋


聽講每個地區玩嘅游戲規則都唔一樣,不過主要都係分五個階段。首先將五個全部放喺地板,先將一粒石仔向上拋,然後再一次拎起剩底4粒石仔,然後再拋出一粒,需要喺落地之前捉到。第二階段係拋兩粒、第三階段係拋三粒,如此類推。


擲豆袋


喺第五個階段,需要拋哂五粒石,將佢哋放喺手背上後之後拋再接住佢哋。捉得越多就係大嬴家!



4. 打紙塔(학종이 따기)

摺紙鶴

大家見到呢啲顏色紙係唔係以為用嚟摺紙鶴呢?


摺紙鶴


韓國人比起摺紙鶴,佢哋更鍾意將啲紙疊成塔狀,用拍手方式將紙翻過去,雖然係好簡單,但係幾好玩!



5. 無窮花開了(무궁화 꽃이 피었습니다)

韓國 一二三木頭人 遊戲Netflix《魷魚遊戲》


呢個就好似係我哋平時玩開嘅「紅綠燈,過馬路,要小心」,不過韓國就會叫「無窮花開了」 ,只要做鬼嘅人一叫停,大家就唔准郁,郁咗就會輸。


韓國 遊戲 懷舊Netflix《魷魚遊戲》

紅綠燈,過馬路,要小心


重複幾次之後,如果有人掂到做鬼嘅人,就要快啲跑返去起跑線,如果捉到其他人就會由其他人做新嘅鬼。除咗無窮花之外,口號亦可以用其他花嚟代替,例如叫:「向日葵開花!」亦都得。



6. 土地掠奪(땅 따먹기)

跳飛機세이브더칠드런

土地掠奪係喺地板上畫八個正方形,之後喺每一個正方形寫數字1至8,類似我哋平時玩開嘅跳飛機。 喺開始跳之前要拋一粒石頭喺其中一個格,之後要避開,然後依照規定用一隻腳或兩隻腳跳過去,到而家仲有唔少小朋友都玩緊。



7. 打彈珠(구슬치기)

打彈珠


呢啲彈珠有唔同顏色,主要喺文具鋪就可以買到,佢嘅玩法係將對手粒彈珠放喺地下,之後由遠處將粒珠彈走,非常之簡單。 因為呢啲珠好有色澤,就算唔太玩彈珠嘅朋友,細個都有買佢哋嚟收藏。


韓國 懷舊 遊戲Netflix《魷魚遊戲》



8. 跳橡筋(고무줄 놀이)

跳橡筋한국민족문화대백과사전

相信呢個遊戲大家都唔會陌生?喺香港以前應該都有唔少人玩過,玩法同香港一樣,如果一直跳得啱,橡筋亦會越拉越高。



9. 翻花繩(실 뜨기)

翻花繩

翻花繩主要係兩個人玩,玩法有時比想像中仲要難,一個人要先將花繩掛喺手,之後另一個人要去解,步驟錯咗嘅話繩會易會鬆或者會打結,咁遊戲就會結束!小編細個都有同同學上堂偷偷地練  



10. 魷魚遊戲(오징어 게임)

傳統記憶 韓國 遊戲Netflix《魷魚遊戲》

其實呢個遊戲喺好耐之前就已經有。喺形狀好似魷魚嘅線條入面,進攻方由腳部出發,一開始只可以用單腳行,去到魷魚中間先可以用雙腳,而喺圖案內嘅守方可以用雙腳行,但如果被拖出圖案之外,就等於輸。


而喺過咗中間之後,進攻方要由腳部攻向頭部圓圈圖案處,如果係成功抵達,就代表贏咗「魷魚遊戲」。


遊戲 韓國 傳統Netflix《魷魚遊戲》

如果想知道更清楚玩法,可以直接睇《魷魚遊戲》了解更多。


翻花繩


其實韓國同香港都玩嘅遊戲好多都差唔多,大家又有冇諗返起啲童年回億呢?歡迎留言話俾我哋知。




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

熱門文章