Hello，大家好，我哋係由韓國人每日提供最新韓國旅行資訊嘅Creatrip。

大家喺韓劇，甚至係嚟韓國旅行嘅時候，都一定會見到大媽全部都係一式一樣嘅髮型，點解佢哋咁鍾意電短頭髮呢？今日就同小編一齊了解吓，韓國大媽髮型嘅秘密啦！

韓國大媽髮型嘅秘密

細捲短髮，加太陽帽，再加碎花鬆身褲，係好多人心目中韓國大媽嘅標記，英文會叫呢做髮型做「ajumma(阿豬媽) perm」，直譯就係「韓國大媽捲髮」。點解呢種髮型咁受大媽歡迎呢？原來係有呢幾個原因。

1. 曾經係上流社會嘅專屬標誌

스타개스트

聽講喺1937年，韓國人第1次接觸到電髮概念，所以當電髮傳入當時喺日佔時期嘅朝鮮半島之後，好快就成為咗審美嘅標準，好多韓國女性都想擁有一頭電髮。

不過可惜喺嗰個年代，電一次頭就夠買150公斤米，所以可以成為到審美嘅標準的話，淨係得演員、作家、學者等擁有社會地位同充足財富嘅上流女性先可以享受到。正正因為係咁，只要擁有電髮造型， 就係有財力嘅象徵。

  韓國「阿珠媽」嘅特徵

2. 冇時間打理頭髮

TV REPORT

大媽通常都係家庭主婦，佢哋又要忙住煮飯，又要照顧小朋友，做家務，根本就冇時間護理頭髮。不過只要電咗頭髮，就唔需要經常護理，好方便。

3. 比起拉直更加經濟實惠

노컷뉴스

大媽係好醒目，比起拉直電髮係更加經濟實惠，因為拉直頭髮，時間一過就會打回原形，會覺得好曬錢。喺韓國整一次頭髮係好貴，不過電一次頭髮，唔單止比較平，整完一次又唔會好快打回原形，唔洗再浪費錢，真係好經濟實惠。

以上呢3個就係大媽髮型部都係一樣嘅秘密，大家有冇覺得好神奇呢？大家仲有冇想知嘅韓國秘密的話，不妨留言話俾小編知。

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購