logo

東大門咖啡廳|J.Hidden House

傳統同現代結合嘅「J.Hidden House」Cafe藏身喺東大門小巷,可以嚟到邊嘆咖啡邊睇電影?

soorin.lee
3 years ago

Hello,大家好,我哋係由韓國人每日提供最新韓國旅行資訊嘅Creatrip


平時去東大門只係食一隻雞,或者去行批發,一直搵唔到一間啱心水嘅Cafe?

咁小編今日想同大家介紹一間充滿現代感同時又有傳統feel嘅J.Hidden Hose Cafe俾大家,而且仲要唔少名人都去過㗎!

而家只要係我哋會員出示優惠券,即可享有飲品九折優惠!



東大門韓屋咖啡廳:J.Hidden House資訊

  • 地址:서울 종로구 종로 269-4
  • 營業時間:12:00 - 18:00
  • 備註:因應唔同季節,菜單都會因而會有變動,詳情可以參考官方IG(撳我)


東大門韓屋咖啡廳:J.Hidden House優惠

  • Creatrip會員出示優惠券,即可享飲品類九折優惠。
  • 週末及公眾假期恕無法使用優惠券。


東大門韓屋咖啡廳:J.Hidden House推薦理由

  1. J.Hidden House離興仁之門、東大門市場同DDP好近,行到攰可以嚟呢度休息。
  2. 由1915年興建至今,係一間由韓國傳統韓屋裝修而成嘅Cafe,目前已經傳到第5代手上,每一個位都可以成為打卡位。
  3. 呢度嘅花生忌廉鮮奶咖啡同蔓越莓忌廉鮮奶咖啡都係超高水準,喺其他鋪頭好難飲到,想喺繁忙嘅都市之中享受一點寧靜,嚟呢度唔會有錯。


東大門韓屋咖啡廳:J.Hidden House位置

  • 地址:서울 종로구 종로 269-4
  • 小Tips:東大門站10號出口行大約2分鐘就去到。


東大門韓屋咖啡廳:J.Hidden House現場探訪


呢間Cafe係喺東大門站10號出口小巷嘅後面,只係睇門口就可以feel到佢係現代同傳統結合。

J.Hidden House係一間由1915年興建至今嘅韓屋,而家已經傳到第五代手上。



呢度嘅門板、石臼同將近百年嘅木雪板等,都係曾經喺度生活過嘅人用過。

所以大家嚟到除咗會覺得係一間Cafe之外,仲會覺得有少少去咗美術館咁。



呢度有好多唔同嘅打卡位,傳統同現代嘅結合真係令到人不斷咁感嘆!



老闆仲會用投影機照射黑白電影或各種影片喺白色牆上,如果係夜晚去一邊飲咖啡一邊睇片,真係一大享受!



J.Hidden House大致可以分為廂房跟主屋等兩大空間。因為中間放咗一塊大鏡,令到呢度視覺效果顯得更大,畀人一種好舒服嘅感覺。



嚟到呢度好似有種暫時脫離首爾,去到其他城市咁,好療癒。 



韓屋裡面嘅顏色裝修比較淺,同櫻花好夾,小編都諗住喺度自拍咗幾張。



想同大家講下呢度嘅門框同窗框喺其他地方幾乎係搵唔到到,佢哋為咗保留原狀,相信一定都落咗唔少功夫。

如果對韓國傳統房有興趣嘅朋友,除咗可以喺度嘆咖啡之外,不妨都可以慢慢欣賞。



唔同季節嚟,都可以欣賞唔同美景。



摩登風格配上韓國傳統家具,呢個組合令人覺得好舒服同溫暖。



J.Hidden House嘅甜品同飲品都係由曾經喺酒店餐廳工作過嘅經理親手製作,品質絕對係唔話得!

唔同季節亦都會換適合嘅咖啡豆,所以每一次嚟都會好有驚喜。



價錢方面亦都唔貴,小編叫咗好多款飲品同甜品同大家逐一分享。



J.蔓越莓忌廉鮮奶咖啡(₩7,500)

蔓越莓蛋糕食就可能食得多,至於係咖啡真係第一次飲。飲嘅時候一啲都唔苦反而係好甜,好易入口。



J.手工檸檬汽水(₩7,000)

如果係夏天嚟度,咁就好適合飲一杯充滿檸檬香、清爽又沁涼嘅汽水,檸檬果醬完全無添加任何一滴糖漿,只用綠色食材製作,飲完都覺得特別健康。



J.伯爵奶茶(₩6,500)

奶茶有濃郁嘅紅茶香,經理話唔係用粉去沖,而係用咗茶葉親自去煲,所以會更入味。



J.花生忌廉鮮奶咖啡(₩7,500)

呢杯飲品可以話喺其他地方好難飲到,飲嘅時候會令人聯想到Reese's朱古力。 

最上層係充滿花生忌廉香嘅蝴蝶餅,大家記住要喺佢沉之前影好相,然後先再食。



J.閃電泡芙(₩4,000)

泡芙分別有朱古力、忌廉兩種,兩款都好好味,大家之後可以嚟試下,同高級酒店嘅甜品有得揮!



裡面仲有超滿嘅內餡,一啲都唔覺得單調,令人忍唔住食完一啖又一啖。



J.椰子牛角包(₩4,500)

J.Hidden House必叫甜品之一,唔同季節會出唔同口味,每次嚟到都會有驚喜。

春天去嘅時候會喺牛角包上面灑上焦糖同椰子粉,超香超好味。


J. 朱古力牛角包(₩6,500)

裡面有啲似Nutella朱古力,同牛角包一齊食好夾好鬆軟。



J.愛心瑪德蓮蛋糕(₩3,500)

瑪德蓮蛋糕上面灑上愛心糖,同咖啡一齊食好夾!


J.伯爵檸檬司康鬆餅(₩3,500)

外酥內軟口感同紅茶奶茶好夾,裡面仲加咗檸檬,一啲都唔單調。



而且J.Hidden House仲會將部分收入捐俾青年成就等非營利組織,努力為社會佢出奉獻。

之後喺東大門行到攰,想搵一間有特色嘅Cafe坐下?咁大家不妨就去J.Hidden House啦!



東大門韓屋咖啡廳:J.Hidden House菜單

菜單價格
J.焦糖忌廉鮮奶咖啡
J.카라멜크림라떼
₩7,000
J.花生忌廉鮮奶咖啡
J.땅콩크림라떼
₩6,500
J.蔓越莓忌廉鮮奶咖啡
J.라즈베리크림라떼
₩7,500
J.手工汽水(檸檬/青檸)
J.수제 청 에이드(레몬/라임)
₩7,000
J.伯爵奶茶
J.얼그레이 밀크티
₩6,000
J.椰子牛角包
J.코코넛 크로아상
₩4,500
J.伯爵檸檬司康鬆餅
J.얼그레이 레몬 스콘
₩3,500
J.閃電泡芙
J.에끌레어
₩4,000
J.愛心瑪德蓮蛋糕
J.하트 마들렌
₩3,500





點先可以享有東大門韓屋咖啡廳:J.Hidden House消費飲品九折優惠呢?

現場消費Click下面網址下載Creatrip專屬優惠券,出示畀店員睇即可享有獨家優惠。(週末及公眾假期無法使用優惠)


J.Hidden House優惠券|撳我下載




以上係東大門韓屋咖啡廳:J.Hidden House嘅介紹,有任何問題請先詳讀呢篇文章

如果睇完之後有任何問題,或者我哋語意、標示唔清嘅話,麻煩請send email告知,以方便我哋改進 。


如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

Mail:help@creatrip.com


熱門文章