弘大吃喝玩樂總整理
韓國年輕人最鍾意去嘅弘大！弘大吃喝玩樂總整理！
Hello，大家好，我哋係由韓國人每日提供最新韓國旅行資訊嘅Creatrip。
就算未嚟過韓國玩，相信都會聽過「弘大」呢個地方！呢度係韓國年輕人嘅聚集地，想瞭解韓國而家興啲咩、體驗韓國最新潮流，就一定要嚟弘大玩啦！而且呢度交通方便，搭機場快線仲唔使轉車，一落機可以直接嚟玩，非常受遊客歡迎~
今次小編就為大家整理好一連串同弘大有關嘅資訊，下次嚟韓國之前參考呢篇文章，一定包你玩得開心！
![弘大cafe]()
![弘大必做]()
![弘大sjopping]()
![弘大美容]()
![弘大交通]()
![弘大住宿]()
弘大地理位置
![]()
弘大，其實係韓國「弘益大學」嘅簡稱，呢間大學附近嘅地區我哋都會稱之為弘大。因為呢度係大學區，所以有好多韓國年輕人，久而久之呢度就成為咗最能夠反映韓國潮流嘅地區，亦都吸引唔少遊客嚟玩。
除咗弘大入口站同弘益大學之間，俗稱「弘大主街」嘅area之外，附近仲有「延南洞」、「上水」、「合井」、「望遠洞」等等嘅地方等緊大家去探索！
1. 延南洞
「延南洞」所指嘅係鄰近弘大入口站嘅京義線林蔭道一帶，以超多靚靚Cafe同餐廳為名，可以話係繼弘大主街之外最熱鬧嘅地方！
2. 上水、合井
比起弘大，「上水洞」俾人嘅感覺相對上成熟安靜啲，但都有超多Cafe同出名嘅餐廳，吸引到唔少人探訪。而講起「合井洞」最出名嘅景點，就當然唔少得YG公司同WINNER旻浩開嘅Cafe啦！「合井洞」亦都同「望遠漢江公園」好近，行完合井想去漢江都非常方便~
3. 望遠洞
望遠洞係望遠市場同望遠漢江公園嘅所在地，嚟到呢度大家可以融入當地人生活，親身體驗韓國文化，係一個非常有魅力嘅地方。
弘大美食
弘大主街附近有超級多餐廳，真係會睇到眼花繚亂，而且有時候好多網上介紹嘅餐廳根本韓國人唔會去，入到去全部都係遊客，都唔知去邊度食飯好。小編已經幫大家整理咗弘大附近最地道嘅美食，大家去弘大之前不妨可以參考吓，總有一款會啱你胃口！
弘大Cafe
弘大Cafe越開越多，間間風格都好唔同，好多年輕人都會趁weekend嘅時候去弘大四周圍搵靚靚Cafe影相打卡。想知道最近弘大邊間Cafe最受歡迎？即刻撳下面條Link睇吓啦！
弘大必做活動
弘大除咗行街同睇busking表演，其實仲有好多嘢做！一齊嚟發掘吓弘大無窮無盡嘅魅力啦！
弘大購物
大部分人嚟弘大都係為咗shopping買靚衫！作為韓國潮流集中地，呢度無論係學生平價衫，定係貴價牌子都有，仲有化妝品、飾物等等嘅鋪頭等緊你去行！
弘大美容
韓國作為美容大國，擁有最尖端嘅技術，四周圍都會有好多髮型屋同提供美容療程嘅地方，而弘大都唔例外！小編為大家整理咗一系列同美容相關嘅推薦地點，有興趣嘅朋友可以撳下面條Link瞭解詳情~
弘大交通
大家去到弘大地鐵站可以搭到地鐵2號線、京義中央線同機場快線，交通非常方便！想知喺弘大仲可以搭咩車，可以click下面條link瞭解詳情~
弘大住宿
弘大有各種各樣嘅住宿任君選擇，小編幫大家搜羅咗距離車站比較近嘅高質酒店，等大家可以唔使攞住咁重嘅行李四圍走之餘，仲可以住得舒服。
以上就係小編為大家整理嘅弘大終極攻略，下次嚟弘大玩之前，記住參考吓啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
