弘大燒肉任食推介
肉食主義者、鍾意食嘅朋友必睇！喺弘大跟小編咁樣食，弘大附近6間燒肉任食(牛/豬)整理
Hello，大家好，我哋係由韓國人每日提供最新韓國旅行資訊嘅Creatrip。
大家嚟韓國旅行一定會去弘大，但弘大餐廳咁多，大家會唔會想搵到啲CP值高嘅燒肉呢？今日小編要同大家介紹唔單止有五花肉，仲有牛肉、雞肉放題，大家下次去弘大不妨參考吓小編嘅私藏，一齊食又平又好食嘅弘大任食燒肉啦！
弘大燒肉任食推介
1. 荒謬的生肉（엉터리생고기）
- 地址：서울 마포구 어울마당로 118 2F
- 價格：7歲以上 ₩14,800、5至7歲￦8,000、4歲以下免費
- 營業時間：11:00 - 23:00（最後入場時間 22:00）
講到韓國五花肉任食，好多人第一時間都會諗到「荒謬的生肉」，唔單止係弘大，佢喺其他地方都有分店，不過要留意嘅係每間分店價錢都唔太一樣，最抵應該就係弘大店啦。
「荒謬的生肉」提供五花肉、梅頭豬同大醬湯（配菜同湯要自己去拎）。小編個人認為佢哋嘅厚五花肉幾好食，同其他鋪嘅五花肉任食比，算係好高質。
小編Tips：
- 每間鋪頭嘅價錢可能都會唔一樣
- 加肉要搵店員送過嚟
- 生菜、小菜、大醬湯都係自助
另外只要係我哋會員，就可以享有95折優惠！千祈唔好錯過啦！
2. MUSSO無牛（무쏘 홍대점）
- 地址：서울 마포구 잔다리로 10
- 價格：₩20,800（一人）
- 營業時間：星期日至四 16:00 - 02:00、星期五、六16:00 - 04:00
如果唔想食豬，想任食牛肉放題嘅話，可以試吓位呢間MUSSO（無牛）。
0.jpg)
肉嘅品質都幾好，至少唔係雪藏嘅牛肉，而且想食埋蝦同生牛肉嘅話，可以揀₩23,800嗰個選項，小編當時就揀咗牛肉任食（₩20,800），淨係牛肉都好夠食。
0.jpg)
不過呢到有一點冇咁好，就係呢度嘅醬汁、小菜、生菜要額外加₩500，所以實際計落燒牛肉任食一個人要成₩22,300，雖然唔係差好多，但都係覺得有少少好似俾人呃咗咁。
小編Tips：
- 牛肉、蝦、生牛肉任食方案係₩23,800
- 生菜醬料費₩500（一人）係一定要加
- 冬天唔會開抽風機，油煙味好重，食完身上會好大陣味。
3. 巨大排骨弘大店（통큰갈비 홍대점）
- 地址：서울 마포구 어울마당로 151-1
- 價格：₩12,000（一人）
- 營業時間：12:00 - 00:00
除咗新村之外，而家喺弘大都可以搵到「巨大排骨」嘅蹤影啦！豬排可以任食（五花肉另加錢都係好平）。
食落一啲都唔油膩，帶有少少甜味，肉都好嫩。另外小編都想同大家推薦佢咃嘅蒸蛋，芝士份量真係一啲都唔講得笑，只係需要₩2,000就食到！咁平唔叫真係對唔住自己。
小編Tips：
- 有中午套餐，不過唔係任食。
- 一般任食只係得豬排，牛肉同五花肉要另叫。
4. 1988肉不敗（1988고기불패）
- 地址：서울 마포구 와우산로17길 14 2F
- 價格：平日中午₩9,900；平日晚餐及週末全日₩12,900
- 營業時間：12:00 - 23:00、逢星期一休息
0.jpg)
呢間小編都幾推薦，價錢唔係最平，但供應嘅嘢係最多，而且如果想任飲燒酒，一個人只係加₩4,900，超抵！一般汽水就加₩1,000。
0.jpg)
0.jpg)
會推薦呢間弘大燒肉「1988肉不敗」，係因為店入面唔淨係得五花肉任食，仲有雞肉、豬皮等好多唔同嘅肉類，而且鋪頭會先幫你燒一燒先，都幾貼心。
小菜有好多款，而且意粉、白飯都係任裝！如果想食好多款小菜、肉類嘅朋友，一定要嚟呢間弘大燒肉任食，想飲酒嘅更加要嚟，兩個人食，只要飲兩支燒酒就差唔多回本。
0.jpg)
小編Tips：
- 小菜係自助式
- 肉類要自己去櫃檯同店員講，佢會裝俾你。
5. 江南豬肉商會（강남 돼지상회）
- 地址：서울 마포구 홍익로5안길 28
- 價格：₩13,900（1人）
- 營業時間：11:30 - 00:00
「江南豬肉商會」係弘大五花肉任食餐廳之一，小編個人覺得CP值幾高，如果只係食燒肉一人都係₩13,900，如果想食埋炸雞一人都只係₩15,500。
小編幾鍾意食五花肉薄片，呢間除咗豬肉薄片，仲有肥牛，仲可以加落大醬湯好似打邊爐咁食，都好好食。不過如果真心講句，小編覺得其實炸雞比較好食（細細聲講lol）。
小編Tips：
- 想食炸雞、燒肉任食嘅一人₩15,500（一人）
- 白飯、飲品、冷麵任食₩17,900（一人）
- 小菜、肉類、大醬湯都係自助式
- 油煙都幾大，有外套嘅人記得問店員拎膠袋裝起啲衫
6. 豬肉大學（돼지대학교 무한리필）
- 地址：서울 마포구 독막로 15
- 價格：₩14,900（一人）
- 營業時間：12:00 - 23:00（22:30最後入場）
位於弘大「合井站」附近嘅豬肉大學，小編都只係食過一次，不過印象就好深刻。呢間餐廳都係自助式，比較特別嘅係呢度每一張檯都會附贈辣炒年糕，另外五花肉、小菜等，都係無限供應。
INSTAGRAM：PORK_UNIVERSITY
講句公道說話，食第一啖真係有驚艷到，因為同一般豬肉唔同，呢到帶有濃郁碳香味，令人一試愛上，不過比較可惜嘅係肉選擇比較少，食到最後可能會有啲膩。
小編叮嚀
- 辣炒年糕都係無限量供應、但只可以揀一種口味
- 鋪頭入面油煙都幾大
最後再整理咗個表俾大家參考：
| 荒謬的生肉（弘大店） | ₩11,800/人 三層肉、梅頭豬、大醬湯 撳我拎優惠券 |
| 巨大排骨（弘大店） | ₩12,000/人 醃排骨(豬) |
| 1988肉不敗 | 平日晚餐/假日全日 ₩12,900/人 五花肉、雞肉、 梅頭豬、豬頸肉 |
| MUSSO無牛 | ₩20,800/人 +₩500(自助bar) 全部都係牛肉 |
| 豬肉大學 | ₩14,900/人 全都都係豬肉 |
| 豬肉商會 | ₩13,900/人 五花肉、牛五花 梅頭豬、大醬湯 ₩15,500/人 上述+炸雞任食 |
以上係小編整理嘅6間弘大燒肉任食，對於肉食主義者嚟講完全係天堂！希望大家會鍾意呢次嘅分享啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
