10隊粉絲希望重組嘅組合
每次有組合解散都令人好可惜，大家最希望重組嘅組合又係邊隊呢？
Hello，大家好，我哋係由韓國人每日提供最新韓國旅行資訊嘅Creatrip。
正所謂「七年魔咒」，有唔少韓國K-POP組合就算出咗道多年，都好難避免喺七年合約到期嘅時候解散，令唔少傷心嘅fans都希望佢哋日後有機會可以重組。今日就等小編介紹喺Koreaboo上面最多人希望重組嘅十個組合啦！
10對粉絲希望重組嘅組合
1. Myteen
Myteen喺2017年出道，之後只係再回歸咗一次就喺2019年解散，其中成員國憲同有彬喺解散之前曾經參加《PRODUCE X 101》。佢哋解散嘅時候只係出道咗兩年，所以令唔少粉絲都覺得好可惜，希望佢哋可以重組。
2. PRISTIN
2017年出道嘅PRISTIN係由Pledis娛樂推出嘅十人女子組合，佢哋喺2019年宣佈解散，當時就得3個成員續約留番喺公司，所以到而家仍然有好多fans好可惜，而且大部分都覺得係公司嘅經營不善先搞到PRISTIN解散。
3. Boyfriend
BOYFRIEND係STARSHIP娛樂喺2011年推出嘅男團，亦都係第一團有攣生兄弟嘅K-POP組合添！不過好可惜佢哋喺韓國嘅人氣喺集中日本市場之後慢慢減退，最終喺2019年宣佈解散。
4. I.O.I
I.O.I係2016年以《PRODUCE 101》第一季出道嘅女團，但因為限定女團嘅關係，佢哋喺2017年1月尾解散，之後成員加入Weki Meki同宇宙少女等等嘅團體，Somi同請夏更以solo歌手出道添。本身I.O.I有傾過2019年重組，只不過因為爆出《Produce 101》系列嘅投票造假爭議，最後重終嘅講法好可惜咁無疾而終。
5. B.A.P
B.A.P喺2012年出道，當年佢哋可以話係前景最光明嘅新人之一，唔單只成績好，就連好多唔同嘅專家都睇好佢哋嘅潛力同獨特性。不過同大家嘅期待唔同嘅係，佢哋公司TS Entertainment疏於管理嘅問題，令佢哋為咗同公司打官司而出現咗好長嘅空白期，人氣都因而減退咗不少。最後成員容國同Zelo決定喺2018年合約到期之後離開公司，而淨番嘅4個成員都喺2019年同TS終止咗專屬合約。
6. Sistar
人稱「夏日女王」嘅SISTAR係STARSHIP娛樂推出嘅第一個K-POP女團，佢哋充滿夏日氣氛嘅歌時至今日都仲有好多人鐘意，而佢哋都仲係Gaon Digital Chart 9首單曲入面排名前五位嘅藝人之一添。2017年宣佈解散嘅SISTAR，每個成員都活躍咁進行個人活動之中，成員多順更加曾經表示，佢哋都計劃緊重組添！
7. X1
X1同樣係以《PRODUCE X 101》出道嘅組合，本身被寄予厚望嘅佢哋，一出道就得到好唔錯嘅成績，但由於節目嘅投票造假爭議，佢哋喺出道唔夠半年嘅2020年1月解散。不過fans都唔使太可惜，因為X1嘅成員都仍然以solo歌手或者其他男團成員嘅身份努力咁活動中！
8. 4minute
4minute喺2009年出道，一直都係成績同知名度都好唔錯嘅女子組合之一。只不過喺2016年合約到期嘅時候，就只係得成員泫雅續約。聽講係因為Cube娛樂唔打算再支持佢哋嘅團體活動，所以先令到4minute解散。成員昭賢曾經喺2019年透露，成員之間有一直保持聯絡而且有計劃緊重組，但至今都仲未有任何消息。
9. Wanna One
Wanna One係以《PRODUCE 101》第二季出道嘅組合，喺2017年出道嘅佢哋可以話係當年最紅嘅組合之一，每次回歸成績都非常突出。可惜嘅係佢哋同樣係限定組合，所以喺2019年1月舉行最後一個演唱會之後就正式宣佈解散。
10. 2NE1
相信有留意開K-POP嘅人都會認同，2NE1係K-POP史上最經典嘅女子組合之一。佢哋係YG娛樂喺2009年推出嘅組合，喺2016年解散之前，2NE1攞過好多唔同嘅獎項亦得到好亮眼嘅成績，係最成功嘅女團之一。四個成員喺解散之後一直進行個人活動，最近成員Minzy曾經暗示佢哋日後可能會重組。
以試就係Koreaboo上面fans最希望重組嘅十個組合啦！唔知大家同唔同意呢？大家心目中最希望重組嘅組合係邊隊呢？歡迎留言話俾我哋知。
如果有更多想知嘅內容，都可以隨時dm話俾我哋知：）
Instagram：creatrip.hk
