完成接種疫苗可免隔離
由7月起，只要完成接種WHO認可嘅疫苗，嚟韓國探親、工作可免14日隔離
Hello，大家好，我哋係由韓國人每日提供最新韓國旅行資訊嘅Creatrip。
韓國國務總理金國謙尋日（13號）宣佈，由7月起允許已經喺海外完成接種世衛組織批准疫苗嘅人，以探訪家人、商務、學術、公益為目的嚟韓國嘅話，可免除14日隔離。
繼早前宣佈容許喺韓國境內完接種人士出境後入境時可免隔離後，喺6月13號，韓國總理金國謙同中央防疫對策本部以「已完成境外接種人員出入境管理計劃」為主題舉行會議，宣佈由7月1號起，喺國外完成接種世衛組織許可疫苗嘅人，喺特定嘅情況下，可以免除14日隔離嘅義務入境韓國。
Ｑ：咩情況下可以免隔離？
Ａ：今次可以俾入境嘅係完成接種後，嚟韓國探親嘅人， 無論係韓國人定係外國人，只要係直屬家人關係就可以免隔離，包括係自己家人、另一半，或者另一半嘅直屬家人。
Ｑ：商務、學術、公益等嚟韓國可唔可以免隔離？
Ａ：直到而家都只係CEO級先可以免隔離，不過由下個月開始只要係職員都可以免，而點樣申請豁免就要填國內邀請入境嘅相關資料，之後交去企業人士入境支援中心。
Ｑ：係唔係所以國家都可以免隔離？
Ａ：唔係，呢次新規定唔適用於南非、馬拉威、波札那、莫三比克、坦尚尼亞、埃斯瓦蒂尼、辛巴威、孟加拉國、赤道幾內亞、巴西、蘇利南、巴拉圭、智利等13個國家。
Ｑ：有冇指定嘅疫苗可以免隔離？
Ａ：只有世界衛生組織（WHO）認證嘅疫苗先可以免隔離。當中包括：輝瑞、阿斯利康（AZ）、強生（Janssen）、莫德納（Moderna）、Covishield、中國國藥、科興疫苗（CoronaVac）。
Ｑ：入境探訪家人時，需要點做去申請豁免隔離？
Ａ：嚟韓國之前，必須事先向駐外公關提交文件：免除隔離申請書、誓約書、預防接種證明書、家庭關係證明文件。 如果偽造文件，將會處以罰款，同限制出入境。
Ｑ：COVID-19康復者有接種疫苗嘅效果，可以提交抗體證明書代替？
Ａ：唔可以，只有完成疫苗接種嘅人先可以免除隔離。
Ｑ：豁免隔離時唔會進行特別檢查？
Ａ：即使獲得隔離豁免認證嘅情況下入境，亦需要進行3次檢查及檢驗結果必須呈陰性：出發72小時以內、入境第1日、入境第6-7日。
Ｑ：完成接種嘅12歲兒童都可以免除隔離？
Ａ：可免除。另外，如果未接種疫苗嘅6歲以下嬰幼兒，同已接種完畢嘅父母一同入境時，亦可免除隔離。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
