經理人大爆幫明星XX
經理人繼續解答一眾fans嘅好奇，仲大爆試過幫偶像XX？
Wingyin Chan
a year ago
Hello，大家好，我哋係由韓國人每日提供最新韓國旅行資訊嘅Creatrip。
繼上次經理人親自解開暴力對fans嘅誤會之後，兩位前經理人繼續真情剖白，公開身為偶像經理人，工作上不為人知嘅秘密！
經理人大爆幫明星XX
有網友留言問：「經理人係咪會幫偶像買cxxdxx？聽講話會以經理人名義開酒店房，仲會幫手買埋cxxdxx」。
睇完留言，兩位經理人即時暴怒（？）：「買condom真係令人好炆，喺網上買啦！」、「網上一次過買可以買到好大量！」
唔？？即刻話真係有咁嘅情況？？ 大家冷靜啲！！睇埋落去啦！
經理人講返，其實佢哋冇試過幫偶像買condom，（補充：但年長啲演員就可能有）不過就有類似嘅經歷，就係買煙，或者M巾。佢哋話食煙雖然係正常不過嘅事，但始終有損形象，偶像親自去買唔多唔少都唔係咁方便，所以都會幫手買。
另外更有經理人留言話自己遇過一啲好難搞嘅情況。
比如偶像為咗拍攝整咗指甲，但中途指甲變得奇怪，仲斷咗，唔知點算好。兩位經理人都話呢個情況經常發生，係佢哋發揮處理危機能力嘅時候！（笑）白經理人表示會立即seach附近有咩美甲舖，然後即時去搞掂。
之後再提到一樣會令兩位經理人都即時爆炸嘅事，就係收工就嚟返到屋企時，偶像話佢漏低咗部電話！當打開車尾箱，登登！發現部電話好平安咁攤喺度，但經理人心情就好滾動，要即時送去偶像度。
來源：youtube@AYO
經理人同偶像之間嘅關係真係好close，大小事務都要處理，一啲都唔簡單！仲知好多秘密添，唔知大家覺得有冇趣呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
熱門文章
