韓國五花肉文化

點解五花肉係國民美食?油脂可以吸走空氣污糟嘢?點咩醬最好食?韓國五花肉文化
avatar
여정영
4 years ago

Hello,大家好,呢度係由韓國人每日提供最新韓國旅行資訊嘅Creatrip


#韓國文化#韓國烤肉
#韓國人食烤肉#飲酒


講到韓國美食,大家第一樣會諗到咩呢?

除咗泡菜、蔘雞湯、炸雞之外,當然唔少得仲有五花肉啦!

韓國無論去到邊,喺條街行唔洗幾耐,就會見到好幾間烤肉店。

小編今日想同大家分享,韓國烤肉文化小知識,等大家嚟到可以好似正宗韓國人咁食肉飲酒。


🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購服務



韓國五花肉文化

韓國有五花肉節(삼겹살데이)

喺十幾年前,韓國畜協為咗宣傳「韓國國產豬」,創立咗五花肉節。

每年3月3號就係五花肉節,韓國人為咗要紀念呢日,放工之後都會約埋一齊去食肉




韓國五花肉文化


韓國人點解會咁鍾意食五花肉呢?

畢竟好多人無論喺屋企定係出面食,好多時都會挑走肥肉部份。

但對韓國人嚟講,呢部分先係精華,甚至成為佢哋國民代表性嘅美食之一。



韓國人之咁鍾意食五花肉,佢哋分別有3個講法:


1. 五花肉油脂可以吸清氣管同肺部嘅污糟嘢。


韓國以前仲係以工業為主嘅時候,韓國人成日都係喺灰塵環境底下工作。

放工之後都會一齊約食飯,如果只係食一般料理,對佢哋嚟講可能冇補充到體力,所以就揀咗食平豬肉。



當時衛生觀念唔太好,佢哋好少戴口罩防護,好多人都因灰塵引致肺部疾病而死。

所以「工人食五花肉,油脂可以清潔肺部同氣管灰塵」嘅謠言開始興起,直到今時今日都仲有人講緊。





2. 豬肉主要部位都變成出口貨,只剩油脂較多嘅五花肉。


呢個講法有分兩個時間點,一個係日本殖民韓國時期,另一個係韓國獨立後60、70年代。


因為當時韓國養豬業興起,大量豬肉輸出去日本。

對日本人嚟講,佢哋比較鍾意食少油脂部位(做成炸豬排),只剩底五花肉賣唔出,所以養豬主人都只好喺國內賣五花肉。





3. 豬肉價格係所有肉類當中最平。


韓國氣候好難種大量蔬菜,大家唯一成日見到嘅可能只得泡菜。

喺好耐以前,韓國一般百姓生活幾乎都係只食泡菜、大豆芽加白飯,長期落去,飲食營養難免失衡。


對一般家庭嚟講,要每餐都食到肉真係一件難事,佢哋唯一可以做嘅就係揀平啲嘅豬肉。

五花肉肥肉油脂多,好多時因為太肥而賣唔出去,所以價錢唔會好貴,一般家庭都可以負擔得起。

所以五花肉就成為咗平民嘅代表性食物。




韓國五花肉文化

韓國人食五花肉會準備咩呢?

大家應該都睇過韓國節目,或者嚟韓國食過五花肉,應該好清楚食五花肉會有咩配料。

小編而家一次過整理畀大家睇,喚醒大家對韓國五花肉嘅記憶啦!


1. 五花肉烤爐


韓國烤肉主要有分兩種方式,一種係炭火,另一種係銅板加熱。

銅板加熱又有分兩種,一種係板面傾斜,等肉嘅油脂可以只向一邊滴落。

另一種係圓形盤狀,上面有好多細窿 ,油脂可以自己流走。






2. 烤五花肉配菜

基本上每去食一間烤肉,職員都會提供生菜、泡菜、醬料、鹽。

有啲高中少少嘅鋪頭,仲會提供芝麻葉、醃蘿蔔、大豆芽、洋蔥、大蒜、韭菜,有啲甚至會免費送大醬湯或者泡菜湯。





韓國文化:韓國三層肉

韓國人點食五花肉?


1. 烤到表面金黃色,再將肉剪開。


肉仲未熟到一定程度嘅時侯,其實係剪唔開,反而會更痴埋一齊。

所以韓國人都鍾意等耐啲,表面烤到金黃色先再剪。





2. 包生菜同其他小菜一齊食

bbkk.kr/stay/view/2899


每個人都有唔同包法,好多韓國人都鍾意包芝麻葉一齊食,但好多外國人就未必接受到。


bbkk.kr/stay/view/2899


除咗要包菜之外,仲會包埋泡菜、蒜頭、大豆芽、韭菜或者蔥絲,隨便包一包已經好大舊。

但韓國人仲係會好努力咁塞哂入口。





3. 點韓式醬或麻油加鹽一齊吃

bbkk.kr/stay/view/2899


韓國人食烤肉嘅時候,一定會點辣醬(包飯醬)或麻油鹽一齊食。


tvn

有啲烤肉店除咗有基本醬(包飯醬)同麻油之外,仲會提供大醬同蝦醬。

值得一提嘅係,點蝦醬係濟州島特有食法,喺首爾或其他旅遊地區,可能要特別問先會畀。



另外,餐廳如果有賣豬皮嘅話,亦會提供糯米黃豆粉,食起嚟會更煙韌。

🙌弘大烤肉任食推薦




4. 必烤泡菜、蒜頭、韭菜、大豆芽。


每間烤肉店都會提供泡菜, 比起凍泡菜,將蒜頭同泡菜燒一燒再夾肉一齊食,就更加好味。





5. 配冷麵或韓式便當


韓國人食烤肉有一個特點,比起只叫一個白飯,佢哋更加鍾意叫冷麵或韓式便當嚟食。


iksanopennews


唔鍾意食冷麵嘅話,大家可以叫韓式便當,不過大家記得,打開之前一定要將個飯盒不斷咁搖,咁先可以將入面配料同飯撈得勻。





6. 配上飯類同鍋類一齊食

如果都係比較鍾意食白飯嘅話,韓國人會另加多個大醬鍋或者泡菜鍋一齊食

烤韓牛





7. 配酒食烤肉

저기요, 처음처럼 하나만 주세요!

韓國人真係無酒不歡,基本上無論係朝早定夜晚,大家都會見到佢哋飲緊酒。

真露,又稱Fresh

初飲初樂

清河

好日子,釜山最出名燒酒


以上係比較多人會叫嘅燒酒牌子,首爾人多數會叫真露,釜山人會比較鍾意叫好日子燒酒(Good Day)。


이술톡톡

米酒

其他成日會見到嘅仲有米酒、水蜜桃氣泡酒,都好熱門。




韓國五花肉文化

韓國人飲酒文化


韓國人好鍾意將啤酒同燒酒撈埋一齊飲,佢哋稱之為「燒啤」(소맥)。

雖然咁樣飲會易醉啲,但係只飲燒酒又會覺得好苦。




韓國人會先用燒酒杯裝6、7成滿,再倒入啤酒杯,之後再倒啤酒。

佢哋會用一隻筷子或匙羹插入酒杯打一下,等兩隻酒可以撈埋一齊。


news.tongplus.com

韓國仲做過問卷調查,燒酒同啤酒比例3:7係最多人鍾意。

咁嘅比例小編;3好鍾意,一啲都唔覺得苦,反而覺得甜甜地,好易入口。




以上係韓國烤肉(五花肉)文化,下次嚟韓國嘅時候,不妨模仿吓韓國人食法啦!



🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購服務

其他延伸閱讀
弘大烤肉任食GS25五花肉
仁寺洞傳統美食韓國炸雞外送
icon 評價
profile image