logo

大胃王明星排名

明星都可以食到咁多嘢?一個月嘅食費要1億?邊個係最大食呢?

황요산
2 years ago

Hello,大家好 ,我哋係由韓國人每日提供最新韓國旅行資訊嘅Creatrip


大家可能覺得明星要身材管理,一日唔可以食咁多嘢,不過原來都有好多明星係「大胃王」?佢哋食嘅嘢分分鐘仲多過大家?今日小編今日就同大家介紹6個「大胃王」俾大家啦!



大胃王明星排名
第6位 EXO 伯賢 

大胃王明星排名

TVREPORT

佢曾經喺電台節目上面講過,自己小學生3年級嘅時候,突然之間開始瘋狂變肥,仲話嗰陣時覺得自己終於發現到飯嘅「香」,所以就開始食2碗飯,仲要係用湯碗裝!不過而家佢食完好多嘢之後,都會努力做運動,維持偶像身材。



第5位 Day6 Young K 


自稱係「大胃王」嘅Young K,可以勁到自己叫個4人份魚生嚟食,佢仲話自己可以一餐食到7碗飯...真係食量驚人。佢仲話過食好食嘅嘢,就會唱到更好嘅歌,睇嚟佢真係為食而生嘅偶像。



第4位 2PM 燦盛

韓星 大胃王TVREPORT


原來JYP入面有Food 4,係被稱為差啲食窮JYP嘅食神。而喺Food4入面嘅最強食神就係佢!佢講過佢自己有一日喺床邊慢慢咁食緊香蕉,點知就食咗49條?同埋聽佢哋講原來2PM一個月嘅食費要成1億...所以之後JYP就規定咗伙食費上限。果然係野獸idol,食量都特別多。



第3位 BTS Jin
jim 大胃王

인사이트


被稱為Idol界嘅白種元, 佢可以一日食到8餐,之前同演員李源根兩個人嘅食量,可以足足食到12人份嘅肉,加7碗飯,再加2碗冷面咁多!係BTS入面最大食,唔知大家有冇睇過佢嘅食播live「eat jin」呢?



第2位 朴寶藍大胃王明星排名

스포츠동아


唔好睇朴寶藍外表咁瘦,原來佢可以食到6人份嘅肉,連食壽司都可以食到30碟!之前仲食過一個4人份嘅巨無霸拉麵,飲曬所有湯,仲要係喺20分鐘內食曬...



第1位 TEI
TEI 大胃王

TMI NEWS


可能大家對佢唔係好熟悉,佢係一位抒情界嘅歌手嚟嘅。而佢點解會成為第一位呢? 原來佢之前一次過食過12個拉麵!佢細細個嗰陣去買佢最鐘意嘅漢堡包都要買成10個咁多。佢而家一個人一個月嘅伙食費要成300萬韓幣,差唔多係2萬蚊港幣左右,真係有啲誇張。


大家睇完之後有冇覺得佢哋真係食到好多嘢呢?大家知道邊個偶像都係食到好多嘢的話,都歡迎留言話俾小編知!




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

熱門文章