弘大美食｜兔子停
韓國人氣極高美食店「兔子停」，傳說中嘅忌廉咖哩烏冬就喺呢度！
Hello，大家好，我哋係由韓國人每日提供最新韓國旅行資訊嘅Creatrip。
「免子停」係一間連鎖店餐廳，可能聽名未必知係邊一間，但如果有留意開韓國人IG嘅話，應該都見過唔少次呢間鋪頭出現。佢哋最出名嘅就係忌廉咖哩烏冬，唔少人都係為咗佢而去。至於點解佢會咁吸引？想知就要繼續睇落去啦！
弘大「兔子停」資訊
- 地址：서울 마포구 잔다리로2길 13
- 營業時間：每日 11:30 - 22:00（Last Order 21:00）
- 小Tips：弘大入口站9號出口行9分鐘
弘大「兔子停」推薦理由
- 免子停係一間日韓風格雙劍合璧嘅餐廳，韓、日式料理都可以喺到食到。
- 忌廉咖哩烏冬唔單止外表得，味道都係一流，好多人會為咗食佢而排隊。
- 佢哋有一個menu叫做意粉兔子飯桌，唔單止擺得靚，而且仲係超好味。
- 因為有落地玻璃窗，當有陽光射入店裡面，每個位都可以成為打卡位。
- 佢哋有買消毒機，每日都會消毒，確保就算疫情期間去都會安全有保障。
弘大「兔子停」優惠
- 埋單嘅時候向職員出示優惠券，即可享全menu九折優惠。
- 唔需要預約。
- 如果用coupon嘅時候，有任何疑問都可以send email到help@creatrip.com。
弘大「兔子停」菜單
菜單 | 價格 |
主菜 | |
意粉兔子飯桌 파스타 토끼밥상 | ₩34,800 |
忌廉咖哩烏冬 토끼정 크림 카레 우동 | ₩12,500 |
鐵板燒方塊牛排套餐 철판 큐브 스테이크 정식 | ₩18,800 |
飲品 | |
兔子梳打日落石榴 토끼소다 노을석류 | ₩5,800 |
兔子梳打月光柚子 토끼소다 달빚유자 | ₩5,800 |
弘大「兔子停」介紹
兔子停係一間連鎖美食店，弘大分店總共有4屠樓高，地下1樓係廚房，1-3樓係提供俾客人嘅座位。因為都算多位，所以就算多人一齊去都唔怕。
呢度係一樓區域，小編係年底去，充滿聖誕氣氛，有聖誕樹同可愛吊燈，俾人一種好溫暖嘅感覺。
如果唔係太多人，小編建議大家可以坐窗邊位，有陽光射入嚟，超浪漫。
一樓有幾張檯，每個角落都裝飾得好精緻，木製傢俬同白色色調相當有氣氛，復古得嚟又現代。
如果想再有氣氛啲，可以上2樓。
可惜小編今次去嘅時候，3樓冇開燈，不過望落都幾唔錯！呢度食物唔單止夠好味，而且裝飾得精美，量多CP值高。
忌廉咖哩烏冬（토끼정 크림 카레 우동）₩12,500
呢個係佢哋最熱門嘅忌廉咖哩烏冬，店長話食嘅時候唔洗撈，直接由底部夾上嚟會更加好食。
一開始小編見到有咁多忌廉嘅時候，覺得一定食幾啖就會好膩⋯⋯點知越食越上癮，超好味！就算食完一啲滯嘅感覺都冇，好神奇！
意粉兔子飯桌（파스타 토끼밥상）₩34,800
(加₩1,000可以轉芝士炸豬扒、加₩1,500牛排意粉）
講到兔子停唔可以唔提仲有呢個意粉兔子飯桌（파스타 토끼밥상），本身佢係2人份，但小編覺得3個人先會食得完！基本套餐價格係₩34,800，包括高級炸豬扒（프리미엄 카츠）、1份咖哩同1份意粉。 咖哩仲可以揀兔子停咖哩 （토끼정 카레）、番茄咖哩（토마토 카레）或水果咖哩（바몬드 카레），而且仲可以揀辣度。
至於意粉可以揀羅勒忌廉蝦意粉（바질 새우 크림 파스타）、那不勒斯漢堡扒意粉（나폴리탄 함바그 파스타 ）、黑松露蘑菇意粉（트러플 머쉬룸 오일 파스타 ）、明太子忌廉意粉 （명란 크림 파스타）。
所以小編最後加咗₩1,000換芝士炸豬扒（치즈 카츠），同加₩1,500換牛排意粉（큐브 스테이크 오일 파스타）。
除咗主食之外，仲有2碗飯、水果、小菜同甜品！
首先呢個芝士炸豬扒真係超多芝士，超脆而且好濃味，不過大家記得要趁熱食！或者大家亦可以點番茄醬或咖哩一齊食！
小編喺3個口味嘅咖哩之中，最後揀咗兔子停咖哩，佢係最基本口味，唔會太鹹，裡面仲有啲肉碎、洋蔥， 配飯一齊食超好味！
如果你怕忌廉咖哩烏冬太鹹，唔太啱你口味，可以試吓呢款牛排意粉，上面是超多塊牛排，而且肉好嫩，令人一試愛上！
鐵板燒方塊牛排套餐（철판 큐브 스테이크 정식）₩17,800
小編另外仲叫多咗份鐵板燒方塊牛排套餐，份量多， 而且仲有薯條、飯、煎蛋、西蘭花、蘆筍等，肉質鮮嫩多汁，配上佢哋嘅甜甜地醬一齊食，超好味！
兔子梳打日落石榴（토끼소다 노을석류）₩5,800
兔子梳打月光柚子（토끼소다 달빚유자）₩5,800
一杯份量超大，兩人飲一杯都好夠！
小編唔係太飲到石榴味，反而柚子味重啲，酸酸地好解膩。
柚子同梳打好夾！夠清爽，好好飲！
兔子停令到小編最放心嘅係，佢哋好注重防疫，有買一部消毒機，每日都會喺成個餐廳進行消毒。
總體嚟講，小編覺得呢度唔單止好味，而且空間俾人一種好舒服嘅感覺，職員又好nice。如果大家之後去弘大，不妨都可以試吓呢一間兔子停，只要係我哋會員仲可以有九折優惠！
弘大「兔子停」 前往方法
9號出口出嚟。
一直直行。
見到SPAO轉左直行。
過對面馬路直行去到大街尾。
直行到大街尾望右會見到Lush繼續直行。
行到十字路口轉左。
行前20秒就會見到兔子停。
點先可以享有弘大「兔子停」優惠？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係弘大「兔子停」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
