仁寺洞美食｜仁寺洞蒜泥包肉
仁寺洞最正統韓式料理「仁寺洞蒜泥白肉」，韓國當地人、電視節目最愛嘅韓國傳統味道！
Hello，大家好，我哋係由韓國人每日提供最新韓國旅行資訊嘅Creatrip。
仁寺洞被韓國指定為第一號「傳統文化街道」，充滿傳統及在地文化。呢到聚集古董店、畫廊、陶藝店、手工藝品店、美術工具、傳統茶店同傳統餐廳，係韓國必去觀光景點之一。
其中，韓國人亦好鍾意去以豐富傳統韓式料理聞名嘅「仁寺洞蒜泥包肉」，呢間美食店更上過好多電視節目介紹，蒜泥包肉、燉泡菜、辣炒小章魚、韭菜煎餅、泡菜煎餅同栗子米酒，都係經典。
仁寺洞美食「仁寺洞蒜泥包肉」資訊
- 地址：서울 종로구 인사동8길 12-5
- 營業時間：11:00 - 22:00（Break Time 15:00 - 17:00）
仁寺洞美食「仁寺洞蒜泥包肉」推薦理由
- 「仁寺洞蒜泥白肉」位於韓國必去景點之一嘅仁寺洞文化街道，大約行2分鐘就會到，交通非常方便，而且亦被好多韓國節目介紹過，係一間非常有名氣在地美食店。
- 店入面嘅天花板、牆紙、擺設都仿造傳統韓屋設置，超有氣氛，而且規模都唔細，更有包廂空間。
仁寺洞美食「仁寺洞蒜泥包肉」注意事項
- 埋單嘅時候向職員出示優惠券，即可享九折優惠。
- 唔需要預約。
- 如果用coupon嘅時候，有任何疑問都可以send email到help@creatrip.com。
仁寺洞美食「仁寺洞蒜泥包肉」菜單
菜單 | 價格 |
蒜泥包肉（小） | ₩27,000 |
蒜泥包肉（中） | ₩37,000 |
 | |
2人套餐 蒜泥包肉(小) + 韭菜煎餅 + 罈子米酒(鍋巴or栗子) | ₩43,000 |
3人套餐 蒜泥包肉(中) + 燉泡菜(小) + 罈子米酒(鍋巴or栗子) | ₩63,000 |
 燉泡菜 | |
 韭菜煎餅 | |
 罈子米酒 | |
4人套餐 蒜泥包肉(中) + 辣炒小章魚(小) + 韭菜煎餅 + 罈子米酒(鍋巴or栗子) | ₩80,000 |
經典套餐 蒜泥包肉(中) + 燉泡菜(小) + 辣炒小章魚(中) + 韭菜煎餅 + 罈子米酒(鍋巴or栗子) | ₩108,000 |
 辣炒小章魚 | |
仁寺洞美食「仁寺洞蒜泥包肉」介紹
門口畫有一隻可愛老虎，呢隻老虎係仁寺洞蒜泥包肉店嘅吉祥物。
店入面充滿濃濃韓屋氣息，呢到有分坐檯式同坐地下式座位。
小編叫咗仁寺洞蒜泥包肉3人套餐，裡面含有中份蒜泥包肉、小份燉泡菜同罈子米酒。
店家會先免費附送小菜，由右至左分別為醃洋蔥、炒泡菜同炒海帶絲。
上完小菜之後，店家就會為我哋送上韓國米酒，韓國米酒係穀類（米、大麥、麵粉等）蒸熟之後，加入酒母同水發酵而成。
呢到嘅韓國米酒更係店家親自製作，分別有栗子同鍋巴，大家可以二選一。
小編點嘅係栗子口味，將韓國米酒舀入專用杯飲就可以。如果無飲過韓國米酒嘅朋友，小編會話呢嗰有啲似係栗子口味梳打水，真係幾好飲，大家如果去到可以試吓㗎！
舀完韓國米酒之後，蒜泥包肉終於送上嚟啦！
店家會一齊送上辣蘿蔔絲同蒜泥醬，呢兩種配料同豬肉一齊食真係好夾同好食。
呢到嘅蒜泥醬好特別，佢係混合蒜頭同柚子所做成，有啲朋友可能會想話「蒜頭辣味同柚子清爽味道感覺會好唔夾」，不過只要嚟食過一次就會知道，咁樣嘅配搭係好好食，而且會令人食上癮！
蒜泥醬一啲辣味都無，怕辣嘅朋友唔使擔心！小編真係邊寫文章邊流口水...好想再食。
覺得要一塊一塊咁點醬太麻煩嘅話，亦可以直接將蒜泥醬淋喺豬肉上面！
下一嗰送上嚟嘅係燉泡菜，呢嗰可以話係每個韓國人都鍾意嘅韓國菜，入面有熟透嘅泡菜同整舊水煮肉。
將熟透嘅泡菜同豬肉剪成適合入口大小。豬肉超軟嫩超好食！
仁寺洞蒜泥包肉係一間小編超推嘅美食店之一。套餐基本上都有包含蒜泥包肉、燉泡菜同韓國米酒，相對於價格真係好豐盛。
另外，呢到嘅食物味道一啲都唔刺激，推薦俾唔太熟悉韓式料理嘅朋友。
仁寺洞美食「蒜泥包肉」前往方法
仁寺洞5號出口出嚟。
出嚟之後一直直行。
見到寫住仁寺洞10街號牌之後轉右。
繼續直行。
見到正明堂之後轉左。
行前少少就會見到仁寺洞蒜泥包肉嘅招牌。
大約直行到最盡1分鐘左右，就會見到有個方向牌。
左邊就係仁寺洞蒜泥包肉啦！
參考影片：
點先可以享有仁寺洞蒜泥包肉9折優惠呢？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係仁寺洞美食：仁寺洞蒜泥包肉，嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
