Hello，大家好，我哋係由韓國人每日提供最新韓國旅行資訊嘅Creatrip。 

其實韓國真係一個好鍾意網購嘅國家，因為好多時都係今日訂最快聽日就收到，所以小編喺韓國生活咗5年，好多時都因為懶，直接上網撳一撳掣就買到，超方便！

今日小編就想為大家介紹，韓妹最愛網上買衫平台比大家，甚至有啲仲網仲可以寄香港，價錢唔貴而且仲可以著到最新款，睇完之後可以同淘寶貨講byebye。

韓妹最愛網購app

1. 지그재그 (Zigzag)

如果講到韓妹最愛買衫平台app，一定係지그재그 (Zigzag)，佢最大賣點就係一個app裡面，可以一次睇哂過百間唔同品牌嘅衫。小編都係透過佢哋認識到好多唔同本地牌子，基本上好多都係MADE IN KOREA，甚至有啲網店會出獨家款式，保證唔會咁易同人撞！其中好似66girls、gogosing、dejou等都可以寄香港，只不過要用台灣網頁版買。

2. StyleShare

韓國講到時尚，永遠都快人一步，比起用IG睇穿搭分享，小編更推薦大家可以用Styleshare，呢個app除咗有衫之外，仲有化妝品買，衫方面就相對偏潮牌多，而且佢哋最特別之處就係有二手市場！小編見到唔少10代學生都好鍾意喺二手市場做交易。

3. 에이블리 (ABLY)

ABLY呢個app可以話係近呢一年最hit，唔單止因為多韓國YouTuber拍片賣廣告，同時因為佢係標榜寫365日都會送貨，就算只買一件都唔會收運費！佢周不時都會有唔同指定產品做限時優惠，有時咁啱見到心頭好，真係唔可以錯過要快啲買，咁多間網店之中，크림치츠마켓 (忌廉芝士市場) 最出名，店主21歲就已經賺過億韓won。小編喺呢度都洗咗唔少錢...但真係收到每件都好有質感，而且佢之後仲計劃寄海外，唔知寄香港又得唔得呢？

4. 블랜디 (BRANDI)

BRANDI同樣地都係365日冇運費咁送貨，只要2點前買，第二日就會收到，小編覺得呢個app比較適合20頭職場女性，好多款式都好簡約，唔會顯得太過休閒或成熟。

5. 무신사 (MUSINSA)

5個網購之中，MUSINSA係走中性風，唔單止多韓妹，好多韓仔都用佢，大家諗得到嘅潮牌都可以喺度搵得到，有時打起折上嚟，真係比門市平超多。如果唔想走斯文風，想走型格或休閒路線嘅話，MUSINSA最啱大家！

今日介紹咗5個網購app俾大家，大家都不妨download嚟睇下最近韓妹都鍾意點襯衫啦！另外有想買嘅衫或日常用品，其實都可以搵我哋代購㗎！

照片來源：66girls, ggsing, ably, musinsa, brandi

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購