Hello，大家好 ，我哋係由韓國人每日提供最新韓國旅行資訊嘅Creatrip。

眨吓眼又到5月啦！時間真係過得相當之快，今次小編再次為大家介紹5月便利店新商品，唔知之後大家睇到之後會唔會想買嚟試呢？

  4月便利店新商品

韓國5月便利店人氣新商品

GS25便利店

1. 栗米蛋糕

價格：￦3,500

只睇包裝唔大家會唔會覺得有啲熟口面呢？原本呢款粟米包裝嘅係韓國一個好耐歷史嘅雪糕品牌，不過佢今次竟然推出咗蛋糕！唔少人都覺得好神奇同吸引，小編見到都忍唔住買嚟試吓！

佢主要係分咗三層，忌廉-蛋糕-忌廉，為咗冇咁單調上面仲加咗少少朱古力醬，原本都怕會唔會唔好食，點先食咗一啖，口感好神奇，甜甜鹹鹹咁，用羹大大啖咁食仲好味！

2. 忌廉妖怪烏冬

價格：￦3,200

唔知大家之前有冇聽過呢個牌子呢？連孔劉都認證過！妖怪拉麵本身就好出名，今次推出烏冬，所以令人更加期待！

  妖怪拉麵代購

只要打開個碗就會見到呢4款材料，包括有烏冬、沙律醬、 調味粉同埋忌廉牛奶。

首先大家要將烏冬擺返入個碗到，之後倒忌廉牛奶，再擺入微波爐叮3分半鐘，之後再根據個人口味加入其他調味料。

加埋唔使5分鐘就大功告成啦！只需要有微波爐就可以輕鬆做到，好啱忙緊又想食得飽肚嘅時候食，而且味道係鹹鹹地又辣辣地，幾好味。

3. Hollys Coffee 薄荷朱古力

價格：￦2,500

成日喺韓劇都會見到嘅Hollys Coffe今次同GS25聯名，佢哋今次推出呢款薄荷朱古力，一打開會聞到好香嘅薄荷味，不過飲嘅時候就只係得朱古力，如果大家本身係薄荷朱古力派，如果買嚟試可能會覺得有啲失望  

CU便利店

1. 蛋白糖霜餅乾

價格：￦2,200

唔知大家知唔知呢隻公仔呢？佢係最近韓國Netflix好紅嘅一個卡通人物，佢哋今次同CU聯名推出咗一系列嘅食品，當中小編就揀咗呢款蛋白糖餅乾，甜甜地幾好食。

一盒大約有10粒左右，好啱口痕嘅時候拎嚟食。 

如果大家之後嚟韓國經過CU，真係好推薦大家買嚟試吓！

2. 樂天鯊魚梳打

價格：￦1,200 （冰要另外買）

呢個樂天品牌鯊魚包裝大家覺唔覺得喺邊度見過呢？佢係已經有40年歷史嘅一個雪條品牌，今次佢出咗梳打飲品。

呢款雪條係唔少韓國人嘅童年回億，佢同雪條味道係一模一樣（橙味+士多啤梨味），一樣都係好好飲。

3. milkT益生菌（蘋果味）

價格：￦1,000

呢款飲品係同咗韓國教育出版社「天才教科書」一齊聯名，雖然味道就一般，不過由出版社出飲品真係第一次，聽落都覺得好神奇。

7-11便利店

1. 人氣歌謠三文治第二彈

價格：￦2,300

唔知大家仲記唔記得喺幾年前，一度爆紅嘅人氣歌謠三文治呢？（想當年真係唔係咁易買到），而家佢推出第二彈，聽講係比之前好味，小編亦都買咗嚟試。

麵包中間夾住蛋沙律、金槍魚同士多啤梨，相當之豐富，以前食嘅時候會覺得金槍魚有啲腥，不過呢個新版本完全冇，甜甜鹹鹹好好味，大家之嚟都一定要買嚟試吓！

2. 菠菜大醬湯

價格：￦1,500

7-11其實有出過唔少呢類簡單盒裝湯，之前小編都試過幾款唔同口味，全部都幾好飲，今次見到佢出菠菜大醬湯都忍唔住辰買嚟試吓。 

對於韓國人嚟講食飯嘅時候唔可以冇湯飲，所以喺好多便利店都會搵到呢種盒裝湯，大家只要加熱水就飲得，倒到喺條線就可以，不過咁樣就有啲淡，如果鍾意重口味少少嘅話，可以再倒少啲水。

3. Pepero 香濃粟米脆筒口味

價格：￦1,500

喺韓國超出名嘅꼬깔콘今次同Pepero聯名，完全係冇得輸！

打開包裝就已經聞到好香嘅粟米味，食嘅時候好脆，如果大家本身都係Pepero，呢次推出嘅呢款一定唔可以錯過！

 以上就係韓國便利店四月嘅新產品，如果大家都鍾意呢類型嘅介紹，不妨留言話俾小編知。

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購